بلييز بنات اللي متزوجه ومجربه الحياه مع الريال بسسس تدشششش :(~

حيآكم الله بنأت

اول مره اكتب موضوع بالحياه الزوجيه

دايم اقرى واستفيد منكم فديتكم

بس هالمره حبيت اكتب لكم مشكلتي او بالآحرى سالفتيييي

محيرتني وااايد والله يابنات

انا متزوجه من 10 شهور بس مستغربه من زوجيي وايد بسالفه

اللي اهي سالفه الطلعات

اذا قلت له نطلع نتمشى لو بالسياره او نشرب عصير يسويها مآسآه

يحسسني اني طالبه شييي جآيد يكرهني في الطلعه قبل اطلع

ولما نكون بالشقه شحلات نفسيته

قهرني بهالسالفه والله اقوله يقولي من مكياجج شوفي الناس شلون يخزونج حتى الحريم

لاتقولون ليييييييي لاتحطين مكياج ماحطيت هم نفس الشششششي يعني عذر لا اكثر ولا اقل

جربت معاه من غير مكياج يقولي لو رايحه لهلج جان حطيتي وكشختي بس لي ماتكشخين

والله اللي اشوفه بنات خالتي ورفيجاتي واختي الله يهنيهم مشاءالله تبارك الرحمن اللهم لاحسد

اذا كانو ببيت اهلهم بينامون او ماشافها اليوم يدق عليها تطلع معاه شوي يتمشون او يتقهوى معاها عند اهلها

ساعه او نص ساعه ويطلع

انا حتى بيت اهلي اذا زارنييي جنه مقرووووص مع انه بيت عمه

يقول استحيي

والله تعبانه حيل من هالسالفه والحين بهالصيف اهله واهلي مسافرين ومجابلته ومتملله والله مدري شسوي

واذا قلت له عصب وانا زعلت بعدين يقولي يله نطلع انا اهون اقوله مااااابي طابت نفسي

فعلا يطيب خاطري من طلعه من ورا النفس ماحب خلاص ينعفس مزاجي فوق تحت

المفروض انه يراعي الحال والوضع الي انا فيه بالثامن وتعبانه ووممنوعه من السفر

بس شتقولون اهم ماعليييه الدوانيه 24 سسسسساعه

ادري طولت عليكم بس مو مني من الصيف والغلقه والمغثه اللي غاثني اياها

شتنصحوني فيه شسوي بنات

واذا قلت له ابي شغله روحي مع اختج والسايق مليت من هالحاله

لو يغار على قولته ماخلاني اروح مع اختي والسايق صح او لا ؟؟

يمكن واااااااااااااااااايد يغاااااااااار
ويمكن لأنه انتي حاااااامل متحسسه من الموضوع بزياده مافي احسن من التفاهم تفاهمي معاه وانشالله يصير الي يرضيج ويرضيه
والله يهنيكم انشالله وتقومين بسلامه

الله يصبرج ان شالله تفهمي معاه كلميه بسياسه والله يهديه لج

بالنسبه حق الطلعه اللي كله يتعذر فيها عادي حبيبتي اكثر الرياييل جذي يا تحاوليين تعودينه على طبعج او انتي تتعودين على طبعه بس مو كل ما تعذر تزعلين غلط حبيبتي راح تحسسيينه بملل وبيتم يعاندج ..
اخذيه بالمسايسه وقوليله خاطرج تطلعيين اليوم وياه تتمشيين وسئلييه شنو يبي ؟ تكشخين ولا عادي عشان ما يكون له عذر
وكل شي بالهدااوه يريح الطرفيين النقاش الحاد ابتعدي عنه .. والله يصلح بالكم انشالله

مشكوره حبيبتي على دعوتج الحلوه

بس لو يغار مايخليني اروح مع السايق بروحي او مع اختي

مشكوره على مرورج

الصراحه كل الرياييل جذي حق مشاويرهم فاضين ولهم مزاج وبالاخص الديوانيه والقهوه مايقدرون يستغنون عنهم بس حق المراه كله يتعذرون
وفعلا ترى الحمال يلعب بالنفسيه ويخليج حساسه زياده عن اللزوم الله يسهل عليج يارب
فانا من رايي مافي شي احسن من الصبر والدعاء وعسى ربي يهديه ويسخره لج وكل شي بالهداوه والمساحل والاسلووووب الحلوو اهم شي الاسلوب لايكون ناشف والله يفرج همج ان شاء الله
فديتج لاتتضايقين عشان النونو اللي ببطنج

تسلمين حبيبتي على الدعوه ولج مثلها يالغاليه

مشكوره حبيبتي تسلمين على المرور يالغاليه

تسلمين يالغاليه على مرورج ومشكوره على الدعوه الحلوه مثل صاحبتها

عادي هذا طبعه اصبري عليه شوي او تحملي اطلعي معاه حتي لو طابت نفسج بعد شتسوين

بس خليه حياوي احسن من المبلتع

^^

مشكوره سيده على مرورج ومالنا الا الصبر والله يعين

الله يعـــين الجميع

ياحبيتي وسعي صدرك ترى انتوا ماصار لكم حتى سنه ومعروف ان السنه الأولى يكون فيها زعل كل واحد يبي يفرض رآيه على الثاني وبتعودين على طبعه شوفي انا صارلي اربع سنوات والطلعه لازم بعد ترجي سبحان الله مايحبون يتمشون مع زوجاتهم مالهم خلق بس هو يقول انا اجي من كيفي واطلعك مو انتي اللي تقولين لي ولاخليته على وجه نتعدى الشهر ماطلغت ويضيق خلقي بس وش تسوين لازم تتعودين وتأقلمين نفسك على طباعه حتى الماكياج مستحيل يخليني اطلع إلا امسحه فاتعودت إني احفظ ماي وجهي وماأحط إذا جينا نطلع كله مع الوووقت.
والله يوفقك ويهون عليك وتولدين بسلامه

اييي معاييي نفسيته اذا طلعنا ونص ساعه او ساعه بالكثير ونرد

واذا مع ربعه ادق عليه النفسيه والضحك ويقعد بالمجمع او السوق 3 او اربع ساعات لايمل ولاشي

والله شي يحز بالخاطر

المفروض مثل مانراعيهم يراعون شوي مو جذي

مشكوره على مرورج نورتي حبيبتي وتسلمين على الدعوه

واذا قلت له عصب وانا زعلت بعدين يقولي يله نطلع انا اهون اقوله مااااابي طابت نفسي

فعلا يطيب خاطري من طلعه من ورا النفس ماحب خلاص ينعفس مزاجي فوق تحت

المفروض انه يراعي الحال والوضع الي انا فيه بالثامن وتعبانه ووممنوعه من السفر

هلا حياتي … والله يقومج بالسلامة انشالله …
نصيحة .. اذا عصب وبعدين قالج يلا نطلع طلعي معاه ولا جن شي صار او حتى لا توضحين انج زعلانة بكل وقت ..
عشان لا ياخذها طريقة كل ما قلتي له يعصب بوجهج ويخليج تغيرين رايج …وهو مرتاح ولا جن شي صار ويروح الدوانية وانت تحترين … وبعدين عن تجربة الريال ما يراعي المرأة الحامل الا ما رحم ربي …طبيعة فيهم مثل ريلي عرفت مع مرور الايام ان يستحي ان يعبر عن الي بداخله وعن خوف عليه .. ويعبر عن هذا كله بطريقة خاصة فهمتها بعدين …
وبصراحة حاسة ان ريلج من النوع الي يحب يعتمد على الغير مثل اختج والسايق هذا تنحل مع مرور الايام والعشرة ووجود الاطفال….
والله يوفقج…

تبين الصج كلهم جذي يطلعون الف حجه عشان ما يطلعون بسسسس انتي لااااقال يلااا امشي لااااا تقولين طابت نفسي اطلعي ما عليج منه خل يتعود انه يطلعج واضحكي وسولفي خليه يستانس مو تقلبينهاا نكد عشان يكره الطلعه