|
|
ها بناااااااات
بغييت اسئل الي تعرف وياااااااااااااااااااااااااااااااااارب القا وحده تفيدني
انا الحين ادرس بالتجاري وناوية اكمل دراسه بالجامعه عقب التخرج ومن زمان لقيت اعلان الجامعه الامريكيه عشان البعثات الداخليه
وكانو حاطين خريجة الدبلووم يقبلونها اذا كان معدلها 3 نقااط واكثر
وانا الحمد لله معدلييي انشالله اكثر من 3 نقااط بسسسسس بغيت اعرف
منووووو فيكم عقب مادرست وخذت دبلوم كملت بجامعه خاصه او الجامعه الامريكية؟؟؟ وشنووو العقباات والاشياء الي واجهتها؟؟؟
وهل دراستها بالانجليزي صعبه؟؟؟؟؟؟
وهل الي يقدمون عليهم كبعثه داخليه وااايد ؟؟ يعني لازم اشد حيلي واييييب معدل مرتفع لان الاولويه للي معدلهم عالي
بليز ابي بالتفصيل المملللللللللللللللللللللللللل
حبوبة . أول شي موفقه .. موفقه .. موفقه
ثاني شي .. اتوقع الحين طافج التسجيل حق الجامعة الأمريكية!! لانهم بدوا كلاساتهم من اسبوع تقريبًا .. لكن عن الحلال و الحرام روحي تأكدي
اما العقبات اللي راح تواجهج .. و بكل أسف أقوللج ان التعليم العالي طلع قانون يديد حق اللي بيقدمون بعثات .. انهم ما يقبلون أكثر من 30 طالب بالكورس!! شوية صح؟؟ و في بعض الكليات مثل الكلية الاسترالية يقبلون 10 بس!!
انا انصدمت صدمة حيااتي الصراحة لما سألت .. لذلك اقترح انج تقدمين على حسابج الخاص أحسن .. و و بعدين حولي بعثات . يمكن لعل و عسى تتعدل القوانين
اما من ناحية الدراسة نفسها .. مثل ما قالت سويتي .. كل اللي اعرفهم ماشاءالله ماشييين و من احسن ما يكون .. بس المشكلة بوقت التسجيل
لكن اذا انتي اكثر من 3 نقاط .. لا ان شاءالله .. سهله عليج
أتمنى أكون افدتج حبيبتي
خطة البعثات الداخلية للجامعات الخاصة للفصل الدراسي الثاني2008-2009
-اللي يايبين 74% بالثنوية-ادبي يعطونهم بعثة يدرسون (بكلاريوس) بجامعة الخليجوالجامعة الامريكية.
-واللي يايبين 60% بالثنوية-ادبي يعطونهم بعثة يدرسون (دبلوم) بكلية بوكسهل والكلية الاسترالية.
-واللي عندها دبلوم ويايبن 3 نقاط يعطونهم بعثة يدرسون (بكلاريوس) بجامعة الخليجوالجامعة الامريكيةوالكلية الاسترالية.
التفاصيل المفصلة,,,
بهرابط,,
https://www.puc.edu.kw/index.php?TP=ISplans
وهنا الشروط,,
https://www.puc.edu.kw/index.php?TP=ISRules
وهنا,,
https://www.puc.edu.kw/index.php?TP=internalscholar
———————————–
انا رفيجتي كانت بالتجاري محاسبة واللحين بقيست تدرس محاسبة,اعتقد راح تدرس 3 سنين بقيست.
اهيا البعثة عالحساب الحكومة بس التمهيدي على البنية اهيا خذت مادة وحدة تمهيدي انجليزي طبعا اهمن يمتحنونج ايشوفون مستواج بالانجليزي اذا اوكي اتعدين التمهيدي اذا مو اوكي تاخذين التمهيدي على حسابج الخاص.
ارفيجتي دفعت حق هالمادة ابروحها 900 د.ك
واذا سقطتي بمادة هم عليج الدفع,
واتقول صعبة
بس ترا مافي جامعة سهلة بالكويت
وانا انصحج اتكملين دراستج مهما كانت العقبات
وايصير اعتقد اتقدمين على جامعة الكويت بعد بس جامعة الكويت اعتقد عليها ضغط اكثر فاحتمال يقبلونج بجيست اسرع,
بس انتي احتياط شدي حيلج كثر ماتقدرين عشان اتيبين المعدل الزين,
و gust التمهيدي عالحكومه مو عليج
اما الجامعه الامريكيه اول كورس عليج وانشالله اكون فدتج ثانيا : الكليات والجامعات الخاصه عدد الكراسي فيها محدود واهما يعتمدون على النسبه يعني الي نسبتها اعلى لها الأولويه انها تنقبل واكيييد بيسوون لج امتحان تحديد مستوى بالأنجليزي عشان يعرفوون وين يحطونج اذا انقبلتي !!
وماكووو شي اسمه صعب .. في شي انتي اتخلينه صعب وشي اتخلينه سهل .. كل الي عليج انج اتشديين حيلج وبس … اما بالنسبه للبعثات الداخليه حق كليه بوكسهل والكليه الاستراليه فــمدتهم انتهت لان اخر يوم تسجيل كان بتاريخ 16-2 .. والباجي مادري عنهم ابصراحه بس اتوقع انتهوو بعد …
اتمنى اكووون فدتج حيااتي
اول شي الدراسة كلها بالانجليزي بس في مادة عربي
الدراسة صعبة اذا كنتي ميح بالانجليزي اذا انتي نص ونص حاولي تاخذين دورات واطورين من نفسج بعدها سهالات
اول شي بيعطونج امتحان اذاطلعتي ليفل1 او 2 بيكون على حسابج اما 3 لا على الحكومة
سعر الليفل 1750 للكورس وبيكون على اقساط اذا حبيتي
لكن نصيحتي عندج حل ثاني والي اهو اخذي التوفل وتعدين بعدها التمهيدي وبلا عوار هالراس
بالنسبة للاماكن انشاءالله يقبلونج انتي قدمي وشوفي حظج
موفقة
والله ليلحين دراستهم سهله وماواجهت اي صعوبات بالعكس
اهو يعتمد عليج و حتى لو ماعندج لغه في 3 ليفيلات , اذا اقبلوج البعثه وكنتي بليفيل 1 راح يصير بس كورس واحد عليج
بس الحين التسجيل عندنه تسكر خلاص