بنات بنات الحقوني ؟؟؟

يسعد مساكم وين ما كنتوا
تكفون ساعدوني ابي طريقة ولا وسيلة ولا اسلوب
يكون مقنع وراقي وكيوت عشان اصرف خطيبي
القصة وما فيها حنا غايبين على بعض يجي 4 سنين وهو يبي مني استقبلة في المطار بس البابا رافض ويقولي حرام وهذا ما يجوز في الشرع وهو عارف بهدا الشي
وانا عشان اكسب رضى ابوي واكسب بعد خطيبي
لازم اشوف تصريفة لان خطيبي مايفتهم شي
بس المصيبة ومخي كنسل ومش قادر يلقى حل
افيدوني
تكفوووووون
اتريا ردودكم

قولي أن شاء الله يستقبلك لا جا وقتها قولي مرضت امس بالمستشفى تعرضنا لحادث لا سمح الله جاتني الطيبه أي جذبه تجمع راسين وبالحلال بإذن الله تنحل الامور

قوليله ابوي مو راضي :/

ماله داعي لف ودوراااان

قولي له ابوي مايرضى والشرع بعد وانا مابي اعصيهم

وبس توته توته خلصت الحتوته

لا تبدين حياتج بجذب و تتنازلين عن اشياء من حقج

اهو خل يملج عليج و ساعتها استقبليه اما من غير ملجة ابوج معاه حق

خطيبج يعني ما ملكتوا؟
طيب وليش راز وجهه ؟
وليش 4 اسنين مخطوبين مغرزين على هالمرحله!!
ليكون واحد من الاهل وخطبولكم من انتوا صغار؟

ترى كلامج مب واضح فبتالي صعب نساعدج
وبعدين وليش تستقبلينه ؟؟ ليكون رئيس دوله ويلزم له استقبال تشريفي !!!
والله حركات توجع الراس
اقول قوليله بلا سوالف افلام
واذا مافيج عالحنه سوي نفسج ان راحت عليج نومه هههههههههههه
معني ما احب الف ودور بس يمكن غيري ما يحب المواجهه

لاتسوين شي تندمين عليه باجر سوي اللي يرضي الله وخلج حقانيه باجر يعايرج يقول عصيتي ابوج اكيد تعصيني

السالفه مافيها تصريف ..قوليله ابوي مو راضي

هههه ظبووووي قامت بالواجب ماعندها واحد اثنين هههه

موفقة

قولي له الود ودي حبيبي
بس شرعا ما يجوز لان بعدنا ما عقدنا القران

مشكووورين ما قصرتوا
ابقول ابوي مو راااضي وخلاص
بلا وجع راس وبلا لف ودوران
^_^

من ناحية التغريز ما بغيت افتكـ ههههههههااااي اللة يسعدكـ يارب
ومشكورة ما قصرتي
كلامكـ وش حلاته يوسع الصدر

احس شغله عاديه مالها داعي لهدرجه لا لف ولا دوران حتى ابوكي ازا كان مو راضي احكيله هيك هيك وخلاص واكيد ما رح يرضى انتي جيبيها باسلوب حلو والله يوفقك