بنات تعبت والله العظيم أمي تعبانه حدها ساعدوني!

السلام عليكم،

بنات ياريت تفيدوني والله اني تعبت وتعبت أمي وياي مادري وين بعد أوديها حدها تعبانه من قبل جم شهر واحنا ندور عالأطبا وفحوصات ملت مسكينه والحين تقول مابي أروح مكان وقاعده تعاند الله يهديها، مابي أطول عليكم السالفه بس اهيا فيها ورم في عنق الرحم (بداية سرطان) الله يكافيكم شره ان شاء الله ويبعدكم عنه.

أول شي انا مابي أذم حتى ولو انه في دكاتره دخلوها العنايه ما أقول الا الله يهديهم.
بس من اللي رحنا لهم دكتورة بهواني اللي بالهادي، دكتور باتريك بمستشفى لندن، دكتور مصري دسوقي، دكتور مصطفى تومسو بدار الشفا، ودكتورة معصومة مخصيد.
وللحين اهيا تعبانه! وتحتاج عملية والصراحه مادري منو أثق فيه لأن شكثر دعيت ربي ولا أحد ارتحنا له لحد الحين!

بنات عفيه والله مالي أحد بالدنيا غير أمي اذا صار فيها شي انا أموت
اللي تعرف أي دكتوردكتورة زينين حق هالمرض أو حق عمليات بالرحم عفيه لا تبخل علينا أو اذا أي أحد يعرف وين نقدر نوديها اذا حق علاج بره يعني أي دولة والمستشفى والدكتور؟ (لأن احنا امودين أخوي قبل علاج بألمانيا وبالعكس ضره وما فاده).

والله تعبت أشوف أمي جدامي كل يوم تعبانه وانا مادري شنو أسوي! والله اللي تساعدني وتدلني على طبيب يشافي أمي راح أدعيلها من كل قلبي طول عمري

وعسى الله يخليلكم أهلكم ويحفظكم من كل شر أو مرض ان شاء الله.

حبيبتي والله بخاطري افيدج بس ماعندي فكره عن اطباء زينين بهالمجال بس اللي اقدر اسويه اني ادعيلها من كل قلبي عسى ربي يشافيها ويعافيها من كل مرض و خل تقرى البقره وسورة يس يوميا بماي زمزم و تشرب منه كل يوم و خل تكثر استغفار وربي ينور لكم وتلقون دكتور زين و تتشافى ان شاءالله

اسأل الله العظيم رب العرش العظيم ان يشفيها
اسأل الله العظيم رب العرش العظيم ان يشفيها
اسأل الله العظيم رب العرش العظيم ان يشفيها
اسأل الله العظيم رب العرش العظيم ان يشفيها
اسأل الله العظيم رب العرش العظيم ان يشفيها
اسأل الله العظيم رب العرش العظيم ان يشفيها
اسأل الله العظيم رب العرش العظيم ان يشفيها

حبيبتي ماتشوف شر الوالده بس انا اقول ليش ما تستخيرين قبل ما تختارين الدكتور هذا اضمن شي لج ولامج وشوفي الدكتوره يوليانا بالراشد وايد زينه و الدكتوره مريم بيبي في السلام وانشالله تقوم الوالده بالسلامه

وعندج امل الراشد في السلام وايد زينه سوت عمليه حق عمتي فيها تكيس بس طلع حميد

الله يشفيها يارب عاجل غير آجل وربي قلبي معاج ومع امج ياحبيبتي الله يقومها بالسلامه يارب وانا ماعندي فكره بس حبيت ادعيلها

الله يشفيهاا يارب

لاحول ولا قوة إلا بالله العلي العظيم

الله يشافيها ويشافي كل المسلمين يارب

انا قبل سنه شايله ورمه يكافيج الشر بين الرحم والمبيض عند الاستشاري خالد حموده في بوشهري التخصصي بالسالميه وكانت كبيره ومن يومها صار دكتوري وماغيره

الله يعطي الصحه والعافيه قبل لا سوي العمليه عنده رحت حق نص اللي ذكرتيهم وكنت بسويها بألمانها خلاص ما بذني ماي لانه اللي تقولي بنشيل الرحم واللي تقولي من لونه بالسونار مبين انه خبيث وقاعد يكبر بسرعه خرعوني قلت اشحادني يلعبون فيني وقبل لاسافر بعشر ايام واحد من ربع ريلي قاله اعرض ملفها على هل دكتور ما تندم اهوا كان استشاري بالصباح والله سحبني غصب وداني وانا ماودي بس النصيب وصح كلامه والله انه دكتور امين ويخاف الله وفاهم ماشالله عليه وشجعني قالي توكلي على الله وماراح يصيبج شر انشالله ووايد ارتحتله ومن ثاني يوم سويتها وافتكيت كابوس وانزاح من قلبي عقبها بجم شهر حملت واهوا اللي راح يولدني بذن الله

انتي مو خسرانه اعتبريها اخر محاوله وديها عنده واذا طمنكم ادعيلي

وسلامتها الف سلامه انشالله

اللـه يشفيهـا يااااارب و يقووومهاااا لج ولاخوووووانج بالسلامـه يارب

والله قبل اسبوع تقريبـاّ كنت قاعده مع رفيجتي و عمتها فيهااا هالمرض وبالـرحم

والله تحلف انها راحت حق نص الدكاتره وخاووف يسوون لها هالعمليه ونصهم يقولون مانقدر

تقول وديناها مستشفى الـعـرف تقول سوالها العمليه قال لها مايبيلها شي واول مابطلت عينها
وراها الورم تقوول سبحااااان الله معجزه شلوون هالوورم كان برحمي لانه كبيـر حيل

ف مادري انا قلت لج اللي سمعته والحمدالله الحين مافيها شي

انتي شوف الاطباء اللي قالولج عنهم البنات وبعـدين شوفـي الـــعـــرررف

أختى أنا بقولج تجربة وحده أعرفها صادها نفس المرض بالضبط كان معاها لفتره طويله نزيف وماشخصوا المرض إلا بعد سنه أن ورم بالرحم والحمد الله طارت على تايلند وهناك أول ماوصلت قرروا لها عملية بأستئصال الرحم فورا لأن هالمرض لازم أستئصال وبعدها بدت رحلة العلاج مابين العلاج الكيميائي لمدة ستة أشهر وبعدها علاج نووي ولله الحمد اليوم هي بصحة ممتازة ما رجعت من هناك إلا لم طمنوها أن الورم زال بالكامل وتشافت تماما من المرض بفضل الله
أختى المفروض بدون تفكير لازم بأسرع وقت تعالج نفسها ولا تترك المرض يستفحل بجسمها الحمدالله ألحين صار العلاج موجود ومتوفر وأصبح بعد بسيط بإذن الله . نصيحتي لج أنكم تودونها تايلند المستشفى الأمريكي هناك أطباء متخصصين لهذا المرض وأي تفاصيل عن المستشفي راسليني على الخاص وانا أنشالله أساعدج أهم شيء لا تتهاونون ولا تتأخرون
بالعلاج الصحيح والفوري . ربي يشفي لكم الوالده بإذن الله الواحد الأحد. ويشفي كل أمهات المسلمين

بنت عمي اكتشفوا فيها ورم بالرحم وعلى طووووول شالته بمستشفى المواساة عند الدكتور عادل مرسي

والعرف بعد شاطرين

الله يشفيهاإآ ويفرّحكمـ بردّتهـاإآ لكمـ سـآلمه ومعـآفـأإآه يـآ كريمـ
…… آلله يخخخليهـاإآأ لكمـ ويريّحهـاإآ …….

الله يشفيها يااااااااارب

هم شوفي الدكتوره نداء بوخضور بمستشفى رويال حياه

عسا الله ينفعكم منها

ترا مرات التشخيص يطلع غلط لا تضايقين روحج

اسأل الله العظيم رب العرش العظيم ان يشفيها
اسأل الله العظيم رب العرش العظيم ان يشفيها
اسأل الله العظيم رب العرش العظيم ان يشفيها
اسأل الله العظيم رب العرش العظيم ان يشفيها
اسأل الله العظيم رب العرش العظيم ان يشفيها
اسأل الله العظيم رب العرش العظيم ان يشفيها
اسأل الله العظيم رب العرش العظيم ان يشفيها

الله يشافي امج ويعافيها حبيبتي انا خالتي ام زوجي صار معاها جذي تكرمين ايام الدوره ينزل مثل نزيف وكانت تعالج عند دكتوره
فوزية القطان الله يسامحها مابين كل فترة تسويلها عمليه تفتح جزء بسيط من بطنها وتحط لها ادوية عقبها راحت حق دكتور فريد صوصو قالها هذا ورم ولازم الحين تروحين اقرب مستشفى وتسوين عملية وكتب لها تقرير وراحت الهادي وسوت العملية بس ماعرف اسم الدكتوره بس اللي اعرفة انها هندية سلامة امج وماتشوف شر