بموت من القهر ام اتدعي؟

السلام عليكم

والله ما ودي اكتب هالموضوع بس بقولكم لأني ما اقدر اقول حق احد من اهلي مهما يكون هذا ريلي واهل ريلي
مابي اشوه صورتهم

خالتي مصريه عايشه بشقه بروحها لأنها منفصله عن عمي ابو ريلي
ريلي قالها اتيين اتعيشين معاها وبنتها قالتلها او ولدها الكبير قالها قالت لأ لأ انا احب الخصوصيه وماحب اعيش مع احد وما شاء الله عليها شقتها ما تفضى رفيجاتها يوميا عندها من جمييع الجنسيات واهلها بين فتره وفتره ايون الكويت وعيالها يوم وترك عندها

خالتي ماتاخذ نفقه ولا شي ريلي يعطيها 200 واخوه الكبير يعطيها 150
شقتها اجارها 150 و200 مصرفها وماشاء الله زايد وكل شهر اتدز حق اهلها بمصر وتشتريلهم مو بايلات والعاب سوني ما سوني حق عيال اختها ماعلينه فلوسها وكيفها

طبعا اكيد بتقولون شكو ريلج قايلج عن سالفة الفلوس شي بينه وبين امه
جان زين ريلي اللي قايلي اهيا بنفسها قالتلي ولمن ريلي قالها ليش اتقولين جان اتقولها عشان تدري انك ماتقصر على امك وانه امك اهم شي عندك
الحمدالله والشكر

المهم
بنات ام ريلي من تزوج ريلي واخوه واهيا صايره مو طبيعيه

علاقتي معاها كانت ممتازه بس صارت شبه منقطعه من سوالفها والحمدالله انا مرتاحه جذي وريلي مرتاح دايم يقولي دام انها مو صلة رحمج ما اقدر اغصبج عليها لأنها ادري شتسوي

المهم

بنات امه مو طبيعيه

قبل كانت ساكنه بشقه بالمنقف كانت وايد كبيره وحلوه قالت بغيرها ودقت علي ريلي قالتله تعال ودني بشوف شقق وداها لقت شقه بخيطان وايد وااااااااااااايد صغيره وتفشل حنت الا ابيها ريلي قالها لأ وايد صغيره والمنطقه خايسه شسوت .؟؟ بجت ودعت على روحها وصرخت وتهاوشت وانا غضبانه عليك لي يوم الدين وانته ماتخاف الله
قالها يبه خلاص خلاص تبينها اوكي اخذيها
ثاني يوم يه اخوه الكبير عشان يشوف الشقه ويوقع العقد
جان يدق على ريلي يتهاوش معاه انته شنو ما عندك احساس بتسكن امك بهالشقه شنو احنا مقصريين معاها شيقولون الناس ريلي قاله امك اللي تبيه شسوي جان يقوله كيفك كيفك
دق ريلي على امه قالها انه ولدج مو راضي وسوالي سالفه جان ترد تبجي وانا ابيها وانتو مالكم شغل هالمنطقه فيها رفيجاتي وانا استانس معاهم ريلي قالها كيفج وراح اخوه وقع العقد معاها وقالها مو تقولينلي بغير الشقه خلاص انامالي شغل
طبعا اسكنت فيها جم شهر جان اتدق على ريلي قالتله بغيرها مابيها واخوك مو راضي يوديني اشوف شقق انته ودني ريلي قالها اوكي بس دوامي شفتات نطري علي يومين طبعا سوتله سالفه وبجي وانا لاقيه شقه واخاف تروح علي وكله منك انته سكنتني بشقه صغيره وزباله انته السبب اخوانك كانو مو راضين اسكن فيها بس انته اللي رضيت طبعا ريلي قام يطق على راسه قالها يمه مو انتي سويتيني ما اخاف من الله عشان الشقه قالتله لأ كله منك كا اخوك مارضى اسكن فيها
قالها مو مشكله يلا اندورلج غيرها وداها جم شقه ما عجبوها دقت عليه بعد جم يوم جان اتقوله في شقه ابمدينه سعد شكلها خوش شي ويم شقة اختك قالها اوكي اوديج جان اتقوله ييب بطاقتك المدنيه عشان اتوقع العقد قالها يمه خل اخوي يوقع العقد انا ما اعرف بسوالف الشقق وخل اخوي يشوفها عشان ما يتحلطم بعد
تدرون شصار
مابقى دعوه مادعتها عليه
ان شاء الله اشوفها بعيالك الله لايوفقك
لابوك لابو زوجتك الله ياخذك ويفكني منك
وانته مو ولدي
وانا وربي غضبانين عليك لي يوم الدين
ومابي اشوفك وانسى اني امك
بس كل شهر تعال عطني فلوسي واذلف
اهم شي فلوسي
واكيد انته ماتبي اتوقع العقد عشان ناوي تقطع عني مصروفي وماتبي راعي الشقه يطالبك
قالها لو بوقف المصروف ايي حق الريال واكنسل العقد وافك روحي شهالسوالف انا متى يبت طاري الفلوس وصج ريلي عمره ما قالها شي عن الفلوس معنه احنا عايشين على قد حالنا واهيا حييل اتدزز فلوس حق اهلها وكل مناسبه اتقوله ابي وابي وتخيلو شقايلتله اي بونص يعطونك دوامك نبي نصيب منه اشدعوا
واااااااااي
ريلي سكت وكلم اخته اخته قالتله شنسوي بعد هذي امنها غصبا علينه انتحملها ريلي حاول يراضيها بس من قلبه يقولي انا والله كارها خلاص اهيا ما احسها امي انا بس بجابلها عشان ربي يرضى علي
بنات هذي مو اول مشكله عشان جذي ريلي انفجر وأول مره يقولي اللي بقلبه كل مره يخش علي عشان امه
بنات انا حامل وهذي 24 ساعه اتدعلي علينه
عقب هالسالفه وعقب ما راضاها
توا دقت قالتله بروح طبيبي الاسنان جان يقولها سيارتي خربانه وتوني قاعد بصلحها وبالليل مواعد رفيجي عشان عندنا عرس وبنفصل دشاديش
جان اتقوله رفيجك اهم مني جان يقولها رفيجي بروح معاه بالليل ماله شغل بس سيارتي خربانه
جان اتقوله الله ياخذك ان شاءالله والله لا يوفقك ان شاء الله قلبك يحترق على عيالك ودعت ودعت ريلي ويها صار احمر وحسيته بيبجي جان يقول ان شاء الله يصير فيني شي وترتاح وكاهو طلع راح يوديها والسياره خربانه فيها رجفه
بنات شنو الحل انا قلبي بس مو قادره اتحمل مو قادره انام
24 ساعه اتدعلي عليه ماكو فايده يقولها مو زين لاتدعين اتقوله امبله ادعي

الله يصبر قلبج يارب

ويهدي خالتج ويصلحها

شتسوين بعد سوات الله ابرك عندنا وعندج خييييييييييييييييييييير

بنات شنو الحل والله انا خايفه هذا ريلي حبيبي ابو عيالي ان شاء الله شلون اتدعي عليه جذي توني كلمت بنتها اتقولي والله شسوي فيها اهيا مادري شفيها كل يوم جذي اتدعي اقولها اشتغفري مو راضيه
واللي قريته انه حتى لو الام غلطانه لو دعت دعائها مستجاب حتى لو مو من قلبها
يااربي والله لو ادري انها جذي ماخذيت ولدها

خليها تدعي الله ماراح يستجيب دعائها لانه ريلج مو ضالمها

الله يهديها بس في ام تدعي على عيالها جذيه

استغفر الله

بل زين سويتي ابتعدتي عنها الله يعينج عليها وايعين اعيالها عليها

:: الله يهديها ::

لاحول ولا قوة الا بلله
بس ترى هالجنسيات عادي تدعي على وولده وباجر تدعيله
الدعاء شغله سهله عندهم لسانهم زفر
وأنتي مالج الا الصبر واهم شي صبري ريلج لايصير فيه شي من القهر
وقوليله هذي امك ومالك غنات عنها ومن هالكلام أنتبي تحجين فيها ترى لو راضته بيقلب عليج
والله يهدي نفوسهم أنتي حامل والله مايظلم عبد لاتخافين من دعواتها دام ريلج ماغلط عليها
لاااااتحاتين تطمني

لا اتخافين الله يستجيب دعوة المظلوم مو دعوة الغلطان حتى لو كانت ام وغلطانه الله مايستجيب الله يسمع ويرى

الله كريم
والله يابنات شفت ناس اتحب الفلوس بس كثرها ماشفت
الحين صارلج ساعه اتدعين ومابي اشوفك
واانا مو امك
وبالاخير اتقوله بس كل شهر تعال عطني الفلوس واذلف
قطع

ويييع الله يعينج علا هالخاله القشره
عاد انا ريلي بعدنا بس ملجين وامه هم مصريه
اااف ويييع والله لوعت جبد والله يحفظج ويحفظ ريلج
ويهدي خالتج اللي شكلها مو مال هدايه

:

صااجه

ان شاء الله يارب ربي ما يستجيب دعائها والله بنات اني على طول اقوله ميخالف تحمل راضها شنسوي بعد بس اهوا كارها بنات والله كرها هالمشكله شي من 100 مشكله ميننتنه
مصريه واي واي تقهر

مره كبيره لا حول لها ولا قوه محد سندها بالدنيا الا عيالها طبيعي تنقهر و اتحلطم على عيالها اذا ما سووا اللي تبيه عادي جدا

سايسوها و داروها

كبروا عقلكم وان شا الله ما يصير الا الخير

وترى دعاويها مو من قلبها اهي مجرد تفش خلقها من الحره ماكو الا انكم تساحلونها ولا تشدون معاها

لا مو مره كبيره
عمرها توه 40 سنه
وكل شي عندها
بس اهيا جذي مصريه
يعني تخيلي مره ولدها قالها هالشهر بدال ما اعطج 200 بعطيح 150 سوتله فظيحه
ليش لانها بتدز حق اهلها يعني اتقصر على عيالها عشان اهلها
وخواتها كل وحده فيهم ماخذه خليجي
تبي كل شي على كيفها
وملوعه جبد عيالها واهمه مساكيين يساحلونها عشان ربهم طبعا
بس اهيا مو كفوو