بنات ساعدونييييييييييييي بعد ما نزلت 12 كيلو خربت الرجيم مرة ثانية

بنات قولولي شسوي ؟؟؟
تذكرون موضوعي اللي نزلته لكم وقلتلكم اني نزلت عليه 5 كيلو بالأسبوع ؟؟؟
بعد ما استمريت عليه لمده شهرونص بديت اخورها مو شوي الا وايد ولا قمت امشي نفس قبل …
مادري شصار فيني مع انه الكل كان يشجعني بس انا مليت فجأه وتدريجيا بديت أخربط بلأكل شسوي بنات …
وما قمت اروح للدكتور مالي خلق مع انه زين والله بس المشكله فيني ؟؟؟
تكفون بنات شجعوني مرة ثانية واذا عندكم اي وصفة تنزل بسرعة عطوني …
انا اللي مصبرني ان وزني ثبت الحين مع اني أخربط بس ازيد كيلو واذا خففت انزل هالكيلو بس مو أكثر…

يالله همتكم معاي الطريج جدامي طويل للحين…

وين ارادتج اللي خلتج تنزلين 12 كيلو ماشالله؟؟؟

ردي التزمي بالرجيم وروحي للدكتور يغير لج اشوي برجيم لانه شكلج مليتي …

وساليه اذا تقدرين تسوين يوم اوبن دي….

وبس….

ابي اسمع انج نزلتي كل الكيلوات الزايده ان شالله….

حبيبتي حاولي تضبطين نفسج شـــــوي..

حرام كل التعب اللي تعبتيه يروح بشويه

أكل..

اي والله سفيرة العشق انا كنت اراجع عند نفس دكتورج و ارداتي صارت صفر الحين

بس الاسبوع الياي برجع له لان لازم احد يضبطني و الا ما استمر

ها شرايج نتنافس؟

اي منو دكتوركم عااااااااد ؟؟

ترا يا بنات المتابعه اهم شي بالرجيم
ولا لو على الرجيم مشالله الانترنت وكل المنتديات فيها اشكال والوان من الانظمه الغذائيه لو على جذي ماراح نلقى ولا وحده متينه
بس للاسف انه الرجيم بروحه مو كافي لالالا الاهم المتابعه لما يكونفي احد يتابعج اهني قمه التشجيع وهذا الحجي عن تجربه شخصيه

بصراحه حاولي تفكرين هل بعد كل هذا التعب و ال12 كيلو اخرب رجيمي و آكل هل الاكل راح يخليني مستانسه خاصه بعد ما ارد 12 كيلو هل راح اقدر في حالة شريتي اثياب انج تلبسينهم بعد ما يرد يزيد و شنو ردت فعلج بعد ما تصعدين على الميزان و تشوفين وزنج صعد من يد و يديد عيل شنو الفايده من التعب و الوقت الي قضيتي المشي على لحضة متعه بالاكل كل تعبج راح يروح هدر و الله حرام

لالالالالالالالا تكفين سفيره

صدقيييييييينييي…….والله والله بتتحسفين الله لايقوله وبتموتين قهر

نفس حالتي …….انا كنت نازله اكثر من17 كيلو…….وفجأة انقطعت عن كل شي

لا رياضه ولارجيم

وامي تنصحني وتقول لاتنسين نفسج

وانا اقول لها لا افا عليج بخفف وبعدين ارجع للرجيم

الله وكيلج تعبي كلللللللللله راح……..وزدت فوقه حبتين………والحين صار لي سنه بس اتحسر وانقهر على نفسي……..وعلى التعب اللي ضيعته

واقول لو اني مستمره…..ولو و لو…..جان صرت وصرت

بس الحمدلله صارلي جم شهر رديت لسابق عهدي

انتي شوفي شنو اللي مضايقج……روتين الاكل؟؟ والا ملل من الرياض؟؟

ااذا عالرجيم قولي حق الدكتور يغيره لج او يعطيج يوم اوف واكلي اللي تبينه واستانسي…..وبعدين كملي رجيمج وانتي بنشاط ومستانسه

واذا ملتي من رياضه معينه غيريها…..واذا كان مشي غيري الممشى

بس نصيحه نصييييييييييحه لا تتهاونين وتسكتين على عمرج

ولا تستانسين وتقولين الحين وزني ثابت……….اذا انتي محتاجه تنزلين بعد جم كيلو لالالالالالالازم تستمرين………وتكسرين الثبات

والله انا اللي منقهره لانج تذكريني بروحي قبل……

لالالالالالالا حسافة سفيرة انا سويتة ونزلت 2 كيلو ومخربطة شوي بالنظام حسافة من جد حسافة شدي حيلك واستمري حتى خواتي بدو فية

السلام عليكم ورحمة الله وبركاته
ممكن اعرف الرجيمك ؟؟؟؟؟؟؟؟؟؟؟؟؟؟؟؟؟؟؟؟؟ ممكن ياعمري ؟؟؟