|
|
السلام عليكم ورحمة الله وبركاته
خواتي ما عرفت وين احط موضوعي فقلت احطه هنيه لعله و عسى في احد يقدر يفيدني
خواتي بغيت ابني مسجد للمرحومه يدتي..يمعنا مبلغ و المبلغ 13 الف دينار كويتي
وبصراحه مساجد الكويت غاليه وايد…فنبي نبني مسجد باحدى الدول العربيه الاسلاميه مثل اليمن او سوريا
او ايران ((المهم عربيه اسلاميه))
فممكن تعطوني جم تكلف؟واذا عندكم اماكن تقدر تفيدنا بهل موضوع..لاني سمعت بنك التمويل عنده اماكن خيريه من خلالها
نعطيهم المبلغ و يسوون لنا المسجد…بصراحه انا مالي اي خلفيه فياليت تساعدوني لانه ناويين نتحرك هل اسبوع باذن الله
سبحانه…..وادعو ليدتي بالرحمه والمغفره ومشكورين و بارك الله بكل وحده ترد عل موضوع و جزاكم الله الف خير
بس سمعت اوزباكستان المسجد الواحد يكلف 20 الف دولار
لان في قرى عندهم مافيها مساجد والبنا سعره رخيص
بعدين يخلونه حسينيه!! وانتي تبين مسجد
!!
سوي مسجد بعمان ترى موحيل غالين واالا شرايج مو اليمن !! والا اقولج
الدول الافريقيه الفقيره فيها مسلمين انتي دقي على جهة من هالجهات المختصه بالأعمآل الخيريه
يعني ليه شاطحين لايران
<تحسينها تنرفزت 
في ميزان اعمال جدتج ان شالله لكم بالمثل 
ويجعلها في ميزان حسناتكم يارب العالمين
وحبيبتي عندج لجان كثيرة مثل لجنة احياء التراث الاسلامي بالجهراء وفي لهم فرع بقرطبه اعتقد
عندهم بناء مساجد من 3 الاف وصاعد
3 الاف في افغانستان اعتقد وهالدول
وعندج من 5 الاف مثل اليمن
والدول الأخرى مثل مصر وسوريا شوي اغلى بحدود 15 ألف
وفي من يومين جذي قريت اعلان على قناة العالي الاسلامية
في لجنه تسوي اعمال خير مثل أبار و مساجد وبناء مدارس
وكانو حاطين ارقام الهواتف والأسعار
بس ماثبت صراحه
تقدرين تحطين على القناة وتشووفين
ان شاء الله أكــون قدرت أفيدج
وادعيلي الله يوفقني وأكمل مسجدي يارب العآلمين