بنات ساعدوني الطلق الصناعي

بنات انا ابي اسالكم والي عندها خبرة تساعدني انا في الشهر التاسع وهذا اول حمل لي يعني بكر وقبل اسبوع حددت موعد مع دكتوري وقلت له ايي اولد بموعد معين بالطلق الصناعي يعني حطيت موعد قبل أخر موعد لي باسبوعين .
فانا خايفة انتو شنو رايكم انصحوني الله يخليكم

حبيبتى والله انا اذا تبين راى حرام خلى البيبى يطلع بوقتة ويكتمل نموة وخوفج تاخذين طلق صناعى وتحاميل وتتأذين ويتعب البيبى
انا جربت الطلق الصناعى بس انا كنت طايفة اسبوع على اخر موعد لى وكنت فاتحة 3سم فالدكتورة ماحطتلى تحاميل بس بالدرب والحمدالله سهالة

حبيبتي الولاده وايد سهله
انا خذيت طلق صناعي بس انا بالسادس ولدت والبيبي ماكان يساعد على الدفع علشان كذا تعبت بس كل اللي يكلموني ويتحمدون السلامه لي يقولون لو بالتاسع سبحان الله تصير واجد اسهل لانه الطفل ربي يحفظه يساعد بالدفع بالعكس كلها ساعه زمن وان شاء الله ترتاحين…بس مثل ماقلت لك ادعي ربي بكل طلقه والثانيه ان ربي يسهل عليك وعلى الطفل وان شاء الله بترتاحين
ربي يسهل عليك وكل مسلم…

لالوش وعروسة شكرا وتسلم ايكم على الردود

وانشاللة الله يقوم بنتك بالسلامة

الطلق الصناعي وايد متعب خصوصا اذا ما كنتي فاتحه
انا ولدوني بطلق صناعي 14 ساعه طلق مت … وكان بيني وبين القيصريه شعره
طبعا ولدت بطلق صناعي غصبن عني لان ضغطي مرتفع وصار فيني تسمم حمل

انا اقول نطري لي وقتها احسن لج … هذا رايي وانتي حرة

الله يسهل عليج يااارب

اهو مع المام ترى سهالات بس اذا مو مضطرة يالغاليه نطري والولادة بتيي بتيي

حرااااااااااااام عليييييييييييييج انتي مو مطوفه الطلق الصناااعي ماتسويه الا المطوفه ليش تستعجلين خل الله يسهل عليج ويكمل نمو البيبي
وعموما ترا الطلق الصناعي مايخوف بالعكس مثل الطلق الطبيعي بس لاتاخدينه منتي محتاجته انتي مو مطوفه شهرج ليش مستعجله استغفر الله استغفري ربج ادا ماااااااكو مانع عندج