بنات في احد دقوا عليه بيت التمويل حق المقابله @@

الحين انا امتحنت من زمان صارلي اكثر من 3 شهور وناجحه بالامتحان بالله متى راح يدقون حق المقابله

لاعت جبدي وانا انطر

هذا وانا ناجحه منقعيني لو ساقطة شسووون

دقي عليهم واستفسري لاتقعدين جذي وتنطرين احتمال كبيير مافي شواغر ..

اليوم بنك بوبيان امنزل اعلان يبون موظفيين كويتين جربي قدمي عليهم

لا تطوفين ولا فرصه بكل مكان قدمي

وسئلي فبيت التمويل و صبري لا تستعيلين

ان الله مع الصابرين ان صبرن

شدعوة محد يعرف

ترى علقونا تعليقه قشره

آنا بعد اختبرت ونجحت من زمان بس للاسف لاحس ولاخبر وآنا دقيت أمس جان تقولي الموظفه لا مافيه شواغر حاليا

والله مايندرى صاري 3 سنين وهم يقولون هالحجي

معقوله 3 سنين ماوظفوا ولاّ الوظايف خاشينها لربعهم وحبايبهم

شلون قدمتي بالسايت ولا رحتيلهم؟
بالسايت ماكو وظايف
على قولتج شدعوه خو كل ماتموا فتحوا فروع
هالفروع مايبون موظفين؟

و روحي راجعيهم احسن عن النطره وماتدرين شقصتهم

انا قابلوني بشهر عشره بس ما اقبلوني ولما حركت واسطه قالو انهم مكتفين حيل من البنات يبون شباب

^^^^
^^^
^^
^

جم نتيجة اختبارج لما امتحنتي عشان قابلوج

اخاف عشان نتيجتي ماقابلوني

ممكن مساعده بنات الله يعافيكم
ابي اعرف شنو الاختبار عنه بالضبط وبالتفصيل قد ما تقدرون
وهل الاختبارات تتشابه نوعا ما في البنوك كلها
لان بخاطري اقدم على بنك بوبيان؟

احنا لما رحنا قالولنا مكتفين وااي مسكره بويهي مادري وين اروح
يارب فرجها علي وعلى كل مهموم

70 رياضيات و 50 انجليزي

الأختبار من زمان مسويته فبالضبط مو ذاكره بس الطريقه يقعدونج على كمبيوتر ويعطونج سماعات ولج تايم محدد اذا مو غلطانه نص ساعه

وطبعا الاختبار يكون رياضيات وانقلش , اول شي اختبرت انقلش تسمعين وتجاوبين وعقب الثروة اللغوية وبعد القواعد وبعدها القطعة وعليها أسئله وكل الإجابات خيارات متعدده تختارين منها

بالمختصر المفيد درسي القواعد مثل conditional sentences , past continuous tense
,conjuction & adverbs وبعد استخدامات has/have been v+ing

يعني مري مرور الكرام على جميع القواعد لأني أذكر انهم شملوا أغلب القواعد

أما الباجي على خلفيتج بالأنقلش

والرياضيات حاولي تدشين مواقع لأنها وايد بتفيدج والاسئله كانت عبارة عن عمليات حسابيه مثل 1.2*3 =
أو أكملي الأعداد … >> متتاليات
مواقع الرياضيات راح تفيدج واااااااايد حبيبتي

وحسب علمي أغلب البنوك تكون اختباراتهم جذي وتتفاوت بالصعوبه والسهوله << وبالآخر تعتبر قدرات

أكيد بيقولون جذي لأنهم فعلا مكتفين من كثر اللي يقدمون ,

بس نصيحة اخت دوري اكبر واسطه لأن مو أي واسطه تنفع وخلي واسطتج تمشي بأوراقج أو نطري ليما يفتحون وقدمي حبيبتي

تقريبا كانت جذي درجاتي بس آنا أعلى بالأنقلش

أمبي على كثر ما سمعت وشفت (بيت التمويل لازم ولابد ويجب وجود واسطه , غير جذي يكون التوظيف معجزة )
واكيد بالاول وبالأخير الارزاق بيد الرحمن

بنات التقديم بالسايت ولا اروح لهم؟
لان بالسايت مو حاطين وظايف

لا يا حبي

اصلا اول ما قدمت عن طريق سايتهم القديم وكان فيه مشكله عقب جددوه وهم قدمت عن طريقه بس كل ما دخلت لي يومج هذا الباسوورد يقول غلط مع اني متأكده مليون بالمية انه صح

عالعموم ماطول عليج سووي الاثنين من باب الاحتياط

بس المهم والأهم أنج تروحيلهم شخصيا

وطبعا ما وصيج واسطتج قبلج