|
|
السلام عليكم ..
بنات انا ولدي الحين عمره 5 شهور تعبت معاه كل ساعتين او 3 ساعات قام لي من النوم ويبي يرضع .. ابيه ينام نوم متواصل على لاقل 4 ساعات اتمنى يناااام نومه سنعه .. تعبت الشهر الياي بداوم ولازم اعدل نومته قبل الدوام .gif "Eh S(1)")
لاتقولون عطيه ماي بالليل لأنه جربت مابغيت إلا عمري بهالتجربه فضحنـــــــــــي عند الجيـــران بجي وصراااااااخ
بس جربي اتزيدين كمية الحليب يعني شبعيه حيل يمكن ينفع
شوفى حبوبه؟ اذا اهو اسم الله عليه يقوم لرضعه.. زيدى الكميه او خليها بس بعد الرضعه بنص الساعه عطيه نعناع فرش اغليه مع ماى وشويه سكر نبات…. لان النعناع يهدى الاعصاب ويخدر ,, وحاولى اتعبينه بالنهار بالعب عشان يتعب باليل وينام .. ولا سبحيه باليل قبل لاينام ترى يحبون السبوح ويدوخون انا هذى الطريقه اسويها مع اعيالى حتى بالشتا ؟الله يخليه لج ويستر عليه
بس ترا معرووف انه الطفل ما يتعدل نظام نومه الا عقب ما يتعدى الست شهور من عمره حزتها انتي عاد نظمي له الغفوات الي ياخذها بالنهار..يعني مو كل شوي اتنومينه خليه يقعد قد ما تقدرين باليل عشان لما ينام ينام ساعات متواصله
صج راح تتعبين بالبدايه بس بعدين راح ترتاحين ان شاء الله.
.وحاولي حتى واهو نايم تعطينه رضعات عشان يكون شبعان وما يقوم من نومه يدور حليبه ويقلق راحتج..ان شاء الله كلها جم شهر وراح يكبر ويتغير نظامه..طولي بالج عليه وتحملي.. بالتوفيق
مادري اصلا ليش يقوم يعني مو يوعان .. بس يقوم يبجي شوي اشيله ينام بحضني وارده بفراشه …
الله يعينج .. مادري انا للحين نومته مو متعدله .. وما انصح انج تسبحينه قبل لا ينام .. لانه بيتعود بعدين ماينام الا اذا سبحتيه …
تعبيه بالنهار و خليه يلعب و لي تعب حده و يبي ينام خليه ينام و بعدين قعديه لا تخلينه يطول يشبع نوم
و باللليل يوعيه شوي و قبل لا ينام سبحيه و عطيه رضعه تكونين زايدة كميتها لان يوعان و عشان يشبع و ينااااااااااااام
و ان شاء الله يتعدل نومه