بنات المختبرات الطبية المستجداات تعالو بوريكم شيي

شوفي انا طالبة ادرس مختبرات طبية ومتفوقه الحمدلله

وماشاء الله لا اله الا الله .. انا الثانيه على دفعتي

تخصص مختبرات حلو وجميل جدا ً .. لما تدرسين المواد

راح تحسين انج دكتوره ..تعرفين كل شي

والوظيفـه صدقيني واخذيها مني مضمونه اذا الله كتب لج

الدكاتره حيل زينيــــــن ..وماشاء الله عليهم

والله يعطيه العافيه رئيس قسم المختبرات .. د.عيسى المسري

دكتور عسل بمعنى الكلمه ..ويوقف معاج ضد ظروفج

المواد جدا ً ..سهله

ولكن بداية الكورس راح تلقين صعوبه شوي ..والجدول زحمه

لكن ياحبيبتي كل هذا علشان يأسسونج

بالنسبه ل المواد .. انا راح اسطرهم لج

مدخل الى المختبرات الطبية
الاجهزه المخبريه
كيمياء علوم صحية
واذا خلصتي كيمياء علوم صحية ..تدرسين مباشرة ً ..كيمياء صحية
مصطلحات طبيـه
انجليزي تمهيدي ..اذا عديتيه .. تاخذين انجليزي 101
بيولوجيـا << شدي حيلج بهالماده بالذاااااااااااات .. لانها تفتح لج مواد التخصص ..وترا سهله واجد وعليها وحده وحده فقط ..ودكتوره ندى العجمي هي اللي تعطي هالمقرر.. وهذي مواد التخصص:
علم الدم 1
علم الدم2
علم الطفيليات1
علم الطفيليات2
علم الميكروبيوجي الطبي1
علم الميكروبيولوجي الطبي2
علم الانسجه1
علم الانسجه2
كيمياء كلينكية 1
كيمياء كلينكية 2

اما باقي المواد..العامه الاجباريه
ثقافه اسلامية
ميكروبيولوجي عام
علم التشريح

واذا خلصتي ..بيكون لج تدريب ميداني ماينزل الا بالصيفـــــــــــــــــــ ــــي فقط

ونصيحه مني لج .. المختبرات افضل بكثيييييير من الصيدله

لأن انا شديت حيلي ورفعت معدلي فحولت صيدله بس كنسلت .. ورديت ل تخصصي

تخصص ممتع وله جو خفيف ..بعكس الصيدله .. وظيفه مو مضمونه الا ل الواسطاااااااااات
وشغلتج بس مقابله الدريشه وتوزعين بالادوية .. وقاعده ف مكانج
وحلاتها الصيدله كلية الطب وبكالورويوس مو دبلوم ابو سنتين
ومن سوء الحظ ..ترى دكاتره الصيدله حييييل متشددين ..وبعضهم فيه حقاره ..مايفتح لج الشعب لو تتخرجين قاعده قاعده
وللعلم ايضا ً .. ترى المعاش نفس الششششششي

رفيجااتي بالدفعه اللي قبلي ..تخرجوا ..وماشاء الله
لما اروح ل الميداني التدريبي.. اشوف رفيجاتي وماشاء الله معاشهم 750 دينار

وش اكثر من جذي بعد ؟؟

وللمعلوميه ..تقدرين تكملين دراستج في جامعه خاصه ع حسابج .. جامعة الشرق الاوسط الامريكية

وان شديتي حيلج اكثر .. وجبتي معدل 3.5 واكثر

تقدرين تحولين لجامعه الكويت .. طب مساااااعد ..تدرسين مختبرااااااااااااات طبيــه بكالورويووس..وشهادتج تصير اقوى ومعاش اقوى ومكانه اكبر

وانتي ع راحتج .. ^_^

بس اقولج الصج ..شدي حيلج ترى الدراسه يبيلها ..فهـــــــــم مو حفــظ

بعكس الصيدله اللي عندنا .. بس شغالين حفظ بهالاوراااااااق ومن غير فلاحه مع احترامااااااااتي ل البعض

مالج الا المختبـــــــــــــــــــ ـــــــــــــــــــــــــ ـــراااااااااات….