|
|
السلام عليكم بسالكم أنا كله خاطري اجاااااار منجل وجزر ومافي أجار كافيه توابل حتى الحلبه فيه بس بعد ماتخلص بطني يعورني وأتم تحاتي خائفه أنا توي داشه الثالث ادعوووولي. ساعدوني من دون الاجار ماحب طعم الاكل
لا تكثرين
حبيبتي ابتعدي عن التوابل والبهارات ولا تاكلين المخللات ولا الفلفل بكل أنواعه بكل أنواعه والشاي بكل أنواعه والمشروبات الغازيه والجرجير والأناناس والمانجا والباذنجان والحلبه والزنجبيل والتمر حبيبتي ترا هالأشياء تضر صحة الجنين وصحتج
حبيبتي كثري من منتجات الألبان والعصائر الطبيعيه وحافظي على صحتج بالأكل الصحي الطبيعي
الله يبارك لج بحياتج بدرب الخير والبركه ويحقق لج كل اللي يتمناه قلبج عاجلا غير آجلا آمين يارب العالمين
أنا من حزب الطماشه
بس والله فى حريم يقولولج مو زين انا بالنسبه الحمد لله طبيعى …….. بس انتى سئلى دكتورج عشان تتطمنين اكثر يااااااقلبى
وعسا اللهيتمملج على خير يارب
لما احمل يقولون لي لاتاكلين فلفل الياهل يطلع اقرع واسم الله عليهم ماشاءالله ونبارك الرحمن اولدهم شعورهم طويلة الظاهر من الفلفل
والله يعدي عليج بالسلامه يارب
إن شاء الله مافيه ضرر…
الأكل الحار (الدقوس والفلفل والبهارات) عادي…طالما المرأة الحامل تاكله وهي مرتاحة
يعني ما تتأذين وانتي تاكلينه…وماتحسين الأكل حار زيادة عن اللزوم
وإذا خايفة أو تحاتين…حاولي تقليلين الكمية وتأكدي من دكتورج
والله يتمم عليج
بس هم انا سمعت انه موزين
قللي منه عن خاطرج وبس بس ابتعدي عن الاناناس ترى يسبب اجهاضات …
وعسى الله يتمم عليج يارب العالمين
https://www.babycenter.com/406_is-it-…ncy_1246919.bc
الشي الوحيد اللي متلكمين عنه هو "الحارج"
فإذا مرتاحة وما يسبب لج حارج…عادي
بس لاتكثرين .. لان كثرته تسبب حارج بس