بنات تكفه والده قيصريه ومتوهقه ابي مساعدتكم الي والدين القيصريه

السلام عليكم ورحمة الله
حبيباتي انا صارلي والده قيصريه ثمان ايام وماعرف شنو اكل وشنو اشرب وشنو الادويه الي اخذها وشنو ممنوع اخذ واذا تعرفون وحده تبيع اعشاب للقيصريه تتكرم تقولي ابي انضف بسرعه لان رمضان جاينه والله يوفق الي ترد علي ويسهل عليها

شوفي بالنسبه لي ما خذيت اعشاب بس اكلت المعروف اللي هو رشاد وتمر وفلفل اسود
لان اللي تسوي عمليه تكون منظفه بس عليش بالاشياء اللي ترفع الرحم وبتنظفين بسرعه لانش عمليه يعني بالكثير25 يوم
وهذا اللي صار ببكري

اختى مو يعني عميليه تهملين نفسج ,,,,,,,,عليج بالشغلات الدافيه والقبوط والمرقوق علشان رحمج مايدخله هواء,,,, وحافظى علي نفسج من الهواء البارد والماي بعد ,,,,,,,,,, وتطلعين بالسلامه,,

رررررررررررررفع

الحمدالله على سلامتج اولا
وعليج بالدارسين والزعتر هذيل اهم شي
وحليب بالزنجبيل بس مو اول الايام لانه البطن يكون فيه غازات ونقعي ماي ومره وشربي
وقبوط ومرقوق وماتيوعين نفسج ولا تشبعين حيل
واكلي لهوم تلقينه بالحواج
واذا حاشج غازات اخذي كمون وحبة حلوه زين لج وللبيبي
وسلامتج

الحمدلله علي سلامتج ……انا ولدت قيصريه واول اسبوع مااكلت ادويه بس حلبه وتمر ورشاد وبعدها عادي اكلي الادويه المعروفه للنفاس واشربي الطبيخه او شاي الاعشاب…….

اول اسبوع حلبه بكل شي تاكلينه و اخر عشر ايام رشاد

نفس الشى

اول اسبوع ما اكلت فلفل

وعقب اكلت ادوية واكل النفاس العاااااااااااااااااااادى

اشكر تفاعلكم وشريت الطبيخه والاعشاب وبلشت فيهم

خلاص لج الحين 8 ايام كل شي تقدرين تاكلينه اهم شي الاشياء الدافيه كثري منهاا

و ترى انتي قيصريه اكيد داااشج هوااا بزوووود لازم تييبين وحده تسويلج كاسات هوا انا صار معاي جذي وااي وهقه وهقه القيصريه

طالعه من الشر ان شاءالله

ياقلبي تاكل القيصري ادويه بس مو من اول اسبوع يمر عليج 8 ايام بعدين اكلي عااادي

الله يسهل عليج وطالعة من الشر يارب وحبيبتي هالله هالله بالمرة شربيها وبعدها كلي قطعة كاكاو ماراح تحسين بطعم المرة وتدفي وتحركي اهم شي لاتكثرين القعدة اجر والعافيه والله يوفقج

ماعرف و الله بس حبيت ارفعلج الموضوع