بنات شنو قدمتوا لاهل المعرس لما يو يخطبون ؟؟؟؟

عفيه بنات ساعدوني عندنا عروسه ومو عارفين حق هالسوالف يالله همتكم …
وياريت بالتفصيل المهم

حالهم حال اي ضيف يدخل علينا البيت ما يبيلها سؤال

موالح و حلو و كيك و شاي و قهوة و عصير و ماي

و بالتوفيق

عسى الله يتمم على عرووستكم ويوفقهم

طبعا مثل اي ضيوف

قهوه ،جاي ، ماي ، عصاير

موالح ، حلو قهوه

وسلامتج وتعيشين

،

الحريم حلو وفطآآير وطبعآآ قهوه وجآي ومآي وتمر ..~

الرجآآل تمريه كبيره الي بالنص سمن ورهش وهرده وجآي وقهوه ومآي ..~

وموفقين ان شاءالله ..~

هلا وغلا
مشكورين حبيباتى … انا بغيت اذا فى سوالف فناتق واشياء غريبه وراقيه

احس ان مال داعي فناتك وخبة للخطبة
قدميلهم موالح وشاي وعصير وحلو وقهوة
خلي الفناتك وقت الصجية للملجة
والله يوفقج

معجنات صغيره ذربه وجاي .. وان كنتو تحبون تقدمون القهوه فيبيلها اشوية حلو قهوه وياها

على قولة البنات نفس أي ضيف
حطوا الحلو و المالح و الجاي و العصير و البخور و دهن العود

بالتوفيق يارب

الخبه خلوها لي صارت رسميه الخطبه بس عصاير وجاي وموالح وقهوه وحلو كافي جذي وبخريهم لي يوو

صج كلام البنات اذا جبتي فناتك بيقولون شالناس الي ماصادقت على الله خلي فناتقج بوقت الملجه بس جيبي حلو وموالح وقهوه وجاي وعصاير وفناتقج خليها بسكاينج وفناجيلج وقلاصات العصير جيبي شي حلو ورسمي وكشخه ولا صارت الملجه حطي احسن ماعندج والله يتمملكم على خير ياقلبي

شيء بسيط جدا
لانه مجرد خطبه بعدين عاد وقت الملجه يطلع السنع

داشة ادعي لكم
الله يتمم عليكم ويوفقكم..

عااااااااااااااااد حالهم حال اي احد بس غير في الاهتمام والذرابه ماااوصيك رزي نفسج خليج مره سنعه

ربي يتمم عليكم

مثل ما قالو البنات

خليها بوقت الملجه احسن وقدمي لهم مثل ضيوفكم الثااانين,,,

موفقين يااارب

بعد قلبي تامرييييييييييييييييييين عيوني لج البنات ماقصروا واي مساعده على bb