بنات الشيمه شو بتسوون في هالموقف

بنات وحده من ربيعاتي تبغي منكم اتساعدونها في موضوع الا وهو.. حلوه هاي الا وهو..

المهم انها مخطوبه وتستحي تقوله كلام حلو مع انها تكون مجهزه الكلام بس يوم يتصل فيها ينسرط لسانها

وتستحي..

وحتى يوم يكون متضايق ما تعرف كيف تواسيه..تكون ساكته وهو طبعا ساكت ليما يسكرون..

وانا عاد قلت ما شي الا الكويتيات الحبوبات يعطوني الحل عشان اساعدها..

يلا شدو الهمه وعطوني الحل المناسب

انزين ردو عليه لو بحرف..اشو جذيــــــــــــه.. ما هقيتها منكم

صدق زعلتوني

شلون مخطوبة وبتكلمه يعني وضحي السالفة مو فاهمة شي؟

حبيبتي عادي البنت طبيعي تستحي أول الوقت والمفروض اهوا اللي يبدي بالكلام الحلو عشان يشجعها مو العكس
والريياييل تخافين تكونين طبيعيه معاهم يقولون جريئة جنه الجرأة عيب مو ميزة
وبعدين خل تكلمه بالكلام العادي تواسيه مو شرط كلام حلو مع الوقت بتتعود عليه وبيطلع الكلام الحلو بروحه

مشكوره عالرد يالغاليه

بالعكس جذى احسن لاتاخذ راحتها عيالنا ماينعطون ويه عسالبنت قالت كلمه حلوه قالوا وين تعلمتها اكيد تعرف شباب ..

انا من راي انها تقوله انها تستحين اشوي لانها ما عندها تجارب من قبل ولا تعرف اشلون تكلم ريال غريب وتحاول تلطف الجو معاه يعني مو تصير خفيفه ولا تصير ثقيله علشان الريال لا ينبذها
يعني تطرشله مسجات حب واشعار ومن هالسوالف
وانشالله بعد الزواج ما راح تستحي كلش منه