|
|
السلام عليكم ورحمة الله وبركاتة
بنات انا عندى مشكله اعانى منها مع ولدى عمره سمالله عليه(11)سنه داش فى (12) اهو الحمدلله فصحه زينه وياكل طبيعى بس مشكلته فى طوله قصير شوى حتى اخوه اللى اصغر منه اطول منه واحس انه متضايق ودايما يقارن نفسه بغيره وكل مايشوف احد من اللى نعرفهم يقول يمه منو اطول انا والا اهو بصراحه هذا الشى يضايقنى وايد وديته الطبيب عطانى فيتمينات بس ما فادته بشي والمشكله المدارس قربت وهو راح ينتقل مرحله ومدرسه غير واكيد راح يحس بهالشى اكثر من اول ارجووووكم اذا عندكم حل او تعرفون عيادة ردوا على.
الاحسن انج تسوين له تحاليل هرمونات و تلحقيه اسم الله عليه قبل لا يكبر و صعب تعالجين المشكلة لانه اعتقد ان الشباب يتوفف طولهم في سن ال 20
في رسم بياني موجود بكل اقسام الاطفال يحطون عليه وزن وطول الياهل ويقارنونه بالاهل وبالناس الطبيعين
وساعات يكون القصر مجرد تأخير ولما يبلغ الياهل يطول بس شوي يتاخر عن اللي بسنه وغاليا تكون وراثه من الاب
اذا في مشكله بالهرمونات غالبا معاها اعراض ثانية يكون طوله متأثر اكثر من وزنه اما اذا مشكله بالتغذية يكون العكس
اذا كان سبب القصر وراثي فماله حل ولا حتى في ناس ياخذون هرمونات نمو اذا كان طبيعي ماراح تفيده كلش
روحي حق طبيب اطفال واهوا راح يسوي التحاليل اللازمة عشان تطمينين وانشالله ماكو الا العافيه
اذا تعرفين بالضبط طوله ووزنه وعطيني عمره بالضبط انا عندي ورقه الرسم البياني