|
|
السلام عليكم ورحمه الله وبركاته
بنات انا توظفت و حطوني بمستشفى ومخيريني بين قسمين
الاجازات والدوام و قسم المحاسبه الي بالمستشفى
اي قسم تنصحوني اختاره
وابي قسم المحاسبه شنو طبيعه شغلهم
الله يسعدكم جاوبوني ولا اطنشون والله حيللللل محتارره
وشوفي وين المراجعين عليه وايد تركيه
لان يختلف من مستشفى لي مستشفى
مشكووره حبيبتي على الرد
انا شفت الاجازات شغلهم كثير ورحت للمحاسبه بس ما مداني اقيم شغلهم او بالاصح ماعرفت اقيم شغلهم
انزين شنو شغل المحاسبه بالمستشفى ؟؟؟ يعني الرواتب والسوالف هذي عندهم ولا لا
نصيحه مني انا كنت بالاحازات والله كرفت كرف حتى ريوق ماكو وقت اتريق
واخط لقمه بحلجي وفوق هاذا اذا زاد الشغل اخذ معاي للبيت اتقولين مدرسه مو اداريه
لاعت جبدي من الكرف روحي محاسبه ابرك انا كنت اشوف المحاسبه ماكو شغل اللهم يحسبون
ويكتبون شغلات بس عيب المحاسبه تحتكين مع مراجعين وريحتهم ارف بس يهون ولا شغل الاجازات
مرضيات اتسوين كتب ادخلينهم بالكمبيوتر وتسوين اجازات وامومه وشغل ولويه يبوووووي الحين نقلت وافتكيت
من مسوولتي القسم بكبره وفوق هالكرف حطولي ضعيف حسبي الله عليهم
مشكوووووووره بعد عمري ماتدرين شكثر كنت محتاره احس انج نورتيني الله ينور حياتج دنيه واخره
والله يوفقج بدوامج ويريحج قولي امين قاعد ادعيلج وانا صايمه يارب يستجيب لي <<<< قلبت عجوز على هاالدعاوي لووول بس تستاهلين
حاولي تكلمين مدير التوظيف يحطج بمستوصف
راحه وناسه ومامن كرف
انا جامعيه احس حرام اروح لمستوصف كرفت بالجامعه ٤ سنين واخرتها بمستوصف