بنات حواء وباقي الكويتيات

اشلونكم عساكم بخير

يا ربي كل يوم اكتشف شغله يديدة بالمدرسه

الطالبات تغيرو والابلات هم تغيرو

انا احب رئيسة قسمي واحاول اسوي اي شي يرضيها

و اهي الشهادة لله خوش وحده

بس

مرات تقط كلام اتضايق منه

مثلا دشت علي حصة وكنت معلقه بطاقة قيمة الاسبوع اللي تنباع من مكتبة السنافر

لما خلصت من الحصة ويت تكلمني عن زيارتها

اقعدت تقول ليش ما تقولين عن هالبطاقات !!!

هذي شغله

الشغله الثانية

القوانين مالت الفصل اللي كانت حاطتها بنات حواء هم شافتها بدفتر وحده من طالباتي

واقعدت تقول لي ولا تقولين انج مسويه شي حلو بدفاتر البنات

الشغله الثالثه

قالت حق وحده اليوم انا اخترتج حق الدورة لاني عارفة ان ما تحتكرين الشغل لج بروحج !!

فهمت انا الكلام عني

ياربي والله مو قصدي احتكر شي لنفسي

بس هالاشياء اللي سويتها مو من ابداعاتي كل شي قاعدة اطلع من النت

والمشكله ان في مرحله المواجهه اقعد ساكته ولا اقول شي

بس اوزع ابتسامة

شوري علي شسوي!

شنو يعني بطااقة ما بطاااقة

انتي مو مكلفة بقسم كامل

وبعديين مايصير اتقومين بشغلج و شغل غيرج و غيرج ياخذ منج بس

انا اجابل و حصصي وبس

الامور الثانية ساعات اعطي ساعات لا

بس اذا ماقمت بالامور الثانية ما اقوول للباجي ليش ماتشيلون عني ولا ليش ماتسوولي مثلكم

انا مسئولة عن اموري و بس

و خل اتروح الدورة حبيبتي

انتي ريحي العصر

وخليها اتروح الدورة من ال 5 ليين 8

ريحي و نامي الظهر

و روحي الافنيوز فيز 3

يعني تقصد ليش لما تسوين شي بالصف ما تعلمين عنه !

للرفع

حبيبتي شوفي مهما قالت لج هالكلام رئيسة القسم تاكدي انج حيييل عجبتيها في ابداعاتج ولاتنظرين للجانب الاسود بالسالفه شوفيها من الجانب المشرق …..

نرد الحين لرئيسة القسم طبعا لازم ماتسكتين عشان ماتظن فيج ظن السوء طرشيلها واتسب قوليلها شلونج ابله فلانه ودي اكلمج بموضوع وابدي اشرحيلها اسبابج قوليلها انا ماخشيت لاني انانيه انا اشوف هالشي عادي ويعتمد على طريقة المدرسه في عرض وتنظيم الحصه يعني انتوا يمكن ماتحتاجونه بس انا احتاجه …
وقولي ولايهمج بكره اي شي اسويه اوريج اياه حتى قبل لاعارضه على طالباتي…..
اكسبيها بالكلام الحلوو….
والله يوفقج يارب

عدل كلامج انا حسيت جذي بعد ان شغلج عاجبها

هذا الطبيعي … انه يكون لج شغلج الخاص وابداعج وافكارج الخاصة

ولا تلتفتين لنغزات رئسة القسم وخذيها بايجابية يمكن تبي الباجي يتحركون ويشتغلون

وماراح يتحركون الا اذا حسو فيه منافسة قوية …. واى تميز لج راح يكون لها نصيب فيه تلقائيا لانها رئيسة القسم

بس مو مطلوب منج تعطين احد افكارج او شغلج لا طبعا

علشان جذيه خليج مثل ما انتي وابدعي والله يوفقج

انا عارفه ان عاجبها شغلي بس ما ابيها تفكر اني احتكر الشغل لي بروحي

فبسوي مثل ما قلتو كل شي اسويه اعطيها خبر فيه

واضح قصدها

ماتبي تقول انها تبلغينها بافكارج عشان تطبقها

لازم تبلغينها عشان تحفظين حقج عند التقييم لان يحضرون لج حصة او اثنين بالكورس سواء ادارة او توجيه مايعرفون شغلج

راي رئيسة قسمج مهم اي شغل او انجاز او فكرة مميزة بلغيها فيها اهي اللي موجودة معاج طول الوقت

هذا قصدها

اسكتت فترة وعقب جم يوم قاعدة تسولف مع المدرسات عن شغله مو عارفة لها عدل

وانا ساكته اسمعهم

جان تنط وتقول حق المدرسات اكيد فلانة تعرف تقصدني طبعا عقبها جان تقول بس اكيد ماتبي تقول لنا !!!