|
|
السلام عليكم*
بنات حبايبي ابيكم تردون علي بـ اسررررع وقتتتت ممكن لان التحويل للحقوق مو باجي عليه الا جم يوم ،، و لازم اقرر*
اول شي انا شااطرة و دريسه نوعا ما 
و نسبتي بالثانوية كانت تدخلني الحقوق من البداية و انا مغمضه بعد*
بس سبحان الله كنت مابيها ابي كلية ثانيه*
و بهالكلية الثانيه انصدمت ،، الدكاترة "…" >> ماني قايلتها لوول*
يعني حدهم مو شي و من الجنسية المصرية اللي حيل يدققووون *و يعقدون المواضيع
مع احترامي لكل المصررين طبعا بس دكاترة كليتي مووو شي *
المهم اني ما توفقت فيها و بعدها اهلي و رفيجاتي حطوا براسي حقوق*
و انا بصراحه دشت بمخي الحقوق و حبيتها من كل النواحي : الدراسه ، جو الجامعه بعد معروفه الشويخ اكشخ الكليات خخ ، الوظيفه … إلخ
و بالصيفي اخذت مادة حقوق انسان و طلعت بـ a *و حدي حبيت جو موادكم*
مع ان ادري هالماده ما تتقارن بمواد الحقوق الدسمه
المهم*
انا الحين الحمدلله مجتازه شروط التحويل كلها (عدد الوحدات + المعدل )*
بس ناقص اني اقدم الطلب*
بس و الله حدددددي محتاره*
لـ سببين :
اولا : موادكم حيييل حفظ و بكميات كبيره وانا متعوده ع العلمي لان تخصصي علوم بالاساس
ثانيا : نظام التكميلي اللي عندكم*
لان الكل يقولي الحقوق بينحشون الطلبه من الكلية*
فـ بليز بنات الحقوق فقطططط يجاوبون علا اسألتي*
بنات بليز ابي الاجابات بالتفصيل الممل*
اول سؤال :
عمرج انظلمتي بدرجاتج ؟*
و صج ان الكلية تخفس بدرجات الطلبة عشان ينحاشون ؟*
ثاني سؤال :
كميات المدتيرم تقريبا جم صفحه ؟*
كميات الفاينل جم صفحه تقريبا ؟
و احس الحقوق تعتمد علا الفهم بعد*
صح و الا لا ؟*
لان بحقوق انسان ماكنت احفظ وايد ،، الدكتور فهمنا كل شي و احس صارت مادة فهم مو حفظ
ثالث سؤال :
جم سنه يحقلي اسقط و بعدها انطرد من الكلية*
>> لا تقولون بعيد الشر لووول بس لازم يكون عندي خلفيه عن هالموضوع*
و اعيد السنه حتى لو بس على ماده وحده ؟؟؟؟؟
رابع سؤال :
دكاترتكم زينيين و الا ؟*
بشكل عام اتكلم
خامس سؤال :
كل كورس امتحن بالكتاب و اقطه*
و الا يستمر معاي سنه كامله ؟*
و في فاينل كل كورس و الا*
بس اخر السنه فاينل ؟
ناطرتكم حبايبي بليززز *
اهلن اهلن جيت بوقتي انا محولة للحقوق
والحين بسنه ثالثه والحمدالله اموري تيسرت وانا كنت علمي بالثانوية
خلي الاسئله اللي قلتيها كلها على صوب
بسألج جم سؤال وجاوبي
انتي تحبين كلية الحقوق ؟
أنتي فيج صبر والا متسرعة ؟
تحبين الدراسه والا الهياته والوناسه والضحك ؟
>> خخخخ
انتي نفس وضعي بالضبببط
بجاوب علا اسالتج :
تحبين الحقوق ؟
و الله قتلج حبيت مواد الحقوق و شرح الدكاترة
حسيت شغلات تلامس الواقع
و الامثلة اللي يقولونها الدكاترة بالمحاضره نواجهها كل يوم
حسيت الدراسه حلوه
مو نفس العلمي فيزيا كيميا ويييييع
-فيج صبر و الا متسرعه ؟
اممم و الله ماعرف اجاوب
بس وسط لا هذا و لا هذا
يعني بالسيفتي خخخ
-تحبين الدراسه و الا الضحك و الوناسه ؟
و الله الاثنين
بس عندي وقت الجد جد
يعني وقت الدراسه اشددد حيييلي
الدراسه حلوووووووة بالحقووووق
واسمعي نصايحي
)) ترى والله اللي بالدفع اللي تحتي اقولهم اسمعي نصيحتي وتسمعها وتفلح ——–<<< حدي ماخذه مقلب بنفسي لووووولتحلطم البنات اهوا سبب الدماااااااااار مابي اقوووول جذابين بس بقووووول كسلاااانين ومايسووون شي ودراسه اي شي ويقولون ظلمونا الدكاااااتر كل وحده تشتكي واهيا مابذلت الاسباب
انا لوحة شرفيه وساحبه على تحلطم البنات وادرس قبلها بفتره وج مادة كنت ادرسها يومي
وبجاوب على اسئلج بالردوود الجاااايه
عمرج انظلمتي بدرجاتج ؟*
و صج ان الكلية تخفس بدرجات الطلبة عشان ينحاشون ؟*
لا عمري ماانظلمت ومافي ظلم .. لا الكلية ماتخفس بالدرجات وشكو ينحشوووون بس الطلية والطالبات عقولهم مقفلة مايدرسون ويقولون انظلمنا وااااااي درسوا اول بعدين تحلطموا
ثاني سؤال :
كميات المدتيرم تقريبا جم صفحه ؟*
كميات الفاينل جم صفحه تقريبا ؟
وااااااايد كمياااتناااا بس حلوة والله حلوووة اهوا حسب فهمج للدرس لوفاهمه تعدين امية صفحه بسرعه لاتهمج هالسوالف
وترى عادي ندرس كتابين وكل كتاب شوفي جم صفحه بس عادي والله موتازيم نفسي
ثالث سؤال :
جم سنه يحقلي اسقط و بعدها انطرد من الكلية
اول شي بعيد الشر عنج
وثاني شي الجامعة لج حق 9 سنوات مادري سبع بعدين طرد مو بس كليتنا
رابع سؤال :
دكاترتكم زينيين و الا ؟*
بشكل عام اتكلم
العموووم زين جم واحد حقاني يعطيج حقج بسالكثيير يعطووونج فوق حقج وقله ينعدون اللي يظلمون
خامس سؤال :
كل كورس امتحن بالكتاب و اقطه*
و الا يستمر معاي سنه كامله ؟*
و في فاينل كل كورس و الا*
بس اخر السنه فاينل ؟
لا الكتاب معاج ومو كل المواد كتابين بعضهم كتاب واحد تدرسين الكتاب مرتين مره بالميدتيرم وبالفاينل بعد
والفاينل مره وحده شهر خمسه بكل شي درستيه من شهر 10 مع الحذوف طبعا من بعض الدكاتره يعطيهم الف عافيه
عمرج انظلمتي بدرجاتج ؟*
و صج ان الكلية تخفس بدرجات الطلبة عشان ينحاشون ؟*
شوفي حبيبتي انا جد انظلمت فيها من دكتور او من دكتوريين بس في دكاتره جد خوووش دكاتره ….
وبكل كليه بتلقين الدكتور الزين والشين …..
انتي بس ضبطي جدولج وتوكلي على الله ….
ثاني سؤال :
كميات المدتيرم تقريبا جم صفحه ؟*
كميات الفاينل جم صفحه تقريبا ؟
اممممم شوفي حبيبتي الكميه بتكون نوعا ما كبيره ….
يعني ممكن تكون احيانا 200 صفحه بس لا يهمج كل على الفهم …..
والفاينل بيكون كل الي درستيه طول السنه ممكن يكون كتابيين …..
وحبيبتي لا تحاتين قبل الفاينل بتكون في عطله وبعدين تبلش الامتحانات….
و احس الحقوق تعتمد علا الفهم بعد*
صح و الا لا ؟*
لان بحقوق انسان ماكنت احفظ وايد ،، الدكتور فهمنا كل شي و احس صارت مادة فهم مو حفظ
اي حبيبتي اذا اعتمدتي على الحفط بتتوهقين لان الامتحانات بتكون عباره عن قضايا واذا بتحفظسن كل الكتاب ما راح يمديج تخلصين الكميه
ثالث سؤال :
جم سنه يحقلي اسقط و بعدها انطرد من الكلية*
>> لا تقولون بعيد الشر لووول بس لازم يكون عندي خلفيه عن هالموضوع*
الي اعرفه انج بحق لج تقعيدن بالكليه بس 9 سنين ….
و اعيد السنه حتى لو بس على ماده وحده ؟؟؟؟؟
لا اذا سقطتي بماده او مادتين تشيلينهم معاج الشنه الثانيه بس اذا سقطي 3 مواد تعيدين السنه …
رابع سؤال :
دكاترتكم زينيين و الا ؟*
بشكل عام اتكلم
قله الدكاتره الي مو زيينين …….
خامس سؤال :
كل كورس امتحن بالكتاب و اقطه*
و الا يستمر معاي سنه كامله ؟؟؟
لا يستمر معاج سنه كامله واخر السنه تمتحنين كل الي طاف كورس اول وكورس ثاني مثل الثانويه العامه …
و في فاينل كل كورس و الا*
بس اخر السنه فاينل ؟
بس اخر السنه فاينل
بس بنات 
بصفحة تجمعكم اهني بالمنتدا خوفتوني
الكل يشتكي من الفاااينل و تصليح الدكاترة و مزاجيتهم
يعني مالي خلق بصراحه اضيع سنوات من عمري
كافي هالسنه اللي ضاعت *
و عندي سؤال بعد
قاعة بحث شنو هذي ؟
يعني الزامية و الا اختياري ؟
و شنو نسوي فيها بالضبببط
تم مساواة خريجين الحقوق بخريجين كلية الشريعه في الرواتب و المسميات الوظيفيه > يعني خريجة الشريعه حالها من حال خريجه الحقوق حتى محاميه تقدر تسير
الحقوق ما تصلح للبنيه
نصيحه اذا كانت كليتج العلوم حولي هندسه او أداريه او ثبتي عليها
اول سؤال :
عمرج انظلمتي بدرجاتج ؟*
و صج ان الكلية تخفس بدرجات الطلبة عشان ينحاشون ؟*
الظلم موجود بكلليتنا بشكل كبير وخصوصا بوقت الفاينل تنصدمين بالدرجات .. وحجتهم ان اعداد الطلبة بازدياد ( واحنا شذنبنا ؟؟ ) ، بس ارجع واقولج الزين يفرض نفسه ، بس هم اقولج شي يقهر لما تحسين انج خذيتي اقل من حقج حتى لو كان الللي خذيتيه A واحسن من غيرج بس انتي تستاهلين اكثر وهالشي للأسف وااايد موجود بالكلية
ثاني سؤال :
كميات المدتيرم تقريبا جم صفحه ؟*
كميات الفاينل جم صفحه تقريبا ؟
و احس الحقوق تعتمد علا الفهم بعد*
صح و الا لا ؟*
لان بحقوق انسان ماكنت احفظ وايد ،، الدكتور فهمنا كل شي و احس صارت مادة فهم مو حفظ
بالنسبة للمدتيرم يختلف سنة عن سنه ومادة عن مادة ، عموما بسنة اولى ما يتعدى ال150 صفحة كحد اقصى اما السنوات اللي بعد عادي تزيد الكمية لي 200 و250 صفحه .. ويعتمد عالمادة المادة الدسمة وااايد مثل اداري وجزاء والتزامات واصول كمياتها وااايد اما في مواد لا كمياتها معقووله وتعتمد عالنوت او الفهم اكثر من الكتاب … بالنسبة لحقوق انسان تعتبر اسهل مادة بالحقوق من وجهة نظري .. وخصوصا اللي لغير الحقوقيين فلا مجال لمقارنتها بمواد الحقوق الدسمة ،، بس بشكل عام الدراسة بالحقوق تعتمد على خلطة من عناصر 3 حفظ + فهم + حضور وتركيز مع الدكتوور << هالشي وااااااااااايد مهم وضرووري
ثالث سؤال :
جم سنه يحقلي اسقط و بعدها انطرد من الكلية*
>> لا تقولون بعيد الشر لووول بس لازم يكون عندي خلفيه عن هالموضوع*
و اعيد السنه حتى لو بس على ماده وحده ؟؟؟؟؟
شوفي حبوبة ما في شي اسمه تعيدين السنة على مادة ، النظام بالحقوق ماشي عالمعدل .. يعني من شروط الكلية ما تنتقلين من سنة ثانية لي سنة ثالثة اذا كان معدلج تحت ال70 ،، يعني لو خلصتي سنة ثانية ومعدلج تحت ال70 لازم تقعدين سنة تعيدين المواد اللي خذيتي فيهم D او تختارين مواد اختياري ،، على حسب النسبة اللي تحتاجينها لرفع المعدل .. وانتي وكيفج عاد جم ماده تبين .. واذا سقطي بمادة وخذيتي F تعيدينها برووحها وتشيلينها معاج للسنة اليايه ما تعيديني السنة .. وتنحسبلج درجتج اليديدة كااملة من 100 ،كأنج ما سقطي فيها ، اما اذا خذيتي من 45 جنه لي 59 اهني تدشين الامتحان التكميلي اذا نجحتي فيه خلاص تنحطلج درجته واذا سقطي فيه تعيدين المادة .. اما لو كنتي ماخذه بالمادة D وحابه تغيرينها لي C تقدرين تدشين الامتحان التكميلي بس حتى لو خذيتي 100 % ما لج الا 79 .
والحد الاقصى انج تقعدين بالفرقة الوحده سنتين (( يعني اولى مثلا تقعدين فيها سنتين كحد اقصى ))
رابع سؤال :
دكاترتكم زينيين و الا ؟*
بشكل عام اتكلم
بالنسبة للدكاترة ، شوفي بكل مكان في الزين وفي الشين ، وهم يعتمد على الطالب او الطالبة نفسهم .. ومثل ما يقولون الزين يفرض نفسه سواء عند دكتور زين والا شين ،، بس عموما الدكاترة عندنا دقيقين وااايد عالحرف .. خصوصا بالفاينل بس هذا ما يمنع ان في دكاترة عندنا ينحطوون عالجرح يبرى واذا سجلتي حقوق ان شالله راسليني عالخاص وافيدج اكثر
خامس سؤال :
كل كورس امتحن بالكتاب و اقطه*
و الا يستمر معاي سنه كامله ؟*
و في فاينل كل كورس و الا*
بس اخر السنه فاينل ؟
الفاينل بس آخر السنة لان احنا نظام سنوات ، يعني الكورس الاول مافي فاينل بس الكورس الثاني فاينل باللي درستيه بالكورس الاول + الثاني ، وبالنسبة للكتب لا تستمر معاج طوول السنة ،، وانا افضل انج تخشينها لانج راح تحتاجينها بعد ما تتخرجين في مجال وظيفتج
اتمنى اكوون افدتج واي استفسار انا احاااضرة 
|
المشاركة الأصلية كتبت بواسطة رمز الترف
 واااااي مشكووورين حبايبي بنات الله يعطيكم العااافيه ماااا قصرتوااا
بس بنات بصفحة تجمعكم اهني بالمنتدا خوفتوني الكل يشتكي من الفاااينل و تصليح الدكاترة و مزاجيتهم يعني مالي خلق بصراحه اضيع سنوات من عمري و عندي سؤال بعد قاعة بحث شنو هذي ؟ |
بالنسبة للخووف لا تخافين .. انا اقولج في ظلم بس مو معناته ما في a و b ولوحة شرف ، بالعكس بس ساعات تاخذين مثلا 97 وانتي تستاهلين 100 .. او تاخذين 90 وانتي تستاهلين 95 جذي … << بالنسبة لطلبة الامتياز
وفي وااايد بنات وشباب ما شاء الله ياخذوون الامتياز والجيد جدا وانا منهم ولله الحمد .gif "Eh S(22)")
فلا تخافين كلللللش الموضوع كله يعتمد عليج انتي تدرسين اول باول + تثبتين وجودج بالمحاضرة وتخلين الدكتور يعرفج من اجاباتج وتفاعلج معاه بالكلاس + وقت الدراسة تدرسين من الكتاب والنوت وفهم وحفظ ..
بالنسبة لقاعة بحث هذي مادة اساسية بس من وحدتين ، وجداا سهله ما تحسين بوجودها ، مرة بالاسبوع والكورس الاول بس تكون باللاب اساسيات الحاسوب اللي الكل يعرفها وورد وبور بوينت وهالسوالف ، والكورس الثاني تقدمين بحث مع قروب من البنات حق الدكتور .. تاخذين الa .gif "Eh S(9)")
وبالنسبه لباجي اسئلتج
قاعه بحث الزااميه .. مافيها شي خواااره
بس تسوين بحث وانتهينا .. ممكن بسنه 1 يعطيج الدكتور امتحان >> طبعا على حسب الدكتور
بسنه 2 بحث + لاب
بسنه 3 بس بحث
وسهالااااااااااات مافيها شي بس اخذي عند دكتور كريم ومتساااهل مو ناقصه لووعه جبد بقاعه بحث هههههههه
موووفقه
^^^
الحوريه الصغيره
عفواااا اختي بس ممكن توضحين شلون الحقوق ماتصلح للبنيه !!!
@@
انا خريجه حقوق وموفاهمه قصدددددددج !!!!!!!!!
هالكلااام موصحيييييييييييييييييييييييح كللللللللللللللللللللش
الا للبنات الي اهلهم متشدددين حييييل ومانعينهم هذا كلام 2 طبعا
واتوووقع الي درررس بالكليه وتخرررج منهاا اخبر اذا تصلح او لااااا
وكليتنا حالها حال اي كليه وكافي ان اسمنا حقوووقييييين
وكافي ان الحقوق من الكليات النخببببببببه بعد الطب والهندسه
مع احترامي لباجي الكليات
اي ونسيت من متى صار في مسااواه تامه بين الحقوق والشريعه معلومه يديده
ممكن تنورينا عنها لان ماعندي خبرررر
ومن زماااااااان الشريعه يصيرون محامين ويدشون نيابه
بس كمثال بسيط عمررري ماسمعت خريج شريعه صار محقق !!
بلييز فيدينا بهالموضوع
والحمد لله أهلي متحررين لو شنو أدرس عادي بس هذا الواقع طبيعه شغل الحقوق في كذا تخصص ما تصلح للبنيه مثال التحقيقات و الأدله الجنائيه
رواتب خريجي الحقوق والشريعة: 3150 ديناراً للمستشار و2450 للمساعد أول و1300 للباحث القانوني
ارسال | حفظ | طباعة | تصغير الخط | الخط الرئيسي | تكبير الخط
قدم مجلس الخدمة المدنية مقترحاً الى مجلس الوزراء بشأن وظائف ومكافآت الموظفين الكويتيين حملة المؤهل الجامعي تخصص حقوق او شريعة وقانون في الجهات الحكومية، بحيث يمنح شاغلو الوظائف القيادية من هؤلاء الموظفين مكافأة ترقي وظيفي قدرها 600 دينار، ومنح مدير الادارة 400 دينار، والمراقب 200 دينار، ورئيس القسم 150 ديناراً.
ووفقا لهذا المقترح يصل اجمالي راتب المستوى الوظيفي الاول (مستشار قانوني) 3150 دينار، ومساعد اول مستشار 2450 دينارا، ومساعد ثاني مستشار 1900 دينار، والباحث اول القانوني 1300 دينار، والباحث القانوني ألف دينار، والباحث القانوني المبتدئ 900 دينار.
وتكون المقترح من 6 مواد جاءت كما يلي:
مادة أولى: يمنح ويعين الموظفون الكويتيون حملة المؤهل الجامعي تخصص حقوق او شريعة او قانون المعينون على درجات مجموعة الوظائف العامة بجدول المرتبات العام العاملون في مجال التخصص الشاغلون للوظائف القانونية التخصصية وفقا للجدول المرفق بهذا القرار.
مادة ثانية: يمنح الموظفون الكويتيون حملة المؤهل الجامعي تخصص حقوق او شريعة او قانون شاغلو الوظائف القيادية مكافأة ترقي وظيفي وقدرها (600 د. ك) كما يمنح شاغلو الوظائف الاشرافية من حملة المؤهل الجامعي تخصص حقوق او شريعة او قانون بوظيفة مدير ادارة مكافأة ترقي وظيفي (400 د. ك) ويمنح شاغلو وظيفة مراقب مكافأة ترقي وظيفي (200 د. ك) ويمنح شاغلو وظيفة رئيس قسم مكافأة ترقي وظيفي (150 د. ك)
مادة ثالثة: يمنح الموظفون الكويتيون حملة الماجستير تخصص حقوق او شريعة او قانون مكافأة قدرها (200 د. ك) كما يمنح الموظفون الكويتيون حملة الدكتوراه تخصص حقوق او شريعة او قانون مكافأة قدرها (400 د. ك).
مادة رابعة: يتم رفع المستوى الوظيفي لشاغلي الوظائف القانونية التخصصية من حملة المؤهل الجامعي تخصص حقوق او شريعة او قانون الى المستوى الاعلى عند اكتمال الفترة اللازمة للرفع المستوى دون توحيد موعد محدد للرفع المستوى الوظيفي.
مادة خامسة: يجوز الجمع بين البدلات المقررة بموجب قرارات مجلس الخدمة المدنية والبدلات الصادرة من الجهات الحكومية ومؤسساتها.
مادة سادسة: إلغاء ما جاء بقرار مجلس الخدمة المدنية رقم (11/2005) بشأن وظائف ومكافآت الموظفين الكويتيين حملة المؤهل الجامعي تخصص حقوق او شريعة او قانون في الجهات الحكومية.
و على فكره عمي مدير عاام بالتأمينات يعني له خبره بكل التخصصات إلي يحتاجها السوق قال الحقوق بده مستقبله يضعف مو نفس أول و الدليل صارت الوظايف بذات السنعه لخريج الحقوق صعبه صعبه طالب كان متفوق عندكم متخرج تقريبا من 2024 توه شهر 4 يتوظف و كان مقدم من أول ما تخرج مستعده أقولج اسمه بالخاص و همن عنده أخت متخرجه من الحقوق
الله يعطيكم العافيه
و بالنسبة لتساوي الشريعة بالحقوق
انا ماهمتني الوظيفة
همني المسمى كافي اسمي حقوقية
ثانيا بالنسبة ان طلبة الحقوق مايلقون وظايف
فـ حتى طلبة الهندسة يقعدون سنة سنتين بالبيت ينطرون الوظيفة
لان العيب منهم ما يوظفون بسرعه مو ان التخصص مو مطلوب
و ثااانكس حبيباتي وحده وحده
و ناطره (( ردووود بااااجي البنات بالنسبة لظلم التصحيح ))
انا اختي خريجة حقوق بس من جم سنة
و لما سألتها عن التصليح قالت اي حييييل ظلموني
مع انها متفوقة بكل السنين بس تقول حيل يظلمون
و الله بنات هذا اللي خايفه منه
يعني الكل تقريبا اجمع على هالسالفه
و انا صج جربتها لما اخذت عندكم مادة حقوق انسان
عند دكتور بالحقوق
صج اني خذيت 91٪ وحطلي اخر شي a
بس و الله كان ظالمني حييييل بالتصليح
يعني كنت كاتبة كل كل كل شي و ينقص علا شنو مادري
و الله للحين بجبدي هالـ 9 درجات لوووول
شي يقهر بصراحه
اخاف احول عندكم و يصير فيني بعد جذي و اطق و اموت لوووول
يلا حبايبي ناطره تجاربكم باسرع وقت بليز لان التحويل الاحد *
وييييييييييييي جان بخت معااااش الباحث القانوني المبتدئ 900 هههههههههههههه
والله رووحي شوفي الواقع تلقين 800 وشوي باغلب الاماكن
والي كتبتيه ذكرتي اول شي انه مقتتتررررح يعني مجرد اقترااح لم يتم اقراره !!
ومادري اذا اقروه او لا او اجري عليه تعديلات !! اكيد انتي عندج خبر انا مافي معلوم
وامممم انا ماقول اهلج انتي الي متشددين اقول في بنات
وعل وظيفه لا تقوولين ماتصلح في وااااااااااااااايد بنات يحبوون هالشغل ويتقبلووونه حبيبتي
اذا انتي طبيعتج ماتحبين جذي ترى في غيييرج وااايد يحبون طبيعه الشغل في التحقيقات والادله
انا خريجه حقوق ورفيجاتي بالتحقيقات وباجر بيشتغلوون بمخاااافر بس اهما راااضين
وغير البنات الي اعرفهم اوريدي يشتغلوون بمخاااااااافر وعندهم الوضع طبيعي وهذي مهنه
انا ماتقبل هالشي وانتي ماتتقبلين بس غيرنا يحب ويتقبل ويرضى
ولما كنت بالميداني اشووف المحققات والي درجاتهم اعلى واعلى واعلى يحبوون شغلهم
وفي منهم يقولون في البدايه ماكنا متقبلين بعض الامور والحين عاادي الوضع وفوق الطبيعي
ومابي اقول المثال الي قالت لنا اياه المحققه اخاف تلووع جبودكم ههههههههه
وحبيبتي ستوووب كبيييير بالنسبه للوظااايف !!
انا اعرف بنات متخرجين من من 2024 وبس لااااااااااااااااااااااا 2024 بعد
ولما الحين قاعدين !!! وطبعا اهما الي مايبوون يتوظفووون وقاعدين يدوروون وينطرووون
الوظيفه ماتيي حق الواحد الواحد يسعى ويدوووورهاااااااااا
انا صارلي سنه متخرجه وماتووظفت بس العيب مو في تخصصي !! لاااا انا مابي اتوظف حاليا
واعرف واااااااااااااايد بنات مو متوظفين سواء دفعتي او 2024 او 2024
بس التخصص مطلوووووووووووووووووووووووب وبكل مكاااااان
واقل شي اقل شي الي يبي الوظيفه يقدم على ديوان الخدمه واتحدااااااااااااااااااج اذا ماطلع اسمه
من اول ماتنزل الاسامي بالجريده على طووووول بدون نطرررره مثل باجي التخصصات
وازيييدج من الشعر بيت اذا رحتي رفضتي ترشييييحج يطلع لج ترشيييييح بنفس اليووووم !!
بالمختصرر الوزارات تبي حقوقيين بس الحقوقيين مايبووونها مو مثل باجي التخصصات
ينطرووون بالاشهررر والسنننييين .. الحمدلله ماشي سوقنا وتخصصنا
وبالنسبه لمثال الطالب انا اقووولج ليش توووه يتوظف اكيييد قبلووه يا تحقيقات او نياااابه ههههههههه
لان الشباب ينطروون هالمكانين نطررررررررررره وكانوا مسكرين من قبل لوووووووول
وعل عمووم صح كلامج وايد حقوقييين متفوقين وعاطلين عن العمل بس برغبه منهم او قدموا وماقبلوهم
غير جذي مافيه .. الديوان مايقول لاااااا فاتح ابوابه للجميع
ومستقبلنا الوظيفي ماااشي حاله ولله الحمدلله والمنه والكل حاسدنااا عليه
موووفقه
^^^^
صاحبه الموضوع
شووووفي بكل مكان في ظلم وفي دكاتره مو زينين
بس بنفس الوقت في زينين وفي الي يعطوونج حقج
والحقوق فيها معاااناه لاازم كل سنه لكل فرقه لازم يطلع لج دكتور يعفس الدنيا هههههه
يعني مو كلهم مو زينين ويخفسووون لااااااا مو صحيح في البعض
اممم يعني انا بسنه 1 ماتذكر اني انظلمت كلللش !! سنه 2 يمكن انظلمت بماده وحده
سنه 3 عددددددددددددددي وخربطييييييييييييي هههههههههههههه نص المواد مظلوومه فيهم
وعموما سنه 3 صعبببببه وتطيح المعددددل عددددددددل مع بعض الدكاتره الحلوين تكمل السالفه
سنه 4 تقريبا مادتين ومت قهررررر عليهم
وبس لاتحاتين شي انتي شددددي حييييلج والباجي على الله
بالتوفيق