بناات هل تفكرون مثلي ؟؟ عمركم ندمتوا انكم جبتون اولاد والا انكم ماجبتون ؟؟ العمر يجري

السلام عليكم
بناات كم عدد الاطفال الي تتمنون تنجبونهم وكم فارق العمر بينهم تفضلون ؟؟ ياريت تذكرون وضعكم مع الاطفال ,, لاني عندي بنتين الاولى 6 سنوات والثانيه سنتين وشهرين وعمري مش صغير مررره يعني بداية الثلاثين .. طبعي احب الرومانسيه والهدوووووووووء لاني اصلا تربيت في اسره صغيييره ماتحمل شقاوة الاطفال لكن في نفس الوقت نفسي يكون عندي اولاد اذا كبروا افرح فيهم وشوفهم حوالي

.. زوجي نفس طبعي يحب الهدوووء مايحب الازعاج لكن نفسه في ولد .. اخاف العمر يجري وبعدين نفسي احمل ولايصير ..بناااتي مطلعين عيوني لااااسيما الكبيره كثييير متعبتني والله مايمر يوم الا وانا معصبه تهذرررر تحن ماتسكت ولعبها دففففش تضرب اختها تصارخ عليها ترفع صوتها علينا … تبكي بصوت عالي لاتفه الاسباب …. نفسي اجيب لكني مو مرتااحه بنتي الصغيره تعبتني في السنه الاولى والله كل من شافني يقولي وشفيك مصفررره ومبين عليك الارهاق لااانوم ولاا نهاري مثل الناس … والله توني شوي بديت اريح فقط في النوم اما في الاوقات العاديه داايم تعصبني الكبيره اناااانيه تحب الشي لنفسها ماتكلم مع احد الا وهي في الوسطه من ازعاجها وصوتها العالي .. ما اجلس بقرا كتاب الا تزعجني كل شوي وتتامر علي والا تتحجج باي شي ماتكلم مع زوجي الا وهي في الوسطه تقطع كلامنا مع انا معلمينها ان ماتتكلم الا لما نخلص كلامنا مافيه اي حريه اعيشها مو ملك نفسي اصلا ..المهم انا بحيره يابنات هل ابعد فكرة الانجاب حاليا لبعد سنه ؟؟؟ والا اجيب … افكار كثييره في بالي احيانا اقول وش استفيد منهم اتعب وتمر السنين ولا اعيش حياتي وعلى فكره زوجي يضغط علي اكثر لانه يحب الهدوء ويحب الاهتمام فيه اذا مالقى هالشي غصبا عني يتبعد اكثر ولا يحب يطلعني لان زحممه من الي معاي فيطلع مع اصحابه وانا انضغط اكثر بعيد عني مايقدر يخفف من وضعي لانه اصلا بحاجه ان يغير جو من ضغوط العمل … مادري اذا جبت وتعبت وانضغطت اكثر وش بشوف منهم ؟؟ كثير اولاد يكبرون البنت لزوجها والولد تابع زوجته .. وانا اضيع سنين من حياتي ماعيشها وبعدين وش الي بحصله ؟؟؟ واذا ماجبت اتحسر على نفسي اخاف يجي وقت اتمنى اني اجيب ولا يصير والا اندم اني ماجبت اكثر من كذا ؟؟ بنااات انا لسه تعباانه والاولاد متبعين تربيتهم في صغرهم ليين يكبرون ونحمل همهم …. وش الافضل ؟؟ نفسي في اكثر من بنتين تكون عندي ونفسي في ولد لكني تعبااانه وزوجي مايقويني بالعكس يبتعد عني … وانا ماشوف حياتي ولا حتى اشوف نفسي ….وش راايكم بنات ؟؟ كيف وضعكم هل انتوا تفكرون مثلي هل ندمتوا ؟؟هل تمنيتوا تجيبون اكثر ؟؟؟…بعد ماجبتوا اكثر من طفل كيف وضعكم ؟؟؟ .

بناات الخلل فيني والا في بناتي لااسيما الكبيره ؟؟ كل الاطفال كذا ؟؟؟

حاولي تراجعين نفسج …. مادري انا اشوف الزواج والعيال سنة الحياة ولا طول عمرج بتعيشين هدوء ولا طول عمرج بتقرين كتاب انتي اصلا لو تبتعدين عنهم يوم راح تردين تشتاقين لهم وتحسين بطعمهم ياربي عيالج عيالج

عن نفسي كنت اطلع واروح وايي والبس وانام متى ما ابي واقعد متى ما ابي …. تزوجت صغيره والحين عندي ولد ومازال عمري 24 مابي اروح؟؟؟ مابي انام ؟؟؟ مابي ادرس ؟؟؟ مابي اطلع مع رفيجاتي ؟؟؟ كل شي اقدر اسوي بس
بس انتي تحتاجين شي واحد فقط
اقتنعي بالحياة اطفال وزواج
لا تتوقعين كل شي بحباتج بيستمر لازم انتي انسانه تتغيرين مع المتغيرات

هلا وااختي ياسمينه
حاسه فيج ياقلبي بس صدقيني بس يكبرون بناتج بتحسين فرق
وتحسين انه بدوا يتحملون مسؤوليتهم بتذوقين حلاوتهم ترى بس الياهل يعدي ال10 سنين
سبحان الله يتغير وويصير يعتمد على نفسه شويه وانتي بعد تعتمدين علييييييه
بالنسبه لبنتج سمحيلي يااختي شكله الغلط منكم لانه على وصفك شكل البنت انتوا دلعتووها وايد
لمه وصلت لهالمرحله من العناد والانانيه وحب الذاااااااااات
انا ولدي سته ونص لالالالالازم بهالمرحله يتعلم شلووووووووون يحترم امه وابوه
ويحترم البيت الي اهو فيه وانه ماعاد يااااااااااهل

والبجي والصراخ الزعيق للاطفال الصغار وديري بالج لاالصغيره تبدي تغلد اختها تصير مصيبه

وتعبج لانه دايما الصغير ياخذ من اطباع الكبيييييييييير

بالنسبه للانجاب نصيحه لاطولينها اكثر انا الفرق بين عيالي كبير
5 وست سنين
ومتحسفه قد شعر راسي اني ماجبت وماخليت الفارق يكون مجرد سنتين

وعلى قولتج العمر يمشي توكلي على الله وحملي وجيبي اخو لبناتج ترى الذريه حلوه

وربج يعينج عليهم ياااااااارب

بالعكس من ناحيتي انا لي راي ثاني انا من تزوجت يعني وافقت اني اكون زوجه معناه انه مشوار حياتي اليديد بدا يعني زوج واسره واطفال حوالي اتحلي فيهم واهم يكبرون جدام عيني والله يا اختي ماتدرين شكثر انا وقتي مضغوط دوام طويل يهال اصغر واحد تقريبا سنه وانا الي اطبخ زوجي مايحب طبخ الخدم ……. واكون جذابه اذا قتلج ما اتعب بس والله راضيه داخل قلبي راضيه ومستانسه هذا بيتي وعيالي اللي اغلي عندي من الدنيا ومافيها وشنو الحياه اللي بعيشها لنفسي البس واخشخ واطلع ……هذا انا اسوي كل شي عايشه حياتي عدل البس واطلع واكشخ ومستانسه الحمدالله وتري انا مثلج من عايله صغيره انا واخوي بس و والله بدون مبالغه انا عندي 5 ربي يخليهم ويحفظهم من كل شر ومفكره اجيب السادس شرايج والله يازينهم

والله حس فيج

انا قبل كنت احب الهدوء والنظام

والصوت الوطي

وعبالى هالدنيا بتستمر جذيه

بس بعد ماجبت عيالى

اتغيرت معمهم

شوى شويه اتغير

واتحمل

بس اللى يفهم لازم تشمينها على نظام

مثل بنتج كبيره تفهم

وعيالى الكبار امشهم على نظام

والله يصلحهم

ومومتحسفها انى جبتهم

الحمدالله هذى نعمه من ربي

وغيرج مولقين طفل

اتوكلى على الله وحملى

وبنتج غيري نظامه وغير حياتج

انا ماكو مثلى بناتى ثلاثه ومتعبينى وتحت بعض وزوجى يبى ولد ولا بعد بغرفه وحده انا وبناتى ماعندى غير صاله وغرفت نوم وانا من النوع الى اخاف على بنااتى حيل يناامون عندى بالغرفه يطقون بعض ويبكون على طول ولا وحده تحب اثانيه تعالى شوفينى بالعيد ماخلى سوق ماطقه يوم العيد البس وكشخه وحالتى كسيفه الحين مافكر بالحمااال انا حيل تعباانه وربى من كثر ماااالتحلطم اخاف من عقاااب ربى الله يخليهم لى

الف شكر بنااات
انا مو مشكلة اني مابقدر اكشخ او اني اطلع اضافه الى كل هذا والاهم عندي ان علاقتي بزوجي تصير للاسوء … يعني انا اجيب واربي واتعب وزوجي يبتعد عني …بالتالي نفسيتي تتعب اكثر … زوجي مايحب شكلي وانا حاامل .. يبتعد عني في الامور الرومانسيه .. ولما اجيب طفل يكثر الازعاج ولاا فيه رومانسيه ولااااشي بالعكس الا مسؤولياتي تزيد وانضغط منهم وهو يرجع من العمل مضغووط داايم معصب وانا كذالك ؟؟؟؟؟؟؟وعلى مايكبرون الا خلاااص انا كبرت وحياتي الزوجيه كيف بتصير ؟؟ زوجي اذا مالقى شي مني يدوره في غيري ؟؟؟ يعني بعد ماتعرضت في فتره للاجهاض تدروون وش اكتشفت ؟؟ اكتشفت ان له علاقه على قولته زواج بالسر ؟؟ تخيلوا عشان ايش مايحب شكلي وانا حاامل ولما اجضت طبعا مايقدر يقرب مني ……. يعني وش اسوي والله انا في حيره الكل صراحه من اقاربي ينصحوني اني اجيب اخ لهم لكني في حيره من الوضع الي عشته ؟؟ مو كل المتزوجات مثلي يمكن ازواجهم يقونهم اكثر ويصبرونهم .. يمكن عادي ماينفر من زوجته لما تحمل وتولد … يمكن اطفالهم مو مثل الي عندي الكبيره الي رافعه ضغطي ….

ان كنت افكر مثلج مع ان عندي بنت وحده بتكمل سنه بس ما شاء الله عليها امتعبتني مو قاعده اشوف نفسي مثل قبل لووووويه وراها وراااها وافكر بكل شي متعلق فيها

وكنت اقول مابي ياهل ثاني لان زوجي كان يبي بيبي ثاني على طوووووول فوقها بس اقتنع

لكن الحين بديت اشتاق لبيبيب ثاني وما ودي اطول الفترة وتفكيري مثل تفكيرج العمر يمشي والواحد بعدين ماله خلق ربى بالكبر ،،، وبصرااااحه اليهال زييييينه الحياااه يا حلووووهم

يلا فكري بالبيبي الثالث وعااادي استانسي بحياااتج

كل الطفال حركين و ما عندهم الا وناستهم و هم جهااااال بس لازم تأدبين بنتك الكبيره،، و التعب تعب لو مهما كان بس اتعب بشبابي و لا اتعب وانا كبيره، و صراحه اول مره يمر علي ريال نفس زوجك ما يحب الاولاد و اليهال.. و البنون زينة الحياه الدنيا، لاتفكرين و ارضي غريزة الامومه اللي فيك

الله يخليهم لج ويهدي الكبيره

حبيبتي احملي انتي كبيره مو صغيره والله يرزقج بالولد الصالح

انا عندي ولدين ساعات اقول ودي ببنت و لما يطلعون عيني باليل اقول تووووووبه و الحمد لله بس بصراحه ابيهمخ يكبرون و اتوكل على 3 احب اليهال

الله يعطيكم العافيه
زوجي مو انه مايحب اليهال … يحب الهدوووء .. يحب اني اهتم فيه كانه طفل .. يحب الطلعه تكون رااايقه بدون واحد يبكي وواحد يطق الثاني اذا كذا مايفضل يطلعني من الاساس …وانا ماحب الازعاج وصرت اخاف كثير اني احمل واتعرض للاحاسيس الي هو يعيشني فيها …

حبيبتي يمكن اذا حملتي تهملين نفسج شوي او تحسين ان ماكو شي بيطلع حلو عليج ترى كلنا نحس جذي بس لازم تكشخين حتى و انتي حامل
ولبسي فساتين قصيرة فيها قصه تحت الصدر ترى كيوت و اهتمي بشكلج خليه يشوف ان الحمال ما ياثر عليج

وبعدين اعرف وحدة كانت تحب اليهال و زوجها يحب الهدوء و الرومانسية و الطلعة والكشخة و السفر
و يقول لها مانبي عيال وايد كافي 2 بس اهيا تبي و حملت يابت 6 حطتهم على قلبها و ريلها الحين تتشكى منه
كله هادها و مسافر و ان عنده علاقات … طبعا اهوا قايل مانبي وايد يعني لا تكودين عيال وايد و الياهال بيكبرون و يروحون
اللي بيظل انتي و زوجج و علاقتج معاه قويها عدل و اتفقو على شي واحد اهم شي الاتفاق على شي يرضي الطرفين

و الله يكتبلج اللي فيه الخير

بالعكس ماهمل نفسي بالمرره يمكن يزيد اهتمامي بنفسي في الحمل والبس الي ابي بشكل جدددا انوثي ومناسب لجسمي انا من الاساس يعجبني شكل الوحده وهي حاامل وانا ماشاء الله في حملي احلو بزياااده ولاني جسمي بالذات بطني يكبر احاول اظهر بشكل جذاب وجددا منسب لوضعي وجسمي يحلو اصلا لاني اضعف كثيير في حملي مافيني الا البطن ولما اولد ماشاء الله حتى زوجي يقولي مو مبين وحده توها والد لاني اضعف كثيييير لكن زوجي كذا يبعد في فترة الحمل وهو نفسه يعترف لي مايحب يقرب مني من لحظة مايعرف اني حاامل حتى علامات الحمل بعدها ماتظهر علي وبعدين النفاس يصير بعيد عني واذا ربيت طووول الليل مايبيني في الغرفه عن الازعاج لانه وراه دوام فاضطر اجلس في الصاله ليين مايروح العمل ادخل الغرفه