بنات بليييز ساعدوني والله بموت من الخوف

السلام عليكم شخباركم بنات عساكم بخير ؟!
بنات انا عندي مشكله كبييييره من قلب, ولو قلت مشكله ماعطيتها حق هالمصيبه اللي انا فيها.
انا الحين املجت واذا الله كتب عرسنا بشهر 1 ,موهذي المشكله
المصيبه والطامه انه انا خايفه خايفه من قلب وبقلبي هم وحسره مايدري فيها الا رب العباد
انا اذكر يوم كنت صغيره كنت انام ببيت جدي ,وكان عندي عمه ايامها عمرها 20 او 21 بهالعمر
يوم كنت انام عندهم كنت اشوفها بوضع شاذ مع صديقاتها او بنت خالها, اللي حصل انه مره قالت لي تعالي نامي عندي ويوم نمت عندها مادري شنو اقول اللي حصل انه اذكر حطت اصبعها ب….(اعتقد فهمتو) وتعورت وقمت ابجي ورحت ثاني يوم الصبح اكرمكم الله الحمام وكان فيه شوية دم
كان عمري تقريبا 10 او 11 سنه
اقسم بالله العظيم انه ماعمري سويت حرام, ولا عمري سويت منكر كل يوم يزيد همي اقول انا شذنبي باللي حصل ؟
المشكله انا ماعرف اذا كنت بنت ولا تكون هالحقيره فعلا فضت بكارتي يوم كنت صغيره
امي ماقدر اقوله شقولها ؟؟ مستحييييل مستحييييل
طبيبه شقول حق امي ؟ يمه انا ضحيه ؟ صعبه جدا صعبه
بنات تكفوووون الله يفرج عنكم يارب لو تفرجون عني انا بين جنه ونار لانه كرهت عيشتي صج كرهتها بشي انا مالي ذنب فيه
شلون اعرف نفسي؟ ارفض ولا اوافق ؟ ياريت كلام مضمون مابي شي تأليف واللي يسلمكم
وياريت بعد لو فيه شي مو ممكن ينقال هني تحاجوني برايفت مسج
وجزاكم الله خير

مافيهاشي روحي للدكتوره لحالج ليش تييبين أمج معاج وإن شالله ماكو إلا الخير

انا ماسووق وماعندي غير امي اللي توديني وتييبني

الله يكون بعووووونج انا بروحي ماعرف بهالسوالف توني بنيه لاتبطلون اعيوووووني

لوول

بس روحي جيكي على روحج

وبسرعه ردي البيت من غير محد يدري يعني

بس قولي بروح عند رفيجتي وبجهز حق ملجتي اي شي اي شي

بس روحي جيك يوعطينا خبر

الله يعينج

بس مثل ماقالوا البنات حاولي اتروحين للطبيب إبروحج لاتأخذين الوالده معاج وإذا مارضت اتروحين إبروحج حاولي معاها مره ثانيه او شوفي اي يوم وانتي راده إبروحج من مشوار مري الطبيب

بس حاولي اتقولين حق احد قريب منج اختج الكبيره او اي وحده

وعليييج بالدعاء وان شاءالله مايكون صار لج شيء