|
|
بنات ابيكم تساعدوني انا زعلانه بيت اهلي لي الحين ثلاث شهور مشكلتي اني صبرت عليه ليما حملت والله واناعروس باسبوعي الثاني رفع النعل علي وهددني اذا تعاملت مع اخوي بالطلاق وكان يسبني اذا مارديت على تليفون ويهيني ويكسر تليفون والله يابنات تصورو قالي حتى بالحمام تردين علي واذا رن التليفون رنتين ومارديت بسرعة يزعل وكان يعصب على اتفه الامور ومايناديني الابالغبية المجنونة ومرةاهاني جدام امه وضحكت امه علي وامه بليه بروحه مشكلة وتتهمني قدام زوجي وتقولي اني انا الحية الرقطا والله يابنات اني اصرف عليه وعلى امه واودي امه لمراجعات الطبيب والسوق ومطاعم والصالون وحتى الليزر سويته لها ووصلت فيها المواصيل تهين جدي وجدتي واهلي وتحرش زوجي علي وتكره فيني والله ياليت تحترمني عند الناس وتستحي والله يابنات مااتكلم واتبلى علي وعلى امي وتدعي علي وزوجي واناعروس يطلع من اول الليل ومايرد الا الفجر وكذا مره قال لي روحي بيت اهلج ويقولي عطيني كرت البنك يتحجج فيني ويقولي انتي ماتثقين فيني ومرة قالي بصراحة المرة مايكون لها احترامها عند رجلها الا اذا كان عندها رصيد بالبنك والله ماابالغ اذا قلت لكم انا اخر الايام الي كنت معاه تقريبا الشهر ما يكلمني ويظن فيني ظن الشر لامه ولابوه واخوانه وولا حتى السلام يسلم علي يمر اليوم كله يدوب يسالني عن ملابسه ولما اكلمه كلام رومانسي وحلو بليل ابي يقعد بالبيت يقولي ازعجتيني ولما نكون بفراشنا والله ثلاث مرات قالها لي بينهم فترات من الايام والاشهر تبيني والا لأ واهو يدري اني احبه واموت عليه واصبر عليه لما يهيني وما اتكلم ولا اقول لحد ولا اناجره ولا طلباتي واجد والله انا حتى اغراض البيت لما اروح اجيبهم ولا ازعجه ومع هذا ما اتكلم لدرجة قالي مرة انتي شحقة صابره علي او موصابرة الا على هذا اعزكم الله ( *****) فهمتوا شقصد صج مايستحي والله انه ماينام عندي بفراش لمدة اشهر واحس ولايلمسني وانا حت ماصار لي على عرسي اربع اشهور وصلت فيه انه يشوفني بدرجة يصورني اني بنت يهمني بس الفراش بنات ادري تبي تقولون ليش مارديتي انا اعرف انا الرجال مايبني ويدور مني العيبة ومرة قالي انتي عديمة احساس شنو والله يابنات انا قلبي متقطع وصار عندي هبوط وانه من كثر الصدمة قمت ما اقدر حتى اكان يذبجي والله اني جسد بلا روح ولما كان يناجرني على اتفه الأسباب كان يقولي انتي ليش ماتصرخين وترفعين صوتج وكنت ما ارد عليه ليمه قالي بعد امه ماطلعته من البيت انا ابسافر وانتي روحي بيت اهلج والله قلت له مايصير وبالوالدين احسانا هذي امك روح راضها وكنت اوقف مع امه على كثر مازفتني واوصيه عليها
بنات ابيكم تساعدوني
كل هذا باربع شهور
هذا كرة سنين
ما ادري تحبينة ولا لا
وتعاملة وتصرفاتة وياج ما تشجع انة ينحب ولا ان تصبرين بس اذا بينكم ياهل يتغير التفكير
ويبدى التفكير بشكل اخر تفكرين بالتضحيية لانج ام وبالصبر لان هذي الحياة
هذا راي
ويلكم فيج بالحياة الزوجية و الريال مبين معقد ويبي يعرف كل وقت وينج الله يعينج اذا خلص الشحن شكلج بتاكلينها طق عبالة قافلة التلفون
الظاهر ماضية اسود
ليش ما تخلين ابوج يكلمه و يتفاهم معاه !! وراج اهل مو ماخذج من الشارع
لان هرموناتج و اثر العلاقة الزوجية ياثر على قرارج وقرار ريلج
فاتبعي السنة واجلي الطلاق لحد ما تولدين
صدقيني رسولنا ما يامر الا بكل خير
طمنيني عنج
وزوجج ماابى اشككج فيه بس موصاحى عنده شى شاغله عنج 00وترى باين من اسلوبه هالشى
الحل انه اهلج يوقفونه عند حده 00الرجال اذا درى انه للمره عزوه واهل تنتخى فيهم يسكت ويحترمها ويشوفولج حل الله يعينج
عنده وحده ثانيه ويبي يطفشج
انصحج تغيرين معاملتج وتصير عندج عزه نفس شوي ولاتصرفين عليه وعلى امه وخلج حنونه عليه اكثر
بس مو تطلقين
و اذا تقدرين روحي حق اي محامية / محامي و شوفي لان اهما اخبر بمثل هالحالات ، قبل لا يرفع عليج ريلج قضية طاعة.
وش تحبين فيه حبي كرامتك
خليه يولي الله لايردة
تطلقي والله يرزقك بالي افضل منه
و بعدين لي تطلقتي بقعد اهو و أمه يبجون على أيامج ، وين يحصلون كنة مثلج
عليهم
تبين الصراحه من كلامج احس ان اهوه شافج تسكتين وطيبه زياده عن اللزوم ومالج شخصيه جدامه استانس على الوضع!!
والدليل يقولج ليش ما تصارخين ليش صابره!!
ترى الزواج مو معناته الوحده تذل نفسها لزوجها! وتسكت على اغلاطه وتشيل عنه المسؤليات على ابو انها تحبه وبتخفف عنه!
هذا اكبر غلط واصلا المفروض مايعرف جم بحسابج وانتي مو مقصره رايحه راده بهالام وتصرفين عليها وعلى البيت!
ما اقولج لا تصرفين بس اهو وينه؟ ليش انمحى دوره جذي وصرتي انتي المسؤوله؟
ما عنده راتب يصرف عليج وعلى امه؟ ما اتوقع بس المشكله انج انتي عودتيه علشان تريحينه وهذا اكبر غلط لازم المره تحمل الريال المسؤليه حتى لو تقدرين تقضين شغل البيت اهوه لازم يقضيه اهوه لازم يودي امه ويبها لازم تجبرينه على هالشي بطريقتج
وبالنسبه للطق والسب والاهانه هم هذي غلطة انج تسكتين! توج عروس جذي يسوي؟ وين اهلج ؟ المفروض من اول ما رفع عليج النعال تنادينله ابوج ولا اخوج يضبطونه وعقبها والله ما يجيس شعر منج اذا عصب وحتى السب لازم تفهمينه ترى غلط الريال يسب مرته ويهينها!
في شي اسمه احترام وتفاهم هذا اساس الزواج
المهم الحل الحين الصبر بما انج حامل صعبه تره كل وحده تحمل وتقول بتطلق والياهل وين يروح حررام؟
حبيبت قلبي غيري شخصيتج معاه فوووق تحت بس يردون اهلج علميهم باللي سواه وخل ابوج او اخوج الكبير يقضبه ويهزه هز وينزره ويفهمه انج غاليه عندهم وما عطوه بنتهم عشان يهينها واهي كانت معززه مكرمه في بيت اهلها!
الريال لا شاف ان ورا مرته اهل وعزوه يخافون عليها والله ما يتجرا على شي من الي يسويه فيج
واي احترييييييت
طلبي ربج + كثري استغفار
ارتاحي في بيت اهلج لين يردون + ضروووووري احد من اهلج يوقفه عند حده + ما تردين له الا بشروط (احترام وتفاهم ماكو طق ولا سب ولا مذل)
تقلبين شخصيج فوق تحت معاه لا تبينينله انج تموتين فيه والله يمل منج خليه يحس انج اخر اهتماماته لين يتعدل وينضبط ذيك الساعه اتعاملينه المعامله الي اي زوج سنع يستاهلها من زوجته
والله يكون في عونج يارب
ادري ان الطلاق صعب والوحده ودها تصبر على ريلها يمكن الله يهديه
بس السؤال لازم انت تجاوبين عليه
اهو فيه شي ينحب ؟
اذا لأ
توكلي على الله وحطي لك محامي أفضل من فتاوي الناس اللي ما تخلص