بنات زوجى والتاتو وانا

0bee2e8d89:شلونكم ياحلوات
هل انا طبيعيه ام لا
دايمن انا اخلى نفسى عند زوجى كامله و والكامل جهه
بس مشكلتى لادخلت اخذ لى شور وطلعت ابطل الباب شوى شوى مابيه ينصدم بحياته جنى بسرق شى المهم هذا مو موضوعنا

نرد للمشكله اللى اعانى منها المهم ,,,,,, لازم تاتو وكحيله وبويدره ومسيكره يعنى لزوم ترقيع الوجهه ودى ابطل الباب بثقه ومبتسمه ومافى شى خاشته ’’’’’’…… حتى اهو حس انى مابيه يشوف جمالى الطبيعى هههههههههههههههحلوووو ادرى ,,,,,,,,,مع انى والله على كلام الناس وانا اشوف نفسى مو حلوه مزيونه بصراحه بس الشكه قشره وانا اختكم مدرى هل الذى اعانى منه شى نادر اما التى يعانون من حالتى كثار والوكاد ان مافى مثل حالتى حييل دقبقه على شكلى ,,,,,,حتى وانا بالولاده عقب ولادتى مرطبى وتاتوى هههه تحت مخدتى هههههه
واستغرب من لبنات اللى عادى ولانقطه مكياج بوجهه
الظاهر حالتى مستعصيه
انا ورجلى بالشقه لادخله وانا مو مكياج صيده مصيده من طقت اللعب معاه واركض ولا من داخلى اركض واقول وين تااااااتوى وينه وحمرتى هههههه والمسكين مستانس عباله اللعب معاه تغير الجو ومايدرى شنو نواييى هههههه:eh_s(1):

هههههههههههههههههههههههههههههه اقري على نفسج

انا عبالي توج متزوجه عشان جذي مستحيه منه بس انصدمت انج عند بيبي وللحين جذي

امبيه اكيد وايد الي قاعده تسوينه معذورة ماتطلعين بدون مكياج لان ويهج تعوّد على هالشي وتحسين شكلج غلط بدونه

اصلا كثرته موزينه على البشره راح تخربين ويهج

حلاتج تكونين طبيعيه ولي صارت مناسبه تحطين مكياج وراح ينبهر زوجج فيج

بس انتي عودتيه على هالشي يمكن حتى لو حطيتي مكياج حق حفله او شي ماراح يحس بتغيير

مافي وحده مو حلوة بدون مكياج انتي اقنعتي نفسج بهالشي والمصيبه انج اقنعتي زوجج بعد

حاولي انج تقللين بالتدريج ليما تقطعين بس مو كلش يعني لا تقعدين كل مره جدام ريلج ويهج اصفر ومافيه شي

بس حلاته وقت النوم تصيرين طبيعيه وناعمه….

هههههههههههههههههههههه

لا والله انا على طبيعتي حيل

يعني ما احط مكياج طول اليوم

وحدث ولا حرج حزت الولاده
ما شاء الله عليج بس يعني ابد ما صادف وايهج وانتي مو حاطه مكياج
حتى وقت النوم الحمره تروح بالمخده …خخخخخخخخخ

ههههههههههههههههههههههههههه

انا كنت اول عرسي جذي؟.

لدرجة يووم ودوا اغراضي وانا عرووس موصيه اختي تخشلي بالحمام كحله وقلوس وتاتو حواجب<<

ويووم الولااده <<<تخيلي ماكنت ادري اني بولد<<وكنت راسمه حوااجبي

الناس تتولد <<<وصيااح وانا احاتي حواجبي لا يطير اللووون ههههههههههههههههههههههههه

بس الحين عااااااادي

تقبلي مروري

لازم يحس انج تتعبين مو معقوله تعبانه وزينه معاج تاتوج؟؟

انا اخذ ايام بدون شيء <<يمكن بكل الحلات حلوه<<شايفه ننفسي هههههه

حتى انا عندي بنوته عمرها 4 اشهور
بس مو لهالدرجه دايم اخذ شور واطلع بدون لاكحل ولا مسكره ولا روج ولا شي
صح ماحب اقعد طول اليوم جذيه يعني بعدل اشور اتعدل والبس واكشخ واطلع ،،
بس انه ماعمره شافني لاوالله

بالعكس حلاته يشوفني بدووون تعديلاات،،

ويييييه الله يعييينج

عيل برمضان شتسوين

الله يعينج ياقلبي الصراحه احس انج تعبانه نفسياً
يعني لي متى بتظلين على هالحال ؟؟
سنه سنتين ثلاث وبعدين ؟؟
نصيحه ياقلبي روحي الصالون على يوم وقصيلج قصه حلوه واستشوري شعرج ..
ورسمي حواجبج ومسكره وبس لاقلوس ولاحمره ولاشي راح ترتاحين اتحسين انج مو حاطه شي بنفس الوقت ويهج مو اصفر
والشعر راح يطلعج بلوك حلو ..

لووووووول
مثلي ياتني الطلووووق وجالسه البس بروح المستشفى واحط كحل
زوجي يناظر فيني يقوول
اول مره اشوف وحده بتولد وتحط كحل
وماخذتهم معاي المستشفى
عشان اتزهب عقب الولاده

يابعد عمري

انا اذا تزوجت مااتخيل نفسي بميك اب طول يومي احس انه راح يقول هذي مو حلوه بس ترقع بخشتها

ابدي حافظي على بشرتك واهتمي فيها ترا الطبيعي احلا بكثيييييييييييييييييييير وخليه يشوف جمالك الحقيقي

عودي نفسك خليك واثقه ترا الثقه نص الجمال اذا شاف ثقتك بنفسك بعيونك والله لايشوفك احلا وحده

شيلي هالبودره واستبدليها بمرطب ومقشر خليها تتنفس

اعرفي انك قمر بس ثقي بنفسك يعني تتوقعين طول عمرك بتقعدين تهربين منه اذا مافي وجهك مرقعات ؟؟؟؟

انتي تتصورين انك تحتاجينها بس تأكدي أنك في غنى عنها

ترا الجمال الطبيعي اجمل واذرب من الميك اب يعني مشكله اذا شفتيه انه افضل

عودي نفسك من الحين واعرفي انه عارف انك جالسه تحطين ميك اب لايجي فـ بالك ان على باله كل هذا طبيعي

والله يجعلك احلاااااااااااااااااااااااااا من القمر بعيونه والاكيد انك قمر بس لو تتركين هالبودره والتاتو واخواتهم

كك أنه انطر متى ارد البيت علشان امسح الميك اب …

فالبيت نوو ميكب كللللللللللللش …

معقوووووله مامليتي خففي من المكاج شوي شوي عشان تتعودين لاتقطعين فجاه يعني يوم حطس تاتو حواجب وحمره وباجر كنسلي الحمره وشوي شوي لين تتعودين

انا قبل ما اتزوج كنت افكر شلون بدون ميك اب
الحين غصبن عني بدون
اصلا مافييييييييييييييييي وقت دوام وبيبي وماكو خدااااامه
ياااااااااا سلاااااااااااااام سلللللللللللللللللللللم

هههههههههههه

واااااااااااي مو لهدرجه كلللللش حراااام تتعبين وبشرتج تتعب وايد

أنا عاد كلش ما أحب المكياج وبالبيت بصراحه ما أحط شيء كلللش

واذا طلعت بس أحط كحله اللي اهي خط بس داخل العين

وأحط مرطب شفااايف

وبوقت الولاده من له خلق يتعدل ويحط مكيـاااج

لازم تحاولين تغيرين من نفسج اشوووي ومو كل شيء بالحياه مكيااج عند الزوج

بالعكس حلاتج يشوفج على طبيعتج

ومستحيل طول العمر بظلين تحطين جذي أكيد بتملين