بنااااات التجاري تكفووووون ابي مساعدتكم >> انا مستجده والله يوفق الجميع يارب

انتي مستجده وجدولچ بالبدايه راح يكون اجباري يعني اهما حاطيلج المواد والدكاتره
وراح اقولج احسن الدكاتره بتخصصج لأنج نفس تخصصي :/
المواد العامه الاجباريه؛
ثقافه اسلاميه> د.حسن حموده بسسس والباجي مو زينين بالدرجات ويحاسبون على كل شي
محاسبه١و٢> اخذيها عند هيئه تدريسيه احسن- يمدحون دكتور عبدالهادي الشمري بس ماجربته
مبادئ اقتصاد> د.عبدالله العتيبي بس يقولون راح في عبدالله العازمي زين
مدخل القانون> استاذ فارس العجمي و يوسف المطوطح احسن دكاتره قانون يهبلووون وبعد يعطون ماده شركات واوراق تجاريه
مقدمه في الحاسب الالي> د.جاسم الاستاذ –
طباعه عربي>كلهم زينين والماده سهله وااايد والكل يجيب فيها aوb
مبادئ احصاء>استاذه اماني الرشدان شرحها وايد حلو وحقانيه ماتزيد ولا تنقص كل وحده وحقها
e> فاطمه الابراهيم تهبببل وامتحاناتها سهله وماتحظر واايد اهم شي لووول
مواد اختياريه عامه؛
انا خذيت ميكانيكا عاد انتي اختاري المواد اللي تبينها اذا بتاخذينها عند استاذ خالد يهبببل وماده سهله وااايد وبتاخذين فيها aمن غير ماتدرسين وتذبحين عمرج
مواد نخصصيه اجباريه؛
تنظيم محاسبي للشراء والتخزين> د.محمد العوضي وبسسس اهيا ماده كله شرح وفهم والدكتور حده مسهل الماده ويفهم واايد
اصول اداره> اسيل الدعيجي او ايوب المزيني
تكنولوجيا> د.عبدالكريم العريعر شرحه وااايد سهل وامتحاناته اختياريه وسهله وااايد ويعطي كل وحده وحقها ويساعد
اداره مشتريات > الله يعينج على دكتور هالماده لأن ماكو غير هالدكتور( علي الفرس) كللللش مو خوش دكتور مايعطي aلو البنت تموت جدامه نحيييس حده وان شاء الله على ويهج يجي دكتور غيره لان سنين واهو موجود عمره طق الاميه لوووول
استخدامات حاسب الي> خذيتها عند حنين عبدالرزاق الماده واايد سهله وبتنجحين فيها وانتي مغمضه بس يبيلها دراسه وامتحاناتها سهله واايد
امن مخزني> اسيل الدعيجي تهبل
مناوله > اخذيها عند استاذ محمد اهوا مصري عجييييب
مواد تخصصيه اختياريه؛
انا اخترت اسهل ماده اهيا اداره صناعيه عند د. ايوب المزيني