بنات بلييز ابى اعرف شنو افضل المدارس الخاصه بالمنطقه العاشره

السلام عليكم ورحمه الله وبركاته

بنات شلونكم ان شاء الله بخير حبيباتى بغيت اعرف احسن مدرسه خاصه بالمنطقه العاشره تكون قويه بالانجليزى والعربى ولا احد يقول لى عن مدرسه كيمبردج لان باطين جبدى اربع سنين ادرس ولدى فيها ولا عرف يتكلم انجليزى عدل ابى مدرسه زييينه وقويه ابى يتأ سس بالانجليزى عدل

ناطره ردودكم حبيباتى

والله انا مثلج حدي محتاره,, كل يوم أقرا هني اشوف شنو يقولون..
انا ولدي دارس بروضه حكوميه ,, احترت وين اوديه اخته دارسه بالبريطانيه للبات اللي بسكرونها السنه الجايه,, مدري ليه معني مرتاحه فيها,, رحت كمبرج وانا مومقتنعه فيها بس قلت عشان السنه اللي وراها احوله للانجليزيه اللي بالفحيحيل او التكامل, رحت كمبرج قالت عادي نسوي له اختبار ونقبله ان شالله,,وولدي اسم الله عليه شاطر.. لما طلعت من كمبرج رحت للانجليزيه وانا حيل عاجبتني ومستواها قوي وودي ولدي يدرس فيها قالت مانقبله هذي السنه يعني اولى ابتدائي بس اذا درس بكمبرج وسوينا له امتحان مستوى يمكن نقبله,, طلعت منهم ومريت على الطلبه بالفرصه وكانوا يلعبون لكن مارتحت اغلبيتهم اجانب ومادري حسيت اني ولدي مراح يمشي معاهم واطالعهم واتخيل ولدي بينهم مادري مارتحت,, لا ويوم انتهت الفرصه يطقون جرس مثل مال الكنايس يعني مافيه اختراع اسمه جرس كهربائي ,, بعدين طلعت وانا مقرره ماأسجله..
طولت عليج السالفه,, مانتهت حيرتي للحين,, صرت افكر بالمستقبل او الرساله,, انا سمعت ناس تمدح المستقبل ورحت بنفسي لهم وسألت كم وليه امر هناك ومدحوا المدرسه, وأصلآ بنتي دارسه فيها اول مافتحوها ثانيه روضه اولى ابتدائي بس نقلتها لاني ابي مدرسه انجليزيه ,,لحد الحين بنات صف بنتي موجدين بامستقبل مانقلوا قلت اكيد انها زينه ولا كان للحين كلهم موجودين , صديقتي اللي معاي بالدوام ولدها اولى روضه وتمدح المستقبل,, واللي ماعجبني بالرساله ان اغلب المواد بالعربي.
المهم انا قعدت اصلي صلاة استخاره يمكن 4 مرات عشان ولدي,, يوم دقيت على الرساله طلع التسجيل مسكر قلت الحمد لله هذي استخارتي,,الحين وانا اكتب لج ردي زوجي عندهم يدفع رسوم التسجيل والحمدلله..بس بنتي راح اخليها يعني 4 ابتدائي,, وبتصير بدل البريطانيه المستقبل للبنات,, والله كريم جايتهم مديره جديده وان شالله تكون فيها خير لهم..

يمدحون مدرسة فحيحيل الانجليزية

انا ولدي بالمستقبل تخرج من kg2 والحمد لله اشوفه ممتاز اهم شي قاعد يتكلم انجليزي وحافض نص جزء عما ويقرا عربي
وبتبين الصجيه السنه الجايه في الابتدائي
بس كل الي اعرفهم يمدحونها

انا ولدي مخلص من ثالثه ابتدائي (حكوميه) وافكر ادخله مدرس خاصه بالمنطقه العاشره هل بيقبلونه ولاشنو اسوي >>>>>>داشه عرض سوري

اشكثر يمدحون مدرسة كامبرج من جذه سجلت ولدي فيها المستقبل عيال حماتي فيها تمدح بالمدرسه ورفيجتي مدخله بناتي فيها تقول زينه لأن بناتها كانو في الأمريكيه فتقارن بين المدرستيت تقول المستقبل تأسيس العربي اقوي من الأنجليزي عندهم شوقي اللي يناسبج لأن ماعنددنا مدارس قويه بالمنطقه العاشره سمعت ان الأمريكيه بتفتح فره ….اقول مري الكنديه يمدحونها بتأسيس أنجليزي

شكرا لكل اللى تفاعل مع موضوعى ويعطيكم العافيه تقولين المستقبل العربى اقوى من الانجليزى انا ابيه يتأ سس بالانجليزى عيل ليش مدششته مدرسه خاصه الواحد يقط فلوسه عليهم وما يلاقى تعليم زين مشكله الله كريم أن شاء الله بمرعلى الكنديه

موفقين

ام فهد حيبتي المقصد في ان المستقبل قويه بالعربي لان معضم المدارس الخاصه تهتم بالانجيزي وتهمل العربي والمستقبل ملمه بالعربي والانكليزي ما شاالله
وبالتوفيق

مرحباااااااا
حبيت افيدج عن خبرة شخصية بمدرسة الفحيحيل الانجليزية، انا عيالي درسو ال kg1+kg2 فيها.
بصراحة المدرسة روعة ومستواها قوي والمدرسات يهبلون ، وفيها شكثر كويتين نفس نسبة الاجانب وكل مالهم ويزيدون.
للامانة ما اعرف مستواهم بالعربي لان تدريس الروضة كله بالانجلش، انا بطلع عيالي لسبب واحد وقلبي يتقطع علي المدرسة "رسومهم غالية ودفعاتهم اقوى" يعني لازم تدفعين اول دفعة قوية عشان يداوم .
اتمنى انج استفدتي،،،،،،،،،،،،،،،،،،

انا نقلت ولدي من المستقبل وبدخله حكومه معاي السنة الجاية
لاني ماشفت اي تقدم بصراحه