بناتي الحبيبات . ساعدوني والله متضايقه

السلام عليكم بنات .,

انا في الصف 12 ادبي منازل .. وصار عندي دور ثاني باالاحصاء

علي فكرة اخر سنه دراسيه لي كانت من 25 سنه .. وما بقي لي الا رابعه ثانوي او 12

مثل ما تقولون واتخرج .. لكن تفاجأت بصعوبه ماده الاحصاء

جبت مدرستين ومذكرات وكديت نفسي وانا ادرس بهالماده لكن ابدا مو قادرة استوعبها

والله علاماتي بالشهاده تفرح وعاليه لكن بالاحصاء تفشل ( جبت 13 بالشهاده )

واكيد بالامتحان يبيلي مجهود كبير علشان انجح ..

بناتي الحبيبات .. الي عندها طريقه ذكيه لدراسه ومذاكرة الاحصاء تساعدني

ولا تقولون مدرسات وما ادري شنو .. راحت فلوسي عليهم وبلا فايده

والله شنو اقول واخلي ما راح تصدقون هالضيقه الي صابتني من الاحصاء

احفظ القوانين .. بس خطوات الحل بالمسائل صعبه ومعقده .. كل مساله غير عن الثانيه

مع ان القوانين وحده … والله احترت وخايفه ارسب وارد السنه الجايه ادرس كل المواد

الي بالكاد خلصت منهم ونجحت فيهم ..

فهل من معين بعد الله سبحانه ..؟؟

اب
اب
اب

عسى الله يوفقج ماما وتنجحين

انا كنت نفسج معقدتني هالماده

وان شاء الله يساعدونج وتنجحين

كان عندي مدرس محترم اذا تبينه بحاول ادور لج رقمه لانه ضايع

انتي باي منطقه؟؟

وكثري من قول "لا اله الا انت سبحانك اني كنت من الظالمين"

ما قالها مكروب الا فرج الله عنه

دعاء مستجاب لاإله إلا أنت سبحانك إني كنت من الظالمين

عايض القرني | لا اله الا انت سبحانك اني كنت من الظالمين

الله يفرج همج ي رب
وان شاء الله تنجحين

أختي حبيبتي

أهم شي انج تفهمين نظام المسأله

كل مسئلة لها مدخل أو مفتاح .. يميزها عن المسائل الثانيه + القوانين قبل لاتحفظينهم لازم تفهمينهم

عن تجربه الاحصاء اذا حفظتيه .. يكون صعب

لازم تفهمين طريقة المسأله + طريقة قانونها .. بعدين حفظي القانون وطريقة التطبيق

الله يهدينا ***

رفع الله قدرج .. يا الغاليه ..

هلا حبيبتي امول **

الله يوفقج علي الدعاء تذكرت اني قريت عنه لتفريج الكرب

اما المدرسين ما ابييهم لاني جربت كم وحده وماكو فايده ..

تسلمين يا اغاليه والله يوفقج دنيا واخرة ..

انا مشكلتي بالفهم ..

المسائل طويله مهما اعيد فيها ارد اكتبها لازم في خطوة ناقصه
بعض المدرسات قالولي ان الحفظ اخر شي لو ما قدرتي تفهمين مع ان الامتحان
كان كله من امثله الكتاب والله كوبي منها .. بس هم ما قدرت انجح ..

تسلمين يا الغاليه علي النصيحه ..

شنو يا جماعه ..

النصيحه لي هنيه وبس ؟؟

الله يهديكم …….

شوفي انا ما اخذت احصاء
بس انتي نفسياً تعبانه من الماطة فهذا الي مأثر عليج
انتي حطي ببالج انها سهله وانج بتعدينها انتي ادرسي وراجعي اول باول
وان شاء الله تكون سهله عليج وليش ماتروحين مسائي يمكن احسن لج من المنازل

دام جربتي وايد أشياء وما نفع

جربي تحلين نماذج الامتحانات

لما تدرسين وتحفظين القوانين

حلي النموذج وبعدين جيكي على إجاباتج

وكل ما غلطتي وعدلتيه راح يثبت بمخج إن شاء الله

^

ولا تنسين الدعاء

ومثل ما قتلج ركزي عالنماذج لأن بالامتحان راح ايوبون نفس المسائل مع اختلاف الأرقام

والله يوفقج ويسهل عليج

تسلمين يا الغاليه

المسائي صعب بالنسبه لي ظروفي ما تسمح

التساهيل علي الله ..

الله يحفظج ويستر عليج .. نصايحج حلوه

النماذج عندي منها وناويه اشتري غيرها والله كريم