بنات بسأل عن الترديد

قوه يابنات المنتدى الحلو الراقي .. .

أبي أعرف متى نبدي ترديد بعد الولاده …
و كم مره ؟؟؟
و كم تاخذ الرداده ..

و في بعضهم يعطون تحاميل و بعضهم يقولون يعرفون المره إذا نفاستها زينه و لا لأ..

بليز بنات ساعدوني .. ترا آنا غشيمه بهالسوالف .

حبيبتي ام الغزال الترديد يبيلج ثامن يوم من الولاده وتاخذلج 3 ايام وغالبيتهم ياخذون من 30 دينار وفي بعضهم اكثر
وعن التحاميل انا ما اجازف اخذ من الرداده تحاميل اخذيهم من الصيدليه احسن

اسفه علي تطفلي بس شنو حقه التحاميل؟

شوفي هالموضوع و ان شاء الله تستفيدين
https://www.q8yat.net/showthread.php?t=36148

مشكورين على هالمعلومات الطيبه

السلام عليكم ورحمة الله وبركاته
اليوم الثامن من الولاده !!!!!!!!!!!

آنا أحسب آخر أيام النفاس ..

و آنا ما بقالي غير إسبوع و أطلع !!!

راحت علي يعني ؟؟؟؟؟؟؟

السلام عليكم
حبيبتي الترديد بعد العاشر افضل لمده 3 ايام
انا توني والده ويتني الرداده بعد العاشر لمده 3 ايام
وبعد دقيت على عياده د. مساعد السعيد وقالوا بعد العاشر احسن ويتني مالت المساج وكان روعه لمده 2 طبعا ( البرنامج لمدة 3 ايام اسوي مساج وتعطي تمارين لترجيع الرحم الى مكانه الطبيعي + مساج للبيبي مرتين )
طبعا انا امدلعه روحي يبت مالت المساج لمده 2 ويبت الرداده لمده 3 ايام
المساج = 15 الجلسة
والترديد = 20 للجلسه
بالنسبه للمساج تيي معها اغرضها ( زيت + سرير ) واهيه خوش وحده حبوبه سويديه الجنسية ومساجها حلو ما عليج إلا اتجهزين الفوطه عدد 1 وشرشف عدد 2 وبس
اما الرداده اتييب معها معاها الأعشاب وعليج الزيت الزيتون
ترديدها كان حلو وسلامتج واذا تبين الأرقام انا حاضر

ألف شكر على التجاوب .