بنات سؤال للي تعرف عن الرضاعة أثناء الحمل؟؟؟

السلام عليكم
بنات أنا حامل بالشهر الثاني ولله الحمد
وعندي بنوته الله يحفظها عمرها7شهور وأنا أرضعها
رحت مراجعة للدكتورتي بالشفا وقالتلي موزين أرضع بنتي وأنا حامل راح يضرني ويضر البيبي
واحتمال تصير حالت اجهاض .. هذا كلام الدكتورة وأختي عندهارفيجتها احملت وطول حمالها واهي ترضع بنتها وماضرها شي ..فمنوعندها علم بهالشي ؟؟؟

بإنتظار ردودكم

حبيبتي اخذي بكلام الدكتوره

لان اللحين بنتج ماراح تستفيد من الحليب اللي تشربينها بالعكس انتي قاعده اتضرينها واذا عدت على خير حالة رفيجت اختج لازم انتي تاخذين الحذر عشان ما تندمين بعدين

انا سالت دكتورتي لان صار معاي نفسج قالتلي اهو يصير انج اترضعين بس انتي راح تتعبين لان البيبي قاعد ياخذ من جسمج وابنفس الوقت اترضعين يعني من الصوبين ينسحب منج الجسم مايتحمل

امم والله سمعي كلام الدكتوووور احسن من الناس

حبيبتي موزين لاحقج ولاحق البيبي اللي ببطنج وفي احاديث عن هالشغله بس انا موعارفتها عدل عشان جذي مابي اكتبها بس معناها ان البيبي يكون ظعيف البنيه لانه كل الفيتامينات اللي فيج تروح حق الطفل اللي يرضع .

سمعي كلام الدكاتره اهمه افهم منا ومنج والله ايب الله ايب اللي فيه الصالح لنا يارب

مبروووووووووووووك الحمل

انا اللي اعرفه ان الوحدة موزين ترضع وهي حامل لان الهرمونات بتكون متغيرة حتى الحليب يتغير!!!

بس اذا ولدتي بالسلامه تقدرين ترضعين الاثنين لان بنتج ماراح تكون عدت السنتين..

——————-

الله يهون عليج

——————-

حبيبتي اهو مو زين لسببين الاول مثل ما ذكروا البنات ان البيبي يسحب من جسمج والرضاعه تستهلك من جسمج فراح تفقدين مخزونج وتتعبين والسبب الثاني الرضاعه تسبب تقلصات في الرحم و بنفس الوقت اثناء الحمل الهرمونات في الجسم تكون مو بحالتها الطبيعيه فتكوين الحليب ا يكون نفسه وانت مو حامل

يابعد عمري كلكم
الله يجزاكم الجنة
فرحتوني بردودكم الطيبة وحرصكم
جزاكم الله خير

اول شي الف مبروك

و انا اختي هم كانت نفسج و منعتها الدكتوره لنه المره لمن ترضع سبحان الله الرحم يرد و يتسكر او يصير فيه شي ماتشوفين يقولولج اذا تبين جسمج يرد رضعي طبيعي

حبيبتي صدقيني مو زين انا اختي علا طول قطعت معنه ولدها كان متعود عالطبيعي و عقب الطبيعي ماقام يشرب اي حليب كان بس يشرب جاي ملبه بدال الحليب و الحين ضعف حيل لن اختي كانت معودته علا الطبيعي بس فا تأذت و حطتله فلفل عشان يكره صدرها والحمدالله بس لا تجازفين ترى مو زيييييييييييييييييييييييييييين

لا حبيبتى فطميها بسرعة ….هذا مو حليب ..هذا مهل ..سألى وحدة كبيرة بالعايلة تقول لج !!!
المهل ..مثل الآية الكريمة " كالمهل يغلى فى البطون "…حار على جبدها ….

اهو يصير انج اترضعين بس انتي راح تتعبين لان البيبي قاعد ياخذ من جسمج وابنفس الوقت اترضعين يعني من الجهتين ينسحب منج الجسم مايتحمل

بس انا ضليت ارضع بنتي للشهر الرابع بس لاحظت انها مااستفادت شي وانا صار وزني يقل بدل مايزيد

ولمن فطمتها انتفخت ماشالله لان سبحان الله الحليب موحليبها

سبحان الله … انا اقول حاولي اتخفيفن عنها الحليب الطبيعي شوي شوي لمن تنفطم لان مثل ماقالو البنات سمعي كلام الدكتوره دام مافي وحده عندها شي متأكده منه ربي يحفظج ويبلغج فيهم ان شالله