|
|
السلام بنات شلووونكم …..انا امس شاريه قطو هيمالايا عمره 5 اشهر ……حطيتله اكله والعابه وسريره بغرفتي وحمامه بحمامي ……انا اول مره اربي قطوه ومو عارفه شسويله ..قاعد يحوس بالبيت كله واهلي مايبونه ينزل تحت شلون اعلمه ان ما ينزل ؟ وشلون اعلمه على اسمه ….عفيه بنات ساعدوووني يعني قولولي شنو احتياجاته ؟ شكثر ياكل متى اسبحه شسويله ؟ حدي متوهقه ماعرف شي 
واذا قلتولي شسوي معاه وعلمتوني اكون شاكره لكم
القطو عبثي ما تقدرين تمنعينه ينزل تحت
بس حاولي طلعيله صوت لما يبي ينزل ودزيه بيدج وخريه عن الدري يمكن بعد فترة يتعلم
الاكل ثلاة مرات باليوم نفسنا .. لا تكثرين عن ثلاث وجبات لان بغربلج مع الحمام
حطيله وجبته قبل لا تنزلين تاكلين وجبتج عشان لا يلحقج ويعفس غداكم ولا عشاكم
الحمام اهو بروحه راح يعرف دام حاطتله تراب بس وريه مكانه حطيه عليه اول مره وهو بروحه بحفر ويحفظ مكانه
ومرات اذا ما لقى تراب تلاقينه يصيح ويحاول يحفر الارض هني شيليه بسرعه وقطيه على التراب
وتر القطو اجتماعي يحب يشوف احد حوله
مرات تلاحظين لي خليتيه بروحه بالغرفه تسمعينه يماوي يعني زعلان يبي احد عشان جذي لا تخلينه بروحه كلش خاصه انج شاريته بروحه محد وياه يلاعبه
ثالث شغله دامه بهالعمر راح تشوفينه لي بغى ينام يندعس بحظنج ولا تحت كملج يدور الدفا
وبنسبة حق اسمه مع الوقت بتعود على صوتج من تنادينه اييج يعرفج
وسلامتج
يتربى بعزج لول
بالنسبة حق اكلة خليله الدراي فود على طول موجود و افضل نوع رويال كانون اخذيله المخصص للكيتنز لأن فيه فيتامينات وايد زينه حق النمو و تشبعه بسرعه و لا تخليه يسوي ريحه لأن الأكل ما يتخمر بمعدته أما المعلبات ما انصح فيها تسوي ريحه بغرفتج و همن فضلته بتكون ريحتها مو شي
و على اسمه احسن تختارين اسم نهايته يكون حرف الياء مثل جووورييييي أو كوووكييييي أو أمووورييييي ههههه القطاوه بسرعه تستجيب للكلام اللي فيه مد بالياء ناديه باسمه بتكرار طول ما انتي قاعده وياه طالعي عيونه و نادي اسمه راح يحفظه
و علميه على كلمات ثانيه مثل وقت الأكل قوليله انتا يوووووعااااااااان خليه يحفظ هل كلمه حتى يتجاوب معاج و تعرفين لو محتاج الأكل و علميه على كلمه لااااااااا لي بيسوي شي غلط مثل انه مصر ينزل تحت و انتي تبينه يظل بمكانه قوليها بنبره طويله بس مو عاليه راح يفهم عليج
و دام انتي خليتيه يسويها بالتراب مره بيتعلم مكانه بس المهم لا تخلينه مده طويله بعيد عن التراب يمكن ما يستحمل او يستثقل طول الطريج و يكودها عند اقرب زاويه
و ضروووووووري تشترين له مشوط حق شعره الهيمالاايات معروفه شعورهم ثقيله و طويله و تتخلبص بسهوله فلازم تمشطينه كل يوم حتى ما يقط شعره على سريرج و مكان قعدتكم ^^
و أي استفسار احنا بالخدمه
انا الصراحه اول مره اربي قطو …… وسميته سكورس ؟ يعني شلون ماراح يتعزد عليه ؟ انا صارله ٣ ايام عندي احسه غبي ما يفهم ينرفز
وعمدي سؤال انا شاريته من الريال قالي ان هيمالايا واليوم رحت محل ولا يقولي بشوف صورته وقالي هذا شيرازي مو هيمالا يا !!! وانا الصراحه ماعرف حق القطاوه ف شالفرق ؟
|
المشاركة الأصلية كتبت بواسطة rbs22
 مشكووووره حبييبتيي
انا الصراحه اول مره اربي قطو …… وسميته سكورس ؟ يعني شلون ماراح يتعزد عليه ؟ انا صارله ٣ ايام عندي احسه غبي ما يفهم ينرفز وعمدي سؤال انا شاريته من الريال قالي ان هيمالايا واليوم رحت محل ولا يقولي بشوف صورته وقالي هذا شيرازي مو هيمالا يا !!! وانا الصراحه ماعرف حق القطاوه ف شالفرق ؟ |
حبيبتي شويه وقت ويتعلم وهم يتعود عليج
الهمالاياا اطرافها ويهها لون وجسمها لون ثاني
اما الشيرازي ايلج لو واحد او يكون الوان بس مرقع مو نفس ترتيب الوان الهمالاايا
اذا تقدرين حطي صورته واقولج شنو نوعه
