بنات عندي احتقان بالحنجره ومادري شسوي :(

بنات عندي احتقان بالحنجره ومادري شسوي

يقولون لازم ما تاخذين اي دوا مو زين لج انا الحين بالسابع لي متى مو زين ما أدري وحدي متأذيه ما خليت وصفه ما سويتها تخيلوا حتى ليمون و برتقال وثوم شربت هم ماكو فايده . . . . أريد حلا

سلامات وماتشوفين شر
انا الاسبوع اللي طاف كنت اعاني من الاحتقان والنشله ذبحوني
والحمدلله بفضل الله طبت حيل

طبعا دايما شوربة واحط معاها ليمون واشرب سوائل حاره وعصير برتقال وهذا كان علاجي لانه مارضو يعطوني دواا

وديري بالج من المكيف البارد اهواا البلا كله

الشر ما اييج حبيبتي
الظاهر من الجو والنشله ذابحتني
بس والله بكمل على السوائل والله كريم
مشكوره يالغاليه

تبين علاج وحدة بوحدة أنا كنت نفسج وأنا الحين بالسابع ليمونة فوحيها أهي مع قشورها وشربي مع العسل

بنت النوخذه خوش رأي

مشكوره

بعد قلبي مشكوره والله بجرب باجر بس الليمون الأخضر والا العادي؟

مادري يمكن الزنجبيل يفيد

سوى غرغره …. شاى مع ليمون وحده بوحده … كل شوى تغرغرى

والله استخدمته , ومشكوره على النصيحه

بعد قلبي مشكوره , بجربها اليوم .

ابوي دايما يقولي هالوصفه بس ماقدر اسويها

اهو يسويها ويرتاح

تخيلي لازم تاكلين بصله كامله جذي بدون طبخ ولاشي عالريج تطهره كله

ومصي حبوب مص فيكس

بصله جايده
بس حبوب فيكس يصير اذا انا حامل ؟؟ !! لأن ستربسلز ما يصير استخدمها بهالفتره .

حبيبتي جربي هالوصفة … انا جربتها و الله صج عجيييبه

غرغرة ماي و ملح

والله العظيم وحدة بوحدة … و حاولي تطولين بالغرغرة

و ماتشوفين شر

وييي نفسي انا وياج بالسابع وتوني خالصة من هالاحتقان صج لي قمت من النوم احس جنه اببلعومي اتراب خذيت غرغره من الصيدلية وحبوب مص من دكتورتي وبس — قالي اذا تقدرين اتحملينة احسن لأنج حامل مو زين لج المضاد والله وتحملته والحين خف اشويه ( طول معاي 10 ايام تقريبا )

انا خابرة الزنجبيل حار على الحامل؟؟؟؟