|
|
مساء الخير 
بنات انا تخصصي خدمة اجتماعية وانشالله عالكورس الاول الياي رلح اخذ اول ميداني
بس ابي اعرف اللي اخذوا الميداني شنو طبيعة الشغل وهل تاخذون مكافأة ميداني نفس بعض الكليات ؟؟؟
وبالنسبة للميداني جم مادة نقدر ناخذ يوياه لان في بنات يقولون ناخذ مادة وحدة مع ان انا سامعة بنية تسولف تقول انا ماخذة ميداني و 5 مواد عشان بتخرج .. شلون ؟؟؟؟
اتمنى تفيدوني بليز
اشكركم
حبوبة
بالنسبة للميداني مافيه مكافاة ولا شي
وعادي طبيعة العمل تختلف من مستشفى ولا مدرسة
والاثنين يبيلهم شغل بس المدرسة حوسة البنات وسوالفهم
اما المستشفى حسب اي مستشفى وتتعاملين مع المرضى
من كل الجنسيات ..
وبالنسبة للمواد ما يصير حياتي ميداني و مادة وحده
حده شوووووية …. يا تاخذين ميداني و 3 مواد يعني 12 وحده
او ميداني و 4 مواد يعني 15 وحده
هذا الطبيعي يا 4 او 3 اما اذا ميداني و مادة بيه متى تتخرجين
راح تتأخرين وايد ما عليج من كلام البنات حبووبة
بس نصيحه اخي ميداني عند استاذه زينه وما تكرفكم حييل … كلش ما انصحج بمدرسه لأنها حييييل تعب
و ماتسوا عليج القهر اللي بتشوفينه عندهم لووول ولا انصحج تاخذينبالمستشفى الصدري لآن رئيسة قسم خدمه
هناك بالصدري حدهااااااااااااا نسره و تسوي مشاااكل خياليه للبنات انا رفيجاتي ماخذين بالصدري هالكورس
بس يمدحون مستشفى مبارك و مستشفى الجهرا و مكتب الشهيد و امممم والله مايحضرني مؤسسات الحين
بس حدددج حاولي تاخذين ميداني عند أ. شريفه الشطي حدها تعلمج اصول التدريب وطيبه ودرجاتها زينه وحبوبه
و ترا اللي اعرفه ان في محاولات لإقناع الإدارة الجامعيه ان يعطون طلبة ميداني خدمه وعلم نفس مكافأة تدريب
بس عاد يبيلها جم سنه عشان تتطبق هالسالفه بس انشالله تلحقين عليها
و اي سؤال ثاني احنا حاضريييييييييييييين للطيبببييييييييييييين
بس بالميداني نشتغل بروحنا ؟؟ ولا الدكتورة تشرف علينا ؟؟ بالنسبة للتقييم مو الدكتورة تشرف
اخصائية المكان اللي انتي فيه تقيمج
اما الاستاذة اكثر شي تركز على السجل
و اللي فيه وتزورج المؤسسة وتسأل عنج وتقيم
وباخر الكورس في تقييم اللي تقيمه الاخصائية
اخدي عند سهام القبندي او شريفه او امنه الحكم او الضوويحي
ابتعدي عن ابتساااااااااااام كرااااااااااااااااااااااااااف ووشيخه القطامي هم كراااااااااااااااااااااااااف
تشرف عليكم اخصاائيه اكسبيها من اوول شي اشتغلي وسووي انشطه راح تقيمج عدل
الاخصائيه اللي تدربج تمسك 60 بالميه من الدرجات و40 بالميه الدكتوووره
بالنسبه للدكتوره راح تزوركم وتاخد سجلاتكم بين فتره وفتره تقيم شغلج اللي بالسجل
انشطتج تصورينهم وتحطينهم الخ,,
والله يووفقج ياا رب
انا ميداني ثااني ..
اي خدمه اناا حااضره ومووفقه قلبووو..