|
|
السلام عليكم
بنات الله يعافيكم
انا بجر واراجع عند ليلى اشكناني اليوم ياني خبر انها بتسافر
وخدي تأزمت
انا على وشك ولاده مفتوحه 2 ونص وقالت لي ليلى ماني مستعيله عليج
الحين اهي بتسافر
وفكرت بدلال السالم اسمع عليها محد وعلى خياطها
اللي مجربه ولادتها وخياطها تفيدني
ومشكورين مقدما
انا راجعت عندها مرة وحدة على مدح بنات اهلنا و رفيجتي
و اهي بعد رفيجة عمتي
بس بصراحة مارتحت لها
حسيتها مرة كبيرة مادري مارتحت انها تولدتي و لا ارتحت حقها شخصياً معنها كانت محترمة و زينة بس جذي احساس و كنت مصلية استخارة
و سبحان الله اللي بنات من اهلي اللي كانو يولدون عندها راحو عند غيرها
و ثنتين من اهلي عندهم تجارب مو زينة معاها بالولادة
بس مع ذلك وااايد ناس يمدحونها و يمدحون اخلاقها و هدوئها وقت الولادة
انتي استخيري قبل كل شي
و الدكاترة كلهم دارسين و فاهمين شغلهم
و اذا تبين خلي الدكتورة ليلى حول ملفج على الدكتورة البديلة مالتها
كل الدكاترة عندهم احد بديل حق وقت سفرهم
والله قمت احاتي انا حيل مرتاحه على ليلى
احس اني ضعت مادري وين اروح
ليلى تحول عند ناهده العلي والله محتاره
وراجعت عند وحده ثانيه قالت حملج متاخر ! وفعلا طلع حمل متاخر
انا صراحه مارتحت لها كلللش
و الاخير راحت لدلال السالم عبونه اخف من ناهده من الزحمه بس تخيلي
شسوت فيها دلال نازله عندها المشيمه و لا تدري ؟
ووقت الولاده البنت بغت تموت بسبتها المشيمه كانت نازله و طلعت قبل البيبي قاعده تتفتت و البنت انزفت و اغما عليها
و البيبي بقا يموت الله يحفظكم يارب
و ولدت ققيصريه مع ان عيالها القبل طبيعي
مو قصدي اخرعج بس الساكت عن الحق شيطان اخرس
حدكم خرعتوني شسوي الحين
اروح عند منو
يارب ما اولد الا عقب اخر موعد ولاده تكون راده
والله من دريت وانا حدي متضايقه استغفر الله
ادعولي الله يسخر لي دكتوره زينه
شوفي اذا تبين دكتورة كويتية يمدحون ماجدة كميخ عيادتها في برج مزايا
اللي اعرفهم كانو عند دلال السالم راحو عندها
او خليج على دكتورة زينة من المستشفى اللي تبين تولدين فيه
رحت حق ماجده كميخ اول حملي
سبحان الله ما ارتحت لها مادري ليش
ناهده واتوهق عشان جذي مخليه ليلى سبير شسوي
منو قالج انها بتسافر متاكده!؟ عندي موعد عالاسبوع الياي عندها
ومتى ترجع!؟
انا سمعت من وحده اعرفها ان الدكتوره بتسافر
لما دقيت عالسكرتيره
قالت ان الدكتوره قايله لها عندها دوره لمده ١٠ ايام بس ما تدري اذا بالكويت
والا برا
تقول لي الحين مو مبين