بلييز لايروح المعاش هبائا منثورا

(بنات هالموضوع حطيته بالاستفسارات ومحد فااادني قلت احطه عند العرااايس يمكن القى نتيجه)

السلام عليكم

شلوونكم بنات شخبااااركم

بما انه اول معاش بينزل لي هالاسبووع

وبما اني عرووس فريييش وبخااطري اسوي توووحيد لووون ( تبيييض جسم )

فـ قلت مالي غير خواتي كويتيات يفيدوووني

الحييين المطلوووووووووووووووووووووووووووووووووب

انا سمعت عن مكانين يسووون هالشي بسعر 400 تقريبا

اول مكان صالوون اوبرا الي بالجابريه والثانيه كوزومودم الي بالمهلب فووق

الي عندها خبره بالموضوووع تكفى تفيدني

وتقوول لي شكثر ياخذ

جم جلسه وشلون الطريقه إلخ إلخ إلخ

وتشكرآآآآآآآآآت ياااحبااايب آلبي

عفيه عليج هذا اهم من الدراريع والخرابيط حبيبتي انا بعد سمعت عن هالصوالين بس ماجربت

الله يوفقج

اي والله من صج
ملينا من اللبس والخرابيط
يعني حلات العروس تتميز بشي جديد اما بالنسبه للبس فـ احنا الحمدلله ماعلينا قصور وطول السنه احلى اللبس علينا ^_^

بناااااااااااات ناااااااااااااطرده ردودكم بليز بليز بليز بليز

حبيبتي في وحده بالمنتدى قبل فتره حطة موضوع عن صالون اوبرا واعتقد كانت مسويا توحيد جسم ضمن الكلام الي قالة انهم ما عندهم ضمان ولا مسؤوليه اذا صار فيج شي وذكر انها صار في جسمه شي بس شنو مادري
هذا تحذير وما ودي اخرب سمعة صالون بس همن ما ودي يصير فيج شي

ماددري
بس حبيت ارفع الموضوع

مثل ماربي خلق للانسان لون عيون معين
ولون شعر معيين
طول معين

خلق الناس مختلفين في لون البشره
ماكو شي اسمه تبيض ……….
ينضفون البشره يعالجون مشاكلها بس تبيض مو صج
وكلة كيماويات خطيرة
وتسبب سرطانات
هذي وحده شرت من بنت بالمنتدى حبوب لتبيض؟
تخيلي مادري شلون تاكل حبوب ماتعرف شني ماهيتها ولابدون وصفه
ومن النت بعد؟؟
وبعد شهر او شهر ونص حست بوجع مكان الابط
وراحت للمستشفى اكتشفوا انه ورم بس حميد وشالوه
وصارت ياقلبي بس تحذر من هالخرابيط

وماقول غير الله يوفقج في زواجج ويهنيج

يمه بنات كلامكم خرعني

والله مادري اول مره اسمع فيهم

بس اذا تبين تبيضين شوي سوي ليزر يبيض + حطي كل يوم جلسوليد وليمون وزيت اللوز المر والله هالخلطه تفتح حييل

وعسى الله يوفقج ويسهل عليج امورج كلهااا يالغلاا …

تسلمين حبيبتي نجوم الثرياا

بس انا مشكلتي بالبيت ما التزم بس لو بالصالوون غصب اروحلهم

آآب آآآب الله يووفق الي ترد علي

انا اقولج خلج عالاشياء الطبيعيه والله ماتدرين شنو يصير من هذول الله يكافينا وياج الشر

اشتري بوكي نواعم من مزيونه وشقره والله انا شهرين عليه ورررررررررررررررربي فرررررررررررررق بس استمري ولاتقطعينه

وبطلب واحد لعرسي لان اللي عندي قرب يخلص

عليج بالسنفرات الليمون والسكر وزيت زيتون يهبلووووون للجسم

يعني بدال توحيد اللون مثلا سوي اشتراك لشعرج جلسات عنايه احسن وافيدلج

رطبي بشرتج على طول لان الجفاف سبب للسماااااار

انا امووووووووووووووووووووووووووووت بجرجنز بزبدة الشيا مووووووووووووووووووطبيعيه عقب السبوح

استمري فتره ولاتملين والله بتحسين بالفرق

انا معاهم خليج ع الاشياء الطبيعيه ابركلج من الصوالين وبلاويها وبتستفيدين من فلوسهم بشي ثاني

هاي بنات شلونكم …. بقيت اقولكم تجربتي عن مس اوبرا توحيد الجسم .. رحت وسالت قالولي يوحدووون لون جسمج كلا لون واحد يعني الركب الاماكن الحساسه كل شي يصير لون واااحد ومضمووون … المهم لازم تدفعين كاش المبلغ كلا دفعت … واهم 8 جلسااات اب 350 تدخلين بجهاز يرش عليج نفس الماي وهوا ينشف جسمج بس وكااااا خلصت الجلسات ال8 وماااااااااااااااااااااااااافي اي نتيجه حسبي الله عليهم والله قتلهااا ماحسيت اي نتيجه تقول لا الاماكن متحسنه شسوي بعد مابيدي شي وماعندي اي اورقه ولا شي اني دافعه ونتيجه مضمووونه بس ديربالكم والله ياخوووووووووووون هالفلوس وماامنها نتيجه وسلامتكم والللي عندهااا اي استفسار تقولي

اذا تبين نصيحتي خلج من هالتفاهات الي ما لها داعي اذا بتغيرين خلي التغير بعد العرس بعدين يعني الحين الرجال ما يعرف شكلج بس بعدين راح تختلفين عنده يعني بعدين اصبغي وقصي اهم شي عندج زوجج اما الناس ما لج شغلج فيهم

هذا اذا تبين نصيحتي

موفقة حبيبتي وعالبركة

شوفي اهم شي الليزر حق جسمج والحمامات المغربيه تشيل اليلد الميت وحطي كريمات ترطب اليلد وحق الركب احسن شي روحي طبيب جلديه
انا حرمت اتعامل مع الصالونات بذات كوزومودو اللي بالمهلب قالولي دفعي 300 عندنا جهاز يشيل الكرش ويخصر الجسم ودفعت والتزمت وماتغير ولاااا شي بس نصب!!