بنات سويت التحليل تعالو

بنات سبق وحطيت هالموضوع

🙁 ريييييييييحوني ببجي

بس عفواً غلطت قلت ان زوجي مسافر من شهر
زوجي سافر تاريخ 6/5
يعني شهر 5 ، وبعدها بشهر يتني الدورة 4 ايام مثل ماقلت لكم
وبعدين انقطعت اتأخرت..
حالياً سوت بالاختبار المنزلي 4 مرات والنتيجة سلبية
وسويت تحليل " بول " وانتو بكرامة في المستشفى بعد سلبية..

يعني معقولة اكون حامل وما يبين معاي من الحين ؟!
احس مو معقولة صح ؟
يعني صار لي شهرين معقولة ما يبين اذا فيه حمل او لا ؟
مع العلم من 6/5/2012 للحين ماصارت بيني وبين زوجي اي علاقة
لكونه مو موجود!!!!!!
اتهقون معقولة اكون حامل وما يبين ؟؟

مع العلم ان الدورة عندي متأخرة
واللي امخوفني ان معدتي صار لها تعورني يمكن 5 ايام
مو قادرة من الالم وارتفاع الحموضة!
معقولة يكون نساه! وما يبين ان آنه حامل!
آنه صج حملت من قبل بنات .. بس تراني عليمية
ما ارررررررررركز ولا ادري بشي..
بنات اتهقون ممكن اكون حامل ؟؟

والله ماعندي فكره بس حللي دم اضمن الله يسهل عليج يارب

مافي شي بعيد عن ربج
يمكن حمل
خاصه انج تقولين 4 ايام ودم بني !!
يعني مو دم دورة دورة !!
توكلي على الله . وقولي يارب اكتبي الخير اينما ترى . فانك تعلم وانا لا اعلم
وصدقيني الله يسهلها .

معقوله ماسويتي تحليل دم للحين ؟؟

روحي سوي عشان تتطمنين شناطره !!:|

اتوقع لخبطة هرمونات روحي الطبيب احسن

ليش ماسويتي تحليل هرموني ؟؟!! احنا تتأخر يوم ونطيييير نحلل هرموني وانتي شهرين ساكته عن عمرج !!
حبيبتي حللي عشان تعرفين اذا في حمل اولأ .. اذا حامل تدارين نفسج واذا مافي عشان ينظمولج الدوره والهرمونات

حللي هرموني ويبين اذا فيه حمل حبيبتي لاتسكتين على نفسج

بنات كلامكم خلاني ابجي وتوترت
والله خايفة حدي يارب ما اكون حاممممل
والله ببجي .. بنات آنه وزوجي احتمال ننفصل وانه عندي منه توائم ما ابي اكون حامل ياربي ما بيييييي
آنه اوردي دورتي مو منتظمه من 3 اشهر نزلتها بحبوب وساعات تييني بس 5 ايام وساعات 6 ايام
معقولة شهرين وما يبين عندي حمل ؟؟
الله ياخذني ويفكني تعبت نفسيتي منه ومن عياله
اكلمكم وعيوني مغورقه تعبت تعب والله العظيم تعبت
بس يعني اتهقون شهرين لو اكثر يمكن مايبين الحمل ؟؟؟؟
فيه احد تعرفونه صار له جذي
حتى اذا باروح اسوي تحليل هرموني ما اقدر الا يوم الثلاثاء
شيييييصبرني
ادعوا لي ان مو حمل واذا احمل ادعولي الله لا يتممه

لا حول و لا قوة الا بالله الله يهديه و يسخره لج

احسن شي السونار يبين اذا في حمل او لا

اليوم لغيت كل اشغالي
وبروح العصر المستشفى
انزين شقول لهم ؟
بروح مستشفى خاص احسن
اقول لهم ابي سونار ؟
لو تحليل حمل ؟
لو شنو بليز خبروني!

ببناتي ما احتجت حق كل هذا باختبار الحمل من الصيدلية عرفت ان حامل
وبعدين رحت اراجع

بنات اللي فاضية تحاجيني خاص
والله يووفقكم حايسه بروحي ماعندي أحد

شوفي قلبي انا فاضيه

بس اي سوي سونار خارجي و اذا احتجتي داخلي هم سووي

و سوي تحليل هرموووني

و لا تحاتين دام دورتج مو منتظمة عادي

و انتي تقولين بعد في مشاكل بينج و بين ريلج

ترا النفسيه تلعب دور والله ساليني انا مجربه

النفسيه تاخر الدورة

بس شووووفي سووي سوناار عالاقل يبين حيس البيبي لو انج حامل

بنات سويت تحليل باختبار الحمل المنزلي كلير بلو طلع سالب
رحت المستشفى سويت تحليل دم وبعد طلع نقتف

الحمددددددددددددلله

بنات مشكورين والله يوفقكم ويعطي كل وحده مرادها
الحمدلله
ادعوا لي الله يفرج همي

ئي عادي وايد تصير لخبطة هرمونات و تتاخر الدوره
انتي الحين حللتي و مو حامل

الله يهديهكم يارب
مو زين تدعين على نفسج يا الغاليه
الله يهديكم و يردكم البعض يارب

الله يسخره لج انشالله ويفرج همج ويفرح قلبج انشالله