بنات الله يخليكم التسجيل ما بقى عليه شي وانا حدي متوهقه

انا بصرااحه متوهقه حدي ومن زماان وانا اعرف هالمنتدى بس الحمدالله توني الحين سجلت
فابي مساعدتكم اذا ممكن
انا في البدايه كنت ابي ادخل كليه الطب بس من القدرات ما قدرت ونسبتي طلعت مع القدرات 85.56% يعني الامل بالدخول تقريبا 10%
والحين سمعت ان اذا دخلت طب مساعد وجبت فيه معدلات زينه اقدر احول للطب
وخفت اني ادخل وما اجيب معدل مرتفع واطيح بكليه الطب المساعد
فالحين انا محتااره بين الطب المساعد (يعني اذا قعدت فيه بدخل تخصص طب نووي (ويقولون انه زين ما ادري والله ))وبين الهندسه لاني اذا دخلت هندسه بدخل مدنيه
فانا الحين محتااره ما ادري ووين اروح
اذا دخلت هندسه مالي امل احول الا مره وحده ونفس الشي بالطب المساعد بس المساعد في امل اني احول طب اما اذا حولت من الهندسه فمالي مكان ثاني ارووح له لان ما عجبني شي

اووه صج نسيت هل من الممكن التحويل من طب مساعد الى هندسه؟؟

او ممكن بعد بلييز يعني تقولون لي ايجابيات وسلبيات(حلوه هذي ) كل كليه
يعني شلون الدراسه وشلون الدكاتره وكم سنه وبعد التخرج ان شاء الله شنو يكون مسماي اذا تخرجت من اي وحده فيهم وكم معاشات كل وحده ووين مجالات العمل
ادري ثقلت عليكم واسألتي ما تخلص بس تدرون بعد هذا مستقبل وانا حدي خايفه

اتمنى انكم فهمتوني
ياريت تنوروني للي عنده خبره بليييز
ابي الدراسه في كلتا الكليتين و الوظيفه بالمستقبل والمعاش
والكليه ككل

بانتظااركم
بلييز حدي متوهقه وتسجيلي ما بقى عليه شي