|
|
شلونكم بنات شخباركم…
بنااااات اليوم رحت وحست حواااااسة ادور سرير حلو حق البيبي مالقيت؟؟؟
رحت الله يسلمكم أنار اللي بالبستان فوق….يعني اسعاره خيالية و فوق هذا مو ذاك الزود!!!!
ورحت الكاروكة اللي عند طربان بالسالمية…حلوين بس اللي عجبني كان ب 180 والصراحه وايد على سرير حق بيبي ماراح ينام فيه الا جم شهر…لان مو كبير ماينفع حق البيبي بعد 6شهور!!
عفية عطوني اقتراحات وين اروووح؟؟؟ وترى انا ابي سرير صغيرون يعني بس حق الاشهر الاولى ويكون سعره معقول يعني مو اكثر من 70 مثلا؟؟؟ 
اما بعد النفاس آخذ السرير الي يكفيه لعمر 6سنين مو 6شهور……وصدقيني حتى لو تاخذينه غالي سعره بيكون فيه لان يستمر معاج عمر……..انا شريت سرير حماده ولدي الكبير من انار ب100 دينار…هالكلام من 8سنين…وللحين السرير موجود وتعاقبت عليه الاجيال اسم الله عليهم
ولاتنسين ان البيبي الاول الام تكون مطفوقه بس تبي تشتري
اخذي من الاند مارك كويسيين وارخيصيين او روحي لعيد النصار شغلهم رخيص وازوين بس انا ماعجبني كنت ابي شي رزه لبنتي وشريته من انار ب100 وهناك هو مقطوط يسمع حسج
لاتاخذين غالي اخذي الكويس والرخيص لان البيبي بسرررررررررررررررررعه يكبر ماشالله فماراح تستفيدين منه وايد مرده للكبت بيتخزن للي بعدوووووووووووووو ان شالله
وحق بعدين نصيحة مثل ماقالت سبايج لاتاخذين حق بوسنه وسنيتن وبس اخذي حق 4 سنين جان تبين
واذا كلش ماتبين غالي مالج الا نجاره كد ومد
انا ماخذه منهم واحد ب 80
اخذي شي زين بس رخيص حق النفاس لأن يمكن اهل البيبي يمرونكم و دهم يشوفونه عاد تكشخين عليهم بالسرير !!!
آنا ولدي الحمدلله عطتني خالتي – الله يخليها لنا – هديه سرير من آنار مع طقم كفرات و برده من فووق حق السرير ، بس كبير حق طلعت النفااس و فتكيت من الدواره ..
الله يسهل عليج …
مع خالص التحيه ..
وعندج مذركير بعد شغله مرتب
والسرير الاصلى من لاند مارك خذته وقت التتنزيلات كان ب 80 خذتع ب 50 بس ممتاز عيالى الاربعه يقعدون فيه يلعبون ولا يصير فيه شى والحين عطيته اختى
روحي عيد النصار في محل شغله ايهبل ونفس الماركة موجوده بلاند مارك أسبانية
يطلعلج كتالوج وتختارين منه
وعنده فرع ثاني بالسالمية
السرير ب 25 بدون فرشه
وتقدرين تسوين طقم كامل السرير وكيس الياهل والجنطة يطلع عليج كله 60 دينار
مكانه بالسرداب بس المشكلة ما اتذكر الاسم
اهوا الوحيد الي عنده كتالوج