|
|
بسم الله الرحمن الرحيم
بنات ابي الي جربت الأعشاب ومانفع معاها ترد علي انا بحرينية وعندنا في البحرين مركز للاعشاب اسمه الأعشاب الشامية ناس وايد راحوا عنده واستفادوا منه واوله مرت حماي ( يعني اخو زوجي ) عطاها ادويه وفي نفس الشهر اهي حامل
بس طبعا تختلف حالتهاعن حالتي المهم بنات انا عندي تكيس في المبايض والله يعلم اني ما كان فيني شي بس من خذيت الكلوميد وبس صار عندي تكيس وللحين اتذكر الفحوصات الي سويتها والأشعة الي تقول اني مافيني شي بس خربطة هرمونات من الزواج يعني بداية الزواج المهم اني كلمته يعني الحواج او مثل ماتسمونه العطار وقالي حالتج بسيطة وانشاءالله بعطيج دواء وفي خلال شهر بيروح التكيس ووصف لي الأودية حتى قالي اسماء بعضها بس قلت بنات بسالكم انا الحين صار لي من تزوجت 6 سنوات تقريبا
مع العلم اني كان لي تجارب وياه نفسه يعني العطار كانت اختي الي اكبر مني فيها قرحه في الرحم وسوت عمليه وبعد مانجحت بس راحت له عطاها دواء وصارت زينه والقرحه راحت حتى لمن راحت لدكتورة سالتها شنو سوت وشنو خذت وصارت اوكي وانا عن نفسي بعد وفي نفس الفترة كان يصيدني نزيف او ينزل دم بعد الجماع مع ريلي ورحت المستشفى ومافاد فيني اي دوا ء ورحت له هو من 3 سنوات وعطاني دواء وقالي شنو بصير واني راح اكون زينة انشاءالله وفعلا من يومها وانا مرتاحه من سافة الدم بعد الجماع واذكر اني قلت له حالتي وقالي انه عنده لي دواء بس كنت ماعندي ثقة في الأدويه الشعبية بس الحين من كلام بعض الخوات في المنتدى قلت بجرب وبعد مرت حماي وتجربتها معاه وناس وايد استفادوا منه فشنو تشورون علي مع اني حاليا اخذ البرقدوش والمريمية مرتين في اليوم ومن بعد الدورة حست بالم التبويض وهذا الي مشجعني اني اخذ ادويه شعبية سامحوني ادري طولت عليكم بس قصدي اني افيدواستفيد
يلا شوركم بنات
والله يارب يعطي كل محروم الذريه الصالحة يارب يارحيم 
يارحيم يارحيم يارحيم
والحمد الله قالت لي وحد ….. اشتري كفر جديد و قميص نوم و عطر جديد …. و راح تحملين على طول ….
وانا ما كنت مقتنعة بالسالفة لكن اختي شرت لي كفر و كان عندي قميص جديد لبستة و فعلا الشهر اللي بعدة حملت بدون اي ادوية
ادعي ان الله يثبت حملي و يرزقك الذرية الصالحة … آمين