بنات الجامعه نزلوا مواعيد الباي فورس بس ماني فاهمه شي :(

مرحبا بنات ..

الموضوع مبين من العنوان ..

فتحت السستم الا منزلين مواعيد الباي فورس وحاطين لي تواريخ وموفاهمه منها شي ؟؟
هذا موعدي

تاريخ التسجيل وقت بداية التسجيل وقت انتهاء التسجيل
16/02/10 08:00 14:00
15/02/10 16:00 23:59
16/02/10 00:00 06:59

شنووو يعني ؟؟؟!!

الي فاهمه تقولي عفيه

والله نظام فاشل صراحه لو مخلينا على نفس قبل اهون

اعتقد قصدهم المواعيد اللي تقدرين تضيفين وتسحبين مواد من النت مو من التوجيه

ماادري انا مو حاطين لي مواعيد نفسج .. الظاهر هذي مواعيد تعديل الجدول بالنت لج

هذي مواعيد الباي فورس حسب الوحدات المجتازه .. شوفي متى يومج و روحي مبجر كالعاده و رقم و تنطرين ..

السماح للطلبة المجتازين 24 وحدة دراسية فأقل
( صفر ≤ الوحدات المجتازة ≤ 24 )
الأحد 14 / 2 / 2024

السماح للطلبة المجتازين 25 وحدة دراسية أو أكثر و يساوي أو أقل من 51 وحدة
( 25 ≤ الوحدات المجتازة ≤ 51 )
الاثنين 15 / 2 / 2024

السماح للطلبة المجتازين 52 وحدة دراسية أو أكثر و يساوي أو أقل من 102 وحدة
( 52 ≤ الوحدات المجتازة ≤ 102 )
الثلاثاء 16 / 2 / 2024

السماح للطلبة المجتازين 103 وحدة دراسية أو أكثر
( 103 ≤ الوحدات المجتازة )
الأربعاء 17 / 2 / 2024

جميع الفئات
الخميس 18 / 2 / 2024

اوكي بس جم موعد حاطيلنا اكثر من تاريخ ووقت

فزاعه حياتو انتي جم وحده مخلصه من قبل؟

16/02/10 08:00 14:00 << هذا الموعد عن طريق مكتب التوجيه والارشاد
15/02/10 16:00 23:59 << هالموعد عن طريق النت اذا كنتي ماتبين ماده من قبل تبين تسحبينها قبل تروحين البايفورس
16/02/10 00:00 06:59 << هالموعد بعد عن طريق النت يكون لج اخر يوم تسحبين وتضيفين فيه

يعني عندج يوم تروحين فيه البايفورس ويوم قبله ويوم بعده فهمتي؟

التواريخ اللي حطيتيهم هذي الاوقات اللي يبطل فيها السستم لج عشان تسحبين او تضيفين ماده

اما اللي حطتهم تووته فهي تواريخ البايفورس

شوفي جم وحده خلصتي وو الخميس للكل

اهاااااااااااااااااا …

فديتكم ياقلبي والله داخ راسي من هالسستم
والله لووعه ونظام بايخ وسخيف

مشكووورين وماقصرتوا ..

بنات وين راح يكون التسجيل بالشويخ ؟؟

انا ابي تاريخ الكويت وماده بالاجتماعيه وين اسجلهم بلييز ردو علي

شووفي بالعربي

يوم الإثنين الساعه 4 العصر راح يبطل لج السستم يعني بتقدرين تضيفين وتسحبين وتعدلين على جدولج .. وراح يكون مبطل لج

ليما الساعه 7 الصبح من يوم الثلاثاء .. ويوم الثلاثاء الساعه 8 الصبح راح يكون موعد الباي فورس لج يعني تروحين للكليه

وتشوفين حظج

وموفقه يا قلبي

قوه

بنات بسألكم الباي فورس اكيد يعني يقبلوني بالماده اللي ابيها ولا اذا مسكره يقولون اختاري غيرها ولا خيروني بالمواد
وانا تربيه وبس ماخذه ثلاث مواد ودي اخذ ماده بالتربيه وماده بالاداب شلون الطريقه
والساعه جم اروح ؟ وبسرعه اخلص ولا اطول ؟؟

اعذروني مستجده!!

ويعطيكم العافيه

شووفي حبوبه

روحي 7 الصبح اخذي رقم بالتربية عقبها روحي الاداب وسجلي مادتج عبال ماتخلصين الا رقمج واصل بالتربية دشي وسجلي

اي انا جذي استوعب :d

يسلموووو حبوبه ع التوضيح

مشكوووره حبيبتي

لهدرجه التربيه زحمه
والوزاره كله تشتكي ماكو ابلاات !!!