بنات عبدالله المهنا وله سهام الفريح شعر جاهلي؟

بنات الموضوع مبين من عنوانه منو الاحسن من الدكاتره وشنو نظامهم تكفون ساعدوني؟؟؟

بنااااااااات بلييييز قبل لا يروحون علي الاثنين….

هلا حبيبتي
اخذي سهام الفريح بدون تفكير
عسسسسل وربي عسل احسن دكتورة بقسم العربي
وطيبة وتطلعين منها a

اما المهنا اذا تبين تاخذين d أو fa اخذي عنده
وانا ماخذة عند سهام واعرف نظامها عدل اذا تبين معلومات زيادة قوليلي وانا افيدج
بس لحقي وسجلي عندها سهام صج صج ما تتعوض

بعد عمري تسلمييين فديتج

بس بغيت اسال عن الماده ونظامها شلون والغياب تدقق عليه وله لا؟؟

ادري مصختها بس انتي ماخذه عند المهنا وله بس سامعه من البنات ؟؟؟؟

حبوبه .. شلون الماده سهله والا صعبه ؟؟
امتحاناتها شلون صايره ؟؟

والله حبيبتي مادري
بس حريم الاداب مااحبهم وحدة انحس من الثانية
أخذي عند المهنا يمكن يطلع زين

لان اهي ماده اختياريه مو اجباريه تنصحيني اخذها والا الماده صعبه اخذ اسهل ؟؟

حتى انا علي اختيارية بس ما باليد حيله ماكو الا اهي
كله مغلق بس انا اللي موهقني عند سهام انه في تضارب بالفاينل مع مادة تاريخ
فما ادري انشالله البناتما يقصرون و يفيدونا

حبيبتي في مواد اسهل منها
إذا اختيارية عندج

هلا حبيبتي……

الدكتورة عـــــــســـــل جد أحسها قدوة لي.. أنا حدي ما أحب الشعر ولا يجذبني لكن بفضل دكتورة سهام خلتني أحبه غصب عني أحسها مثل أمي وبكل محاضرة تأثر فيني حيل.. ومن أول محاضرة حسيت برهبتها، وجد وأنا أعلنها حق اللي يقرا كلامي ألحين.. هذي أول محاضرة من دخلت الجامعة من 4 سنوات أستفيد منها بشي.. خلتني أحب أحلل الشعر، اكيد لحد ألحين ما أحبه لكن بفضل سهام خلتني كل ما أشوف بيت شعري بالجريدة أو بالمجلة أقدر أحلله وأعرف شنو يبي أو يقصد الشاعر منه الله يعطيها ألف عافية ويفتح عليها أبواب الخير، ما راح أتكلم عن مكانتها العلمية فهي مؤسسة منظمة حقوق الأنسان ولها كتب عديدة.. يعني هالأنسانة فاهمة شغلها وكلامها دقيق وما تقط أي كلام الا وهي وازنته.. ما تتخيلون شكثر أثرت فيني هالدكتورة. عندها مشاركة الطالب بالمحاضرة أهم بالامتحان، يعني لو خذيت بالامتحان 10 من 20 ما يهم لأن عندها المشاركة أهم شي وقالت هالكلام بأول محاضرة لها: المشاركة أحطها فوق الامتحان ومحد يقدر يحاسبني

نظام الدرجات:

20 درجة امتحان ميدتيرم
50 درجة فاينل
30 درجة مشاركة حضور وغياب*

(*الحضور والغياب: طول الكورس يمكن خذته 3 أو 4 مرات بس لكنها تعرف منو اللي يغيب ومنو ما يغيب بدون ورقة..)

فقدت هالمادة حيل وراح أفتقد دكتورة سهام وهذي أول مادة لي بالجامعة أحبها حيل.. وأكيد انصحكم تاخذون عندها وامتحاناتها سهلة تعتمد على سؤالين الأول 5 أسئلة تحليل بيت والثاني 5 أبيات مما تحفظه في أشخاص وايد سحبوا منها وماعجبتهم طريقتها ووصفوا المادة بأنها صعبة لانها شعر جاهلي تعتمد على الحفظ لكن منهج سهام يقوم على " التحيليل الفني والنقد للقصائد "مو الحفظ ،يعني انتي تألفين من مخج وعلى فكرة الميدتيرم خذيت فيه 13 من 20 وبالفاينل حطتلي علامة كاملة 100 a

أما المهنا معروف تصحيحه حيل دقيق ويظلمج، ويبي الكلمة بالنص من الكتاب أو المذكرة، وكلمة وحدة ناقصة رحتي فيها، اصلا مافي اي وجه مقارنة بين سهام والمهنا.. عند سهام مرتاحة ما راح تحفظين شي ولما تروحين امتحان الفاينل تحسين انج رايحة خفيفة وليلة الامتحان ما راح تتوهقين لأن طول الكورس بس بتحفظين 10 ابيات يعني اختاري الابيات الي تركز عليهم الدكتورة داخل الكلاس لانها بتييبها بالامتحان عكس المهنا الي ممكن توصل ابيات الحفظ
عنده فوق 120

اتمنى اني شرحت لج كل شي بالتفصيل..

فديتج ياقلبي ماقصرتي والله

الله يوفقج ان شالله