|
|
السلام عليكم
بنات ابيكم تشاركوني الراي هل الزوج اللي يطق زوجته معناه انه مايحبها ولا المسالة نسبية ويختلف على حسب الاسباب
وبكل امانة اللي زوجها من النوع اللي يطق اشلون تتصرف معاه وشنو ردة فعلها
لاني على وشك الزواج وخايفة اطيحلي بربال من هالنوع شسوي تعقدت رفيجاتي ااثنينهم يشتكون من
ازواجهم ايطقونهم وانا خايفة بصراحة
عطوني من خبرتكم اشوي
و المفروض ان المره توقف الريال عند حده من اول مره عشان ما يرد يتطاول عليها لان العيشه بتصير صعبه اذا صار الطق عنده اسهل من ما يتكلم و يناقش
وبصراحه انا الي يطق زوجته احس انه ماعنده شخصيه ومايستحي على ويهه
وبعدين حبوبه ترى الريال على الي تعودينه يعني تقولين رفيجاتج اكيد ان ماوقفوا رياييلهم عند حدهم من اول شي لازم الوحده تعلم زوجها ان كل شي في له حد والطق المفروض انه مايطري على باله واذا مره طقها لازم تحط له حد سيده وتادبه عليه وتخليه يحس انه شي كبيييييييييييييييير ويمكن ماتسامحينه عليه
والله الحمدلله انا زوجي كلش كلش كلش مايمد ايده هو لو على صوته علي شوي احسسه بتانيب الضمير لايام جدام وربي اخليه مايعرف يقعد ويحس انه سوى شي كبير لان على صوته بعد يطق
وحبوبه لاتخافين ولا تحاتين انتي عودي زوجج من اول شي على المعامله الحلوه وانه يحترمج ولاتخلين الموضوع يتمادى وانشاءالله ماتشوفين الى الخير يارب
و المرة بعد لها دور . اذا سكتت عنه و عطته ويه راح يتمادى
بس هم اقول انه كل وحده و ظروفها
بس انا عندي قاعده اي واحد يطق مرته مو ريال لأنه لأي سبب من الاسباب الريال ما يصير يطق مرته حتى لو هي شنو مسويه يوديها بيت اهلها يربونها و جذي يقرصها قرصه قويه بس لمن يطقها هذا معناته هو قاعد يطلع قوته على مره و المره مهما طقت مستحيل قوتها تصير مثل قوت الريال فهذا مو ريال صح ؟
ثانين احنه في مجتمعنه من نسمع انه واحد طق مرته نقول عنه معقد يعني مينون بس بمعنى ثاني
و انشاله ما ييبنه لا نطق و لا ننطق 
و يعطيج العافيه حبوبه على الموضوع
و الطق عمره ماكان اسلوب تفاهم و لا عمره اييب نتيجه .
و اللي زوجها يطقها المفروض ما تسكت و المفروض تكبر السالفه .. انطقت .. وين كرامتها و احترامها و تقديرها ؟
لا تفكرين بهالشي ..و لا تقارنين زوجج بازواج صديقاتج .
و الله لا يسلط عليج و علينا هالاشكال من الرياييل ان شاء الله !
صح لازم المرة اذا ريلها يطقها ماتسكت ولا تسامح لان اذا طقها مرة بطقتها مرات وايد لاوزم توقفه عند حده وتبينله انها لها اهل تشد الظهر فيهم وماتسكت عنه ابد
واذا اهو شايف نفسه ريال خله يصير ريال على رياييل مو على حرمة اضعف منه
الريال الي يطق يعني مايحترم المرة ولا اهلها فشحقه اهي تحترمه او تسكت عنه
والله لايبلينا انشاءالله
وهذا دليل على الضرب ……….. ولكن لا تنسون اننا شرقيون والرجل الشرقي فيه طبع العصبيه ويجب على المراة تحافظ على هدوء زوجها وطاعته ….
والله يوفقك برجل صالح….
ثاني شي الحب اساسه احترام و اذا الريال طق مرته تعدى على الاحترام اللي اهوه أساس الحب ,, بس لازم البنت من الاساس تحط لها حدود مع زوجها ان ما يتعداها سواء بالضرب ولا غيرها
احنا من يوم كنا صغار نقول ماكو ريال يمد ايه على مره و اللي يسويها مو ريال, يتشيطر على بنت ! ثاني شي لا تقارنين حياتج بحياة غيرج مهما كان انتي لج حياتج و ريلج و اسلوبج وطريقة تفاهمج .
لان اذا جرب مره تالي بيصير طبع فيه وعاده يتعود عليها كلما صار خلاف بينه و بين مرته وغير هاذا
الطق يهين من كرامه المره والريال لين مد ايده معناته اهوا يحتقر المره اللي عنده ولا حاط لها ولاهلها
اي اعتبار
وكنت اخاف واسكت
لما خلاص طفح الكيل
طقني طراق جان اييبه طراق انا بعد
من غير شعور والله العظيم
ماتتخيلين نظرتها ما انساها
حسيت بعيونه خوف و صدمه
والحمدلله الله فكني منه
طبعا هذا مو حل!!
بس اكتشفت ان الريال اذا سكتيله يتمادى في كل شي
في كل المواضيع مو بس الطق
لو يدزج سويله سالفه لاتسكتين من اول مره
وعسى انشالله ربي يعطيج ريل حنون ويخاف الله
بصــــــــــــــــراحه الريال الي يطق….. ريال ما يعرف يتصرف لانه الطق مو تصرف له نتيجه