بنات الجامعه الله يخليكم تعالوا(أسجل بكليه التربيه و لا كليه البنات؟؟)

قوه بنات حبايبي ابيكم تفيدوني ضروري و بسرعه حبايبي بليز
أبي اعرف شنو التخصصات اللي نادره بكليه التربيه و المكافأه شلون طريقتها أنا بسجل توني متخرجه و سمعت بهالموضوع و بليز أبي الافاده منكم بسرعه الله يخليكم قبل يوم التسجيل و شنو تنصحوني أسجل بكليه التربيه و لا كليه البنات

ومشكورين حبايبي وايد

اختي اللي انتي حابته دخليه

و بالنسبة لي تربية احسن

بس انتي استخيري و الاثنين زينين و دراستهم ان شاء الله حلوة

و بالاخير القرار لج

انتي شنو حابه؟؟

ووايد تخصصات نادره بالتربيه ؟؟

وكلية البنات بالانجليزي..

انتي استخير ..

والله يوفقج يارب..

وبالنسبه للمكافاءه انتي قصدج الاعانه ؟؟

ولا اللي للتخصص النادر؟؟

التخصص النادر عقب ماتجتازين عدد معين من الوحدات حوالي 60 وحده..

مشكورين حبايبي على المرور بس انا كنت ابي اعرف شنو اهي التخصصات النادره لاني ما اعرف شي بس سمعت عن هالموضوع و انا توني متخرجه من الثانوي و ما عندي خلفيه عن هالاشياء ابي نصايحكم و مشكورين حبايبي وايد

كليه البنات صعععععبه وخاصه لبنات العلمي بس
التربيه اسهل ومستقبلها حلوووو ومعاشج بعدين قويي (مدرسه)

التخصصات النادره عربي متوسط وثانوي وانجليزي متوسط وثانوي هذا الي اعرفهم

ان شالله فدتج

اللي أعـرفة ان من ضمن التخصصـات النادرة بكليـة التربيـة اهو بيولوجيـا ( علم نبات و حيوان )
يعطونهم مكافأة 900 نهاية كل كورس وما عندي فكـرة عن باجي التخصصـات
كليـة البنات حلوة وتخصصاتهـا كلهم حلوين يعني يعتمـد على ميولج انا بالنسبـة لي أشوف كليـة البنات أفضل
بس هم التربيـة لها مزايـا حلوة بالنسبة للوظيفـه إذا اشتغلتي مدرسـه
انتي سألي أهم شي عن مستقبل خريجات الكليـة وشوفي شنو اللي يناسبـج