بنات ساعدوني شهاداتي ضاعت بالبريد

السلام عليكم ورحمة الله وبركاته
بنات الله يعافيكم ابيكم تساعدوني وتقولولي شسوي
انا خليت زوجي يدزلي من السعوديه شهاداتي بالبريد السعودي بالبريد الممتاز بعد عشان توصل بسرعه للبريد الكويتي وصارلي سبوعين لاحس ولاخبر وهو راح للبريد السعودي وقالوله انها بالبريد الكويتي الحين من ثالث يوم من الارسال وكلمت البريد الكويتي وكل واحد يقطني على الثاني او يصرفني او يقول انطري جم يوم على مانفرزهم
بناااااااااات يرحم والديكم شهاداتي ضاعت ابيكم اتدلوني شسوي وين اروح عشان اطلعها من البريد الكويتي
الله يجزاكم خير ويوفقكم لاتطنشوني والي ماتعرف بدربها تدز الموضوع فوق

السلام عليكم اختي وكلي امرج لله اذا ليما الحين ماوصلت قولي حق زوجج يطلع شهادة بدل فاقد احسن ولا حرقة الاعصاب

للــــرفع
ان شالله البنات مايقصروون

تسلمون بنات الله يرفع قدركم
ياقلبي لاتينا هذي الشهادات الاصل لما تتخرجين من الثانويه والجامعه يحملونج ملفج كله باوراقه الاصليه ماظنتي فيها بدل فاقد خلاص وربي لو ضاربه مشوار للسعوديه انه ارحم من هالهم الي شيلوني اياه
ياربي ياكريم افرجها من عندك

فوووووووووق

فوووووووووق يارب يردون

راجعي البريد الكويتي من جديد

فوق
صراحه عورني قلبي
انشالله تكون موجوده

مشكورين حبايبي وانا كل يوم ادق على البريد الكويتي لين حسيت اني دشيت بمخهم

روحي البريد المقسم الرئيسي اللي بكيفان قبال كليه البنات هناك يستلمون الطرود مو مكاتب البريد الصغيره
و اذا البريد الممتاز يفتحون العصر بعد..بس اهم شي يكون عندج رقم الطرد