|
|
مادري شسوي !!
انا خريجة معهد كمبيوتر .. دبلوم ..
يوم الاربعا خذيت شهادتي ..
والهيئة بالاساس وزعتها يوم الاثنين بس ماقدرت اروح الا الاربعا المهم !!!
انصدمت رفيجتي اليوم داقه علي تقولي ترى سكرو باب التسجيل بديوان الخدمه !!!!!!!!!!!!!!
ودشيت موقعهم قبل شوي حطيت اسمي ورقمي جان يكتبون نأسف انتهى وقت التسجيل!!
الحين مادري شسوي عطوني حل !!
شقصدهم ترى موفاهمه شي!!
يعني خلاص راحت علي ؟؟ ماراح اتوظف ؟؟ والا شنو ؟؟؟
بنات بليز ترى انا ماعندي اي خبره بهالسوالف ابيكم تساعدوني وتقولون شنو اللي صار وليش؟؟ واذا يصير باجر اروحلهم والا لا ؟؟
واللي تروح عليها فتره التسجيل شتسوي؟
تكفين تأكدي !!! انطر لي شهر 9 !!!!!!!
يالله ميخالف اخذيها درس لج ، ثاني مرة تأكدي متى ينتهي وقت التسجيل عشان تضبطين وقتج .
الحياة كلها دروس ، بس لازم تستفيدين من هالدرس عدل
سامحيني اذا كلامي ضايقج . لكن والله عشان مصلحتج . و الحمد لله على كل حال . استفيدي من هالوقت و سوي لج مشروع صغير او زيدي خبراتج عشان تزيد شهاداتج و تحصلين مكان عمل احسن .
يعني معقوله مافي مجال اليوم اروح واحاول فيهم ؟!!!!! اتصلي عليهم
والله يوفقج
وياحيل الله
روحي الديوان على طول و اخذي معاج صورة البطاقة المدنية و شهادتج و صورة منها و ودي وياج صور شخصية ( يعني بكل بساطه اوراقج المهمه لان نسيت شنو يبون بالضبط )
و قوليلهم انا استلمت الشهادة متأخر و ماقدرت اقدم عالديوان و طافني التسجيل
ولو ان الشهادة مالها شغل بالتسجيل بس يعني يمكن يعذرونج
و يعطونج ورقة تكتبين فيها العذر و بعد اسبوع تقدمين عادي
والله يسهل امورج
بس لا تيئسين روحي ميخالف فيها تمشور بس عشان يحسبونج تسجيل متأخر مو تنطرين لي مادري متى
صار معاي جذي بس كان الغلط من الديوان مو مني و رحتلهم و سجلت متاخر و الحمدلله طلع اسمي بسرعه
بيتفهمون
بس حدي مخترعه ومظايقه لان التسجيل خلص الاربعا واليوم السبت ! الله يعينج اعتقد مافي الا شهر 9 تسجيلترى خيره صدقيني .. ارتااحي جم شهر مووايد ترى
وان شاءالله ربي يوفقج وتتوظفين الوظيفه اللي تبرد قلبج
مشكورة ياقلبي جروح تبتسم .. والله موميته على الوظيفة بس مادري خفت لان كل البنات سجلو الا انا!!! مااقووول الا اللي بالجدر يطلعه الملاس >>>>> شكوووووووووووووووو !! بنات بليز اي وحده فيكم تدري متى يبطلون التسجيل مره ثانيه .. تحط لنا خبر ومشكوووورييين
بشري اشصااااااا معاج؟
احاتييج.