بنات الحادي عشر موحد أبيكم بكلمة راس

تعالوا عندنا اجتماع مغلق

سؤال….

شنو مواد الاختيار الحر اللي اخذتوها و شنو ودكم تاخذون السنة الياية؟؟

عن نفسي اخذت مكتبات "مبادئ اعداد التقارير" و كانت المادة وايد سهلة و ابلة مصريةة حبوبة حيل مسهلة لنا الموضوع و دايما تقول أي سؤال تبونه آنا حاضر و موزعة ايميلها علينا تقول عشان ليلة الأمتحان إذا تبون اسئلة عشان جذي باخذ نفس المادة السنة الياية

و المادة الثانية اللي اخذتها توعية مرورية يا ويلها اللي تاخذها

لأنها تكون جنت على نفسها

حدها مليقة المادة و كلها قرقة و أجزاء السيارة و هالسوالف كلش ما عجبتني المادة و الأبلة نفيسة حدها ما تساعد

عشان جذي السنة الياية باخذ مكتبات و يمكن اقتصاد منزلي رفيجاتي يقولون سهلة بجربها

يلا عاد عطونا آراءكم يا حلوات

هلا فيج اختي صدفه

أنا خذيت السنه هاذي مكتبات وزرااااااااااعه

بالنسبه للمكتبات اوافقج الراي بانها ماده سهله بس ما تقديرن تاخذينها السنه اليايه

أما بالنسبه للعله زراااعه فالماده وااااايد صعبه وطلباتهم صعبه ماادري من وين يايبينهم

تخيلي مره الابله طالبه منا صور للحدائق المنزليه في الكويت ولا مو اي صور طالبه صور فوتوغرافيه

يعني آنه من وين ايبلها اذا احنا ما عندنا حديقه

والمواد اللي راح آـخذها السنه اليايه ان شاء الله هي توعيه واقتصاد

مشكوور ختو ع الموضوع الحلو

هلا حبيبتي انا ماخذة توعية و فنية

التوعية صج يلوع الجبد ياريتني ما ماخذتة تحسفت قد شعر راسي
الفنية يعني ينبلع اهون من توعية شةي بس بعد ماانصحج فية

بنات انا عاشر شنو تنصحوني اخذ مواد اختيارية ابيها سهلة

هلوو

اي وايد يقولون عن التوعية انهم تحسفوا ليش دشوها و انا كنت ميتة ابيها

بس اشوها اني ما خذيتها

الله يسلمكم انا ماخذة بدنية و زراعة

البدنية انا كنت احب هالمادة بس من بعد ما شفت ابلتنا صج صج لا تعلييييق

و الزراعة انا حبيت المادة حلووة و وايد سهلة

ميمي

تصدقين احنا عكسكم كلش ماكو طلبات ولا شي

بحار

يعني على حسب كلام البنات ان الاقتصاد سهل
و انا عن نفسي اقولج الزراعة سهل

كلش لا تفكرين صوب الفنية و التوعية وايد يقولون ان صعب >> اتكلم عن مدرستنا

و اهو يختلف بعني على حسب الابلة

و السنة الياية ابي اخذ زراعة و مادري شنو المادة الثانية ما قررت ليلحين

السلام عليكم بنات
أنا عني أخذت اقتصاد و فنيه والحمدلله اثنينهم سهلين
وخاصة الفنيه لان الامتحان كان داش بموضوع ثاني احنا ما درسناه و الحمدلله عطونا الدرجه الكامله ( يعني وناسه جات بارده مبرده ) وهم الاقتصاد كان سهل
بس انا ما انصحكم بالزراعه او الموسيقا لان رفيجاتي مجربين . أما عن التوعيه و مبادئ التقارير فهذه المادتين مو موجوده بمدرستنا يعني ما ادري عنها …………….
والحمدلله على كل حال

مشكوورة

الصراحة كلش ما أنصح بنات عاشر ياخذون توعية احنا البنات شكو الحين بمجموعة الوقود و الزيت و التبريد و هالخرابيط

معني العام إلا غصب طيب باخذها و غصبت رفيجتي تاخذها معاي

و مشكورين عالمرور حبوبات منورين الصفحة

أمبلا خيتو آنا بنفسي سألت وكيلتنا و قالت حتى لو المادة ماخذتها هالسنة تقدرين تاخذينها السنة الياية لأن المنهج و المقرر غير

شدعوه مافي طالبات حادي عشر بالمنتدى نبي تفاعلكم

aNa 5atheeT FaNeia oo MaKtabat
el.maktabat Waaaaaaaaid Sahla
el.faNeia Sahal bas mo ktheer el.maktaBaaT
BaS 7asaFa Ma aGdaaR a5eetH maKtaBaT el.sNa el.yaya