++[[ بنات كلية التربية الأساسية ]]++

السلام عليكم و رحمة الله وبركاته ،،

انا كنت درست سنة في كلية التجاري والحين حولت لـ كلية التربية
كنت ابي تخصص فنية و قدمت امتحان بس االله ما اراد
قبلوني تخصص ( تكنولوجيا التعليم ) ،،

ممكن تفيدوني بـ معلومات عن هذا التخصص ؟؟
هل هو حلوو والا لا ؟؟
شلون صايره طبيعة عملي ؟؟
و طريقة الدراسة ؟؟

و اقدر احول والا لا ؟؟
و جم يبون معدل عشان أحول ؟؟

و راح اكون شاكره لكم

اول شي مبروك القبول

و انا كل اللي اعرفة انج لما تتخرجين تصيرين قسم التقنيات مادري اذا تغير هالشي ولا لا

و تقدرين تحولين و اذا على المعدل اول ما تداومين روحي التسجيل و اساليهم عن معدلات التحويل لان كل تخصص يختلف عن الثاني

موفقه ان شاء

مبروك حبيبتي

وقسم تكنلوجيا التعليم يعني تصيرين مشرفه تقنيات

بس نصيحه لوجه الله وآنتي فكري فيهآ

تدرسين اربع سنين ومعاج بكالوريس وآخر شئ ماتصيرين مدرسه ولا تاخذين علاوه التدريس يكفي اسم مدرسه ترىا حلو وفرق عن اسم مشرفه صح ؟

أنا ما قلت لج هالشئ الا والله نصيحه من اخت لاختها شدي حيلج وجيبي معدل وحولي لتخصص حلو وحاولي تاخين مواد عامه عشان لايروح عليج الكورس

وآنتي كيفج يمكن بعد ترتاحين بهالتخصص وتحبينـه

الله يبارك في عمرج حبيبتي ،،

يعني المعدل اقل من 3،50 او اكثر ؟؟

الله يبارك فيج ،،

اي هذا اللي انا فكرت فيه و تعبت نفسيتي بسببه
كان ودي فنيه بس اللي سمعته ان لازم واسطه لاني مرتين اقدم
امتحان و ربي ما يكتب لي القبول ..
انا نيتي أحوّل بس دايما التيرم الثاني درجاتي تكون اعلى من الاول
و هذا الشي اللي مخوفني ،،

مشكورهـ حبيبتيوالله ريحتيني

انتي تدرسين بـ التربيه ؟؟

حبيبتي الي اعرفه ان الي تحول من برة لي التربية ما يصير تغير تخصصها بعد ؟؟

هذا الي سمعته ..

والله يوفقج ان شاء الله لكل خير

لا تقولين

آي آدرس بالتربيه الاساسيه

ومعدل التحويل ان شاء الله تقدرين عليه لاني أنا كنت بتخصص وحولت واذكر قالولي التسجيل ان معدل التحويل 2,50 بس مادري اذا تغير هالشئ والا لا

على العموم أنتي سآلي وشوفي عشآن ترتآحين آكثر

موووفقــه

السلام عليكم حبيبتي

تقدرين اتحولين تخصصج انا كنت نفسج حولت من التجاري وقبلوني مكتبات وحولت رياض اطفال

ومعدل التحويل 2.50 يعني سهاااالة إن شاء الله

وبالنسبة للتخصص التكنلوجيا صج انج إذا اشتغلتي بالتربية راح تشتغلين بالتقنيات
ولج بدل بس اقل من بدل التدريس

لكن فيه مميزات حلوة بعد

ان التخصص الوحيد عندنا الي تقدرين تشتغلين بشهادج فيه بأي وزارة مو شرط التربية وتقدرين تشتغلين بالشهادتج بالقطاع الخاص
وثاني شغلة من المعروف ان تخصص تكنلوجيا التعليم بالتربية الأساسية اهو نفس تخصص الإعلام في جامعة الكويت
عشان جذي انشوف الي كانو بالأداب وماقبلوهم اعلام ايون عندنا ويدخلون تكنلوجيا التعليم

وازيدج من الشعر بيت ان الإتحاد العام لطلبة ومتدربي الهيئة قاعد يحاول يقنع وزارة التربية انها اتخلي خريجي تكنلوجيا التعليم يصيرون مدرسين حاسوب

وانتي استخيري وشوفي ربج وين يسهل فيه

موفقة حبيبتي

جان زين مدرسه حاسوب همن حلووووه

موفقة حبيبتي
البنات كفو ووفوا
والتحويل حيل سهل
واهم شئ أنج ترتاحين بالتخصص
وجربي أنتي بنفسج مو تسمعين كلام وبعدين تنصدمين بالواقع

ابلة بزارين انا احتج

ليش تبون تخلون اللي يتخرجون من تكنلوجيا تعليم مدرسات حاسوب

يعني احنا دراستنا اصعب منهم و ماكو دكاترة سنعين و نتبهدل و اهم دراستهم حلوة و بالاخير يتساوون معانا الصراحة قهر

الله يوفقج ..

يعطيج العافيه ما قصرتي ،،

ان شاء الله

الله يعطيج العافيه والله ريحتي قلبي

ربي يوفقج ..

و ان شاء الله تقتنع الوزاره

/

اي والله جان زين ..