بنات انا تطلقت اربع مرات والسبب !!

انا فتاة لله الحمد على خلق وجمال وعلم .. يعني مو ناقصني اي شي الا ( الحظ )
بالبداية تزوجت اثنين بدون دخول لكن تطلقت وأنا اللي طلبت الطلاق منهم وذلك لبعض العيوب التي لا يمكن ان تغاضى عنها البنت ….
وتزوجت الثالث ( ولكن للاسف ) كان متزوجا … ولم ادم معه سوى سنة واحدة والفضل يرجع لزوجتة الاولى وبناتها هم السبب في طلاقي ( حسبي الله ونعم الوكيل ) وطلقني وانا حامل لم يرحمني ولم يرحم اللي بطني ..
طلقني وانا عندي بنت وولد صغار جدا

والرابع تطلقت منه بدون دخول ايضا لانه أخلف الشرط مع والدي ..
لاني اشترطت قبل الزواج ان اولادي معي لان ليس لديهم غيري وبعد الملكة رفض ان ياتي الاولاد معي .. ولهذا طلبت الخلع منه بالمحكمة

( انا صراحة حظي بالدنيا مو شي .. مع اني الحمد الله اصلي واصوم واخاف ربي وانسانه خلوقة جدا واكنت اتمنى الاستقرار في الزواج … )
والله يا خواتي وصلت لحالة اليأس وكل يوم ابكي على اللي صارلي
كنت اقول لامي وان ابكي ( شنو يقولون الحين عني الناس ؟؟ اكيد بقولون العيب فيها )
مع ان والله والله انا العيب مو فيني والله ان ( ماعاد في رياجيل )
انا كنت ابي الاستقرار في حياتي الزوجية ….والله انا مو راعية مشاكل وهادية واهلي ناس طيبين
ما اعرف ليش يحصل لي هذا ؟؟
وكل يوم اسال نفسي هل سويت شي غلط بحياتي ؟؟
هل ظلمت احد ؟؟
هل اغضبت ربي؟؟
مع اني والله كل يوم استغفر ربي بما اعلم وبما لا اعلم
(ما اقول الا )
اشكي همي وحزني الا لله

وما ابي الا دعواتكم ان يشيل الحزن والهم اللي في قلبي ويعيني على تربية اولادي

أختي قال الرسول صلى الله عليه وسلم (( إن الله إذا أحب عبدا ابتلاه ))

ويمكن يكون هذا ابتلاء من ربي والإبتلاء قد يكون في المال أو العيال أو الزواج أو في جسدج على حسب طاعتج وحب ربج لج يكون الإبتلاء

ونصيحتي لج : أول شي عليج بالإستغفار والله في الإستغفار راحه عجيبه وثاني شي عليج بقيام الليل لو ركعتين قبل أذان الفير بنص ساعه

وثالث شي مالج شغل بكلام الناس آخر شي فكري فيه إذا بتسمعين كلام الناس ما راح تخلصين

البقره اقريها
وتعوذي من ابليس ونصيحه لا تستعجلين الزواج لمجرد الزواج التسرع بهالامور ينهيها

شكرا اختي ماقصرتي على الكلام الحلو
وانا ادري انا اللي يصير لي هذا بتلاء من الله ويشوف العبد هل يحمد او يجحد

كل يوم امي تدعي لي بالزوج الصالح اللي يخاف ربة
وانا اقول وين راح يجي وانا مطلقة اربع مرات وعندي عيال – خلاص شيالي الموضوع من بالج
ومسكينة لما تسمع كلامي تقعد تبكي بعد

ربي اذا ابتلاااااااا عــــــــبــــــدهـ ابتلاااااااااااااااااااااااااهـ صدقيني ربي بيشوف صبرك ..ودااااااائما كرري الحمدلله ..مو شرط انك معصيه ربي لكن يمتحنك ..
حتى اهل المعاصي يجاهرون بالمعصيه ويزيدهم ربي نعييييييييييييييييييييماااااا ليمتحنهم
وكرري الحمدلله ..
وكرري الحمدلله..
وكرري الحمدلله..
وعسى ربي يرزقك استقرااار وسعادهـ عضمى..وعيشه رضيه هنيه ..

والله يا ختي مو استعجال
المشكلة كل ما نسأل الناس عن الرجال يقولون ( خوش رجال وراعي دوانيات ومواجيب ونعم فية )
والله ان ابوي اخواني افتروا الدوانيات وراحو الدوام والجيران ( صج الناس ما تعطي خير )
كل كلامهم كذب حسبي الله ونعم الوكيل

وبعد الملكة سبحان الله تظهر الحقيقة يقولون ليش خذيتوه الرجال فيه عيوب

شكرا اختي الجوهره ماقصرتي

^^
منو انتي عشان تقررين يجي ولا مايجي تستبعدين شي على ربك؟؟؟
اشرايك انا اعرف وحده مطلقه 3 مرات وكلها دخول مو بعد بدون دخول ومن كل واحد جايبه 2 و1 واخر شي تزوجت مدير بنك لا ومدير اقليمي بعد ماشالله وشرالها بيت وعزها مع عيالها صح فيه بينهم فرق عمر بس سواله اللي 3 رجال ماسوووه واللي كانو يحبطونها هذا هم الحين يبوسون راسها عشان زوجها
صدقيني الدنيا ماتسوى بدون تفاؤل
انصحك تقرين كتب البرمجة العصبيه بتتغير نظررتك لامور كثير
طوري من نفسك شكل وشهاده ووظيفه
اهتمي بعيالك
فكري بمستقبلك
وين تبين تكونين بعد 5 سنين؟؟
واشتغلي على احلامك
الحين انتي بلحظه ضعف فااكثر ماتستسهلينه اليأس اخذي بريك وريحي اعصابك وفكري بايجابيه اكثر راح تلاقين اشيا كثيره بحياتك تستاهل تكونين سعيده عشانها
اتمنى كلامي مايكون بس كلام تمرين عليه واتمنى تنززلين لنا موضوع بعد فتره عن احوالك وتغييرات ايجابيه صارت لك
واهم شي قوي علاقتك بربك
والله يسعدك

نصصيحه البقره يوميا وسوره طه
اقري الرقيه الشرعيه يوميا
دهن الجسم بزيت ززيتون مقري
الاستغفاررررررررررررر طول الوقت
صدقه يوميه ولو ريال
صلاه الليل وخاصه الثلثث الاخير وابكي وتذللي الي الله
الحمد الله كرريها اكثر من مره
سبحان الله كرريها اكثر من مره
اسمعي محاضره عبد الكريم المشيقيح قدره الله عز وجل ابحثي عنها في قوقل
واهم شئ حسن الظن بالله والتفائل
وهذا البرنامج هو الي غير حياتي والحمد الله صرت احسن بفضل الله والرنامج هذا الي اتبعته

مشاء الله تبارك الرحمن الله يوفقها
ما عليه اختي سامحيني ادري ان غلطت باللي قلته
ولكن شسوي بداخلي نار والله نار تحرقني هم كبير في صدري
انا خلاص صارت عندي قناعة اني انسانه فاشلة في حياتي
واللي مأثر اكثر فيني اعيالي طلعو هالدنيا ( مساكين اشذنبهم معاي )
والله حاولت بكل الطرق اني انسى فشلي ولكن ما اقدر
تدرين اني انا ما اطلع من داري كلش الا وقت الاكل او لما اتفطر بعد صيامي
الله يعين بس ( ترى انا الحين اكتب لج ردي ودموعي تنزل من عيني )
الله يهون ما في صدري
يارب شيل همي

والله اقرا سورة البقرة
واستغفر باليوم اكثر من 1000 مرة
واتصدق واسمع محاضرات
والله يعيني اني احاول واجاهد اكثر بطاعتة
وانشاالله راح اسمع للمحاضرة

في بعد نقطة مهمة .. كلنا فينا عيوب بس تتصلح لو بغينا

جنة انتي من النوع اللي تاخذين راحتج بالكلام ورياييلج ما يستحملونج ..

أنا لاحظت " اسمج " يعني لو ريال تطلع منه هالكلمة يصير منفّر

شلون بنت يعني ؟؟؟

الله يرزقج ولد الحلال اللي يقدرج وتعيشي معاه باستقرارويرزقج بالذريه الصالحه
الصراحه بدون زعل وهذي وجهت نظري انج (عوبا)بس على حق يعني جيده
وغلطتج انتي واهلج انكم مااحسنتم الاختيار الثنين اللي تطلقتي منهم قبل الدخول كان بامكان اهلج يسئلو عنهم ويكشفو عيوبهم قبل الملكه
والرجل الثالث بعد المفروض ماوافقتي عليه لان اي رجل متزوج قليل ينجح زواجه الثاني خصوصا لاصار يحب زوجته الاولى ماراح يشوف الزوجه الجديده شي لو كانت ملكة الاخلاق والجمال

انا ما أنكر يا ختي ان فيني عيوب انا مو ملاك
وكل انسان في عيوب
وبالعكس انا انسانه متزنة واقعية واراعي شعور الشخص اللي قدامي

والاسم اللي كتبته في المنتدى ما يدل على شخصية الفرد هو مجرد اسم غير حقيقي
وبعد اللي صاري فعلا انا صرت مصرقعة
حياتي كلها مو متزنة طريقة كلامي مرة اضحك ومرة ابكي
النفسية عندي مو متزنة
قمت اشوف الدنيا ولا شي
وأتمنى الموت بسرعة لان خلاص مليت من الدنيا

الله يفرج همك يارب ومثل ربي مارزقك باالاربعة قادر انه يرزقك واحد غيرهم والله يعوضك يارب