بنات الجامعه ( الأداب والتربية خصوصاً ) مساعدة بسيطة الله لا يهينكم .

* السلام عليكم ورحمة الله وبركاته *

_ شوفوا ماراح أكتب قصة حياتي بس عشان أخليكم بالصورة وتقدرون تساعدوني ؛ يا بنات أنا بكلية التربية دفعة 2024 ؛ ومن دخلت الجامعه كان طموحي اللغة الإنجليزية وعلى هالأساس أمتحنت قدرات وجبت 61 لكنهم ما رضوا لازم 70 المهم تحطمت نفسيا ً على ما يقولون لأنه مو حاطة براسي شي غيره وقعدت لحد اليوم من غير تخصص ؛ لكن ولله الحمد نزلوا نسبة القبول لي ستين في التربية وعساهم ما يغيرون القرار لأن كل يوم لهم راي وأصلا ً مكتب التوجيه والإرشاد عندنا هو وقلته ..!

المهم ما لكم في الطويلة << كل هذا ومو طويلة !

ألحين ما أقدر أتخصص وألحق على عمري لأن معدلي نازل بالقاع بسبب النفسية ألي أعتفست فإنشاءالله برفعه على هالكورس وأتخصص الكورس الجاي ؛ درجة إمتحان القدرات مضطرة أعيده ولا ما تنلغي درجتي ؟ ولها مدة معينة ؟

وعلى التسجيل للكورس الجاي راح تفتحلي مواد وأنا مو متخصصه ولا لا ؟

وكذلك بالنسبة لدكاترة الإنجليزي منو الزين والشين فيهم << (سوق مو جامعه ) ؛ ولازم أخذ المواد بترتيب معين يعني أقصد مادة قبل هذي أحسن ولا شلون ؟

أنا وربي ضايعه ومحد من رفيقاتي بالإنجليزي والتوجيه والإرشاد رفع عنهم القلم ..!

ألي تقدر تفيدني بشي ولو بدعوة لتيسيير أموري جزاها ربي خير ^_^

والله ماعندي شي اقوله غير الله يوفقج ,,

بس نصيحتي لج

( لاتشتتين نفسج بسبة تخصص قد يكون خيره انك ماتدخلينه )

//

الغاليه ,,

ان ما اقبلوج بالتخصص اللي تبينه ,,

حاولي تاخذين غيره

ولا تضيعين سنينج عليه ,,

//

غرور
,,

خالص الدعوات ,, لج بمستقبل مليااان همّه وطموح ,,

,,

انا اللي اعرفه انه الانجليزي في مواد تاخذينها عشان تتخصصين وفي مواد متسلسه ..

والله يوفقج يارب..

انا اعرف بنات مساندهم انجلش يذمون عماد الدره شي جذي اسمه..

جيكي عالخاص

أختي أنصحج نصيحه إدا مالقدرتي تخصصين باللي تبينه دوري تخصص ثااااني أقرب لنفسج ولااااتضيعين الكورسات عالفاضي
أنا كان طوحي من الثانويه وظيفه معينه ودخلت الجامعه وحولت من كليه لكليه ولما جيت اتخصص ارفعوا معدل التتخصص وانا مخلصه كل مواد لغير محددي التخصص فقعدت((
بعدين رضيت بالواقع وتخصصت بشي ثاني واللي كنت أبيه صارلي مساند
الخلاصه إن لما شفت رفيجاتي شلون يعانووووووون من هالتخصص وتعب الشغل اللي فيه ويدرسون ودرجاتهم ماتمثل دراستهم
حمدت ربي ألف مره وتدكرت إن كل شي خير الحمدلله رب العالمين

مرحبا
انا توني متخرجة من التربية بس تخصصي كيمياء ومثل ما قلتي التوجيه والارشاد ما ينفعون بشئ
انا انصحج روحي عند توجيه وارشاد الطلبة تلقين ريال قاعد بروحه بمكتب صغير قبل توجيه وارشاد الطالبات عند الباب الرئيسي تلقينه
الصراحة وايد زين وفيه بنات وايد يروحون له واهو ما يقصر
جربي منتي خسرانه

_ الواصلية فديت قلبج ؛ تسلمين لي على النصيحة وأنا أدري المفروض ما أضيع وقتي لكن أملي بربي كبير وعسى أخذ التخصص ألي أبيه ..

جزاج الله خير وعسى التوفيق نصيب الكل .. ^_^

_ تسلمين لي أنا ذمولي الدكتور القنور والله أعلم ..

جزاج الله خير ..

أشهدنج صاجه .. بس المصيبة أني أحب هالتخصص وطول عمري شاطرة فيه وما تخليت أنه أدرس مادة غيرها ؛ عموما ً كل الشروط متوافرة عندي للتخصص بس أنطر أرفع معدلي هالكورس وإن شاءالله يقبلوني ..

_ تسلمون كلكم على المرور ..