|
|
شلونك متزوجات شخباركم ؟
بنات انا صايره معاي شغله يديده واللي اهي وايد افكر بالخيانه ولو لا قدر الله ريلي خاني شسوي ؟؟!!
بنات والله من كثر ماشوف واسمع سواء بالمنتدى ولا برا بالحياه اليوميه
وتلاقون الرياييل يخونون والحريم ياغافلين لكم الله !! والله مساكين الله يصبر قلوبهم ويبردهااا
تدرون صارلي فتره اتكلم مع ريلي بهالمواضيع عن الخيانه والزواج الثاني والعلاقات والخرابيط اول الفتره كان يرد علي عادي ويسولف بعدين قالي شفيج انتي ؟ ملحوس مخج ؟ ليش وايد قاعده اتييبين طاري هالسوالف ؟؟؟
عاد حسيت انه تضايق بس شسوي وايد اتييني هالأفكار
هالوسواس ذابحني اقول حتى الحريم اللي خانوهم رياييلهم ماكانو يدرون انهم راح ينقطون بهالموقف بيوم من الايام بس ارد اتعوذ من ابليس
مع اني ماشفت على ولد الحلال شي والله الشاهد على كلامي … وبالمقابل حتى لو الاحظ شغلات صغيره وتافهه قلبي ينغزني مثلا تعطر ومتبخر … مثلا مايرد علي ساعات ( يقول انه مايسمع التليفون او يمه ربعه ) او كاشخ السوالف هذي العاديه مع اني ارد واقول ماشفت عليه شي حراام الظلم ظلمات يوم القيامه والظلم شييين
بنات تصير فيكم هالحاله ولالا ؟ و تتوقعون اللي فيني طبيعي ؟ والله من كثر ماااشوف الخراب بهالدنيا اللي تخرع
والله شي يقمت القلب ويضيق الخلق 
لو الله لايقوله خاني بتحسب واصبر .. وجزاي عند ربي العالمين !
وانتي تعوذي من ابليس هذا الشيطان يوسوسلك
لازم الوحده تطري عليها هالفكره
لو فرضا افتش وراه بلقى شي
خاني ولا لا
فكر يخوني ولا لا
من هالامور
وانتي بكلامج له عن الخيانه والعلاقات يمكن اهو ماعنده هالخرابيط وانتي تحلينهم بعينه
صآير فيني مثلج اقول لآ سمح الله لو خآني انآ من النوع اللي مآ يطوف
شسوي
الله يبعدنآ عن الخيآنه
وتراا كلها اوهاام هدي لان تقري القصص
ترا اصابيعش مو زي بعض
تعودي من بليس ترا بليس شاطر ولاتفكري كداا
لان بتعبي حالش على الفاضي
ويمكن ماتصدقين ان صايرة فيني حالة عصبية وتوتر بسبة الموضوع هذا لأني وسواسية وافكر واايد واخاف حيل حيل حيل .. مع ان زوجي الحمدلله نظيف بس مو بيدي .. دايما يقولي خليج واثقة فيني شفيج!! لأني قاعدة اتعبه مسكين
من هالسوالف اللي نسمعها ..
انا ماعندي حل اقولج ياه صراحة ولا أقدر انصحج .. . لأن حالي من حالج
و الله يسخرلنا رياييلنا .. والله هالدنيا تخوف وتغير اللي عمره مايتغير 
قولي الحمدالله مدام علاقتج معاه زينه خلاص
لا تفتحين عينه على هالسوالف حبيبتي
استانسي بحياتج
هذي فئة محموده اللي تخون
عمرج شفتي وحده كاتبه بالمنتدى انا مستانسه و سعيده بحياتي ؟؟ لا طبعا
اللي مستانسه ماتقول لكن اللي عندها مشكله هي اللي تطرحها بالمنتدى لان تبي حل
و اسمحيلي ساعات بنات وايد يحطون مواضيع للنقاش فقط لكن حياتهم مستقرة انتي لا تأثرين فيهم
تخلي مخج احيانا يودي واييب
الله يبعد عنا الشر
وشاكرتلكم مروركم
|
المشاركة الأصلية كتبت بواسطة sosa_23
 شلونك متزوجات شخباركم ؟
بنات انا صايره معاي شغله يديده واللي اهي وايد افكر بالخيانه ولو لا قدر الله ريلي خاني شسوي ؟؟!! بنات والله من كثر ماشوف واسمع سواء بالمنتدى ولا برا بالحياه اليوميه وتلاقون الرياييل يخونون والحريم ياغافلين لكم الله !! والله مساكين الله يصبر قلوبهم ويبردهااا تدرون صارلي فتره اتكلم مع ريلي بهالمواضيع عن الخيانه والزواج الثاني والعلاقات والخرابيط اول الفتره كان يرد علي عادي ويسولف بعدين قالي شفيج انتي ؟ ملحوس مخج ؟ ليش وايد قاعده اتييبين طاري هالسوالف ؟؟؟ عاد حسيت انه تضايق بس شسوي وايد اتييني هالأفكار هالوسواس ذابحني اقول حتى الحريم اللي خانوهم رياييلهم ماكانو يدرون انهم راح ينقطون بهالموقف بيوم من الايام بس ارد اتعوذ من ابليس مع اني ماشفت على ولد الحلال شي والله الشاهد على كلامي … وبالمقابل حتى لو الاحظ شغلات صغيره وتافهه قلبي ينغزني مثلا تعطر ومتبخر … مثلا مايرد علي ساعات ( يقول انه مايسمع التليفون او يمه ربعه ) او كاشخ السوالف هذي العاديه مع اني ارد واقول ماشفت عليه شي حراام الظلم ظلمات يوم القيامه والظلم شييين بنات تصير فيكم هالحاله ولالا ؟ و تتوقعون اللي فيني طبيعي ؟ والله من كثر ماااشوف الخراب بهالدنيا اللي تخرع والله شي يقمت القلب ويضيق الخلق |
قسم بالله نفس حالتي بس شنسوي مو بيدنا من كثر مانسمع الله يكون بالعون