بنات بمووووووووووووووووت من الحره تعالو واسوني :(

قبل ايام انعزمت على شاليه ناس من قرايبنا

وطبعا في ناس معزومين معانا

ببدى بالسالفه باختصار

بناتهم مع انهم تربطهم فيني علاقه حميمه يتمشون يم مجلس الريايل وريلي طاح بوحده فيهم خز

البنت حلوه ماعليها كلام واهيا تبوسم له ومااحترمت العلاقه الي بينا

تالي سكت والتزمت الصمت ومابينت شي بالعكس ضحكت معاهم ماابي الشماته

رجعت البيت وهزئته وماخليت بقلبي كلمه ماقلتها له

حلفلي ان نظرته مو مقصوده والمشكله ضرب ع القرآن

ماادري اصدق عيوني ولا اصدق حلفه لي

المهم يابنات للعلم انا جميله وناعمه وماينقصني شي

بشنو تنصحوني ؟؟

تعتقدون فيني نقص !!

او الريايل عينهم زايغه

وبشنو تنصحوني عشان اخلي ريلي يبعد عن هالبنات الصايعات

مع العلم اعرف ان ريلي مغازلجي بس يبين لي انه مثال للاخلاق

ودي اكتب ودي اكمل بس العبره خانكتني

بنات والي يسلمكم اذا في شي حابين تقولونه تراني اتقبل النصيحه بصدر رحب

وعارفه انكم تقصدون مصلحتي بانتظاركم

حبيبتي الله يمسح على قلبج اولا و يهدي سرج

ثانيا انتي زين بينتي له انج ماكنتي غافله عن الي صار و وفهمتيه ان هالشي يضايقج
عالاقل يحترم وجودج مو جدامج خز و نظرات

للاسف ان هذي الموضه ان بنات ابليس ما يحطون براسهم الا المتزوج

وانتي يوم انج لاحظتي الي قاعج يصير جان رحتي و تلزقتتي بجبد جبده و مسكتي ايده و سويتي لج من هالحركات هذي

جود الطيبه تستحي على ويهها

فديتج ياقلبي انا مو من النوع الي اروح مجلس عامر بالريايل وصحيح كلامج لو كان بروحه

بس انا قهرتها وقلتلها ريلي دازلي مسج يقول انه محضرلي ليله رومانسيه ووده نلغي العشا ونروح مطعم بس انا قلتله فشله عيب الناس عازمينا وانا من داخل ودي ابط راسها جليلة الحيا

انا مادري ليش البنات يحلى بعينهم المتزوج ؟؟؟؟ صج قهر
الله يعينج

حبيبتي سلمى اذا انتي واثقة من نفسج و تقولين انج حلوة و ناعمة .. عيل ليش تسئلين ( انا فيني نقص ) ؟؟

حبيبتي اذا بتراقبين الخز ترى بتتعبين واااايد .. لأن قليل الرياييل يغضون البصر و يثقلون جدام الحريم .
و الحين البنات الله خير نفس الشي ..

أهم شي انه يحبج و موفر لج الراحة و يعطيج اللي تبينه .. لا تدورين الأمور الصغيرة و تزعلين عليها عمري بتتعبين على الفاضي ..

و حرام على أشياء تافهة تحلفون عالقرآن ..

الغيرة حلوة بين الزوجين بس لا تكبرين المواضيع الصغيرة .. و لا تبينين حق زوجج غيرتج بطريقة تخليه يفكر انج مو واثقة بنفسج … ترى الريال يحب اللي واثقة بنفسها ..

اذا شفتيه مره ثانيه يخز وحده من اهله سوي نفس ما قالت لج الأخت اللي قبلي .. و لا تخزين اللي يخزها زوجج ..

أما اذا خز وحدة ما يعرفها .. حاولي تلفتين انتباهه بأي شي ثاني .. و اذا تبين تقدرين اتقولين له أحد عنده القمر و يخز النجوم ؟ طفريه من هالحجي ..

مشكوره اسماء وفعلا كلامج صحيح

تدرين ليش عشان مايفتن عليهم وينفضح معاهم

قاعدة بنات بليس طبعا

واضيفلج

يدعمهم ماديا

الله يكفينا ويكفيكم شرهم

زاهبات لخطف الريايل

كلامج عدل بس صدقيني لما تنحطين بالموقف يصير جرحج عمييييييييق

والله مرات احس ان العيب مني واقنع نفسي اني مقصره

ومرات احس ان الريايل كلهم نمونه وحده وبنات ابليس جاهزين حتى لو على حساب اقرب الناس لهم

يعني اذا ريلج خز وحده تعزينها واهيا تبادلت معاه النظرات تنقهرين ويحز بنفسج اكثر واكثر

شكله يا من الدوانية بنات باجر بدخل واشوف ردودكم

تكفون انا اختكم لاتخلوووووووووووووني تراني مقهوره

الريال فيه غريزه سبحان الله من جذي الشرع حلل له اربع !! لاتدقيقن على ابسط الامور اهم شي مومقصر معاج وتره موووووووووووضه البنات يتحرشون بالمتزوجين عشان توصل لج رساله انها احلى منج مره انا طالعه مع ريلي واحنا تونا مالجين ولاوحده حاطه على بابه ورقه شلك بالسحت الي وياك ياقمر اتصل وانا اريحك حبيبي!! قاعد يقراها ويضحك يقولي ادق؟؟ قتله دق عادي وانا بعد ادق على مساع لاحقني لووووووووووووول انقهههههههر عادي يقهرني بس عادي اقهره مع اني الحمدالله ماعلي قصور

لا يابنت الحلال لا فيج نقص ولا شي يمكن كلامه صج ليش تحطين ببالج انه جذاب واذا فعلا طالعها شبيدج اذا هذا طبعه الله يعينج وادعي ربج دايما ان الله يهديه ويتغير

لا تخلين هالاشياء تفقدج الثقة بالنفس وزين سويتي بينتيله انج شفتيه علشان مره ثانية يحسبلج الف حساب

وحاولي تتجنبين مكانهم لا تروحين له مع زوجج لا تحطين النار يم البنزين وبعدين تتندمين خلاص تحاشي الروحه هناك واذا اضطريتي روحي بروحج

ويعة تشيلها…. والله انا صاروا يكسرون خاطري الريايل مو الحريم … يجونهم بنات ابليس مترصصين ومتفصخين ولعوبات يخزخزونهم وبعدين تجيهم الطراقات والزف من حريمهم ….ريال ووحدة تستعرض جدامه غصبن عليه بيطالع بعد اهو بشر بس الشرهه على بنت ابليس اللي لاحشمت مرته ولا المجلس بكبره

الله يعينج ياحياتي

بس صج يعني المفروض طول الوقت يوم العزيمه مقابله زوجج وتخزينت في البنت وتحرجينها بأي سؤال

على اساس تتطفرينها وتخلينها تحطلج حساب وتفرضين شخصيتج عليها لان هالبنات مايستحون على فيسهم

يبون وحده جريئه علشان تسد عيونهم وتخلينهم يخقون صج

وانتي دامج واثقه فيه فلا تخلين هالشغلات تأثر فيج ولا تخلي بحياتج ثقوب خليها كامله وانتي قدها انشالله

الله يبعد عنه بنات الحلال والحرام واذا الريال يبي يخز يخز مايعطي للمره اعتبار ادعي الله يسخره لج وخليج واثقى بنفسج

الله يعينج وعين كل وحده مبتليه بواحد جذي
بس ماعليج الا الله الدعاء
ولا تخلين هالاشكال تهز ثقتج بنفسج

الله يهديه ويسخره لج ويزيد محبتج بقلبه ويحفظكم من كل شر