بليز فزعتكم ترتيب غرفة العروس

حياكم عرايس

بالنسبة لجناط العروس لما يودونهم اهلها لغرفتها في بيت العريس
شنو الافكار اللي تنحط (( طبعا الكل عارف انو الزوج ممكن يشوف كل اغراضج
فلازم يكونون بشكل منسق وجميل ومرتب وحلو انه يكون فيه ابداع في الافكار

مثلا العطورات كيف يتم ترتيبهم هل ينصفون على التسريحة مثل مال اول ؟؟؟

ولا تنحط في صينية نحاس او زجاج مثل حقين السنتربوينت

الخمريات مال الشعر – اللوشنات والمجموعات العطرية شنو المناسب لهم

مثلا سلة خوص فيها ورد مجفف ؟؟؟

الميك أب شنو الشغلة اللي يترتب فيها حدي محتاااارة

الملابس الداخلية الكل اكيد متفق على انهم ينحطون في بوكسات

اذا فيه رااي ثاني اسدحوه

بليز عرايس واللي سبق وجربو واللي ممكن يفيدونا

وشلون ترتيب غرفة العروس من النواحي اللي ذكرتهم ولاحد يبخل علينا بفكرته الله يوفقكم

وانا بعدد ودي اعرف عن الترتيب

بانتظار البنات ؛)

وينكم بناتتتت

بليز لا تتاخرون

إن شااء الله يفيدونج من تجااربهم …..,

سووووري بكون في صور كبيره حيل

انا عن نفسي اشوف ماله داعي الزركشه الزايده الي الناس تسويها !!

جد والله الي يغلفون العلب ومادري شنو ترا مصيره الزباله وانتوا بكرامه

بتقوليلي عروس وبتستانس لا والله اونس نفسي بشي مفيد احسن

عادي الهدوم تنحط بجنطه السفر كبيره واوديهم

والتسريحه انا ما احب عليها عفيسه الاغراض كلها داخل الجرارات

اللهم العطور الي احبها عالتسريحه ونفس ماقلتي بصينيه

انا عندي نفس هذي واصلتني كانت هديه مع فازات ورد

وحاطه غراش القطن او ممكن يكونون بكبت الحمام

ولان تسريحتي طويله حاطه سله فيها مجلات شكلها حلو

بالطريقه هذي وهم السله كانت واصلتني هديه بس في اشكال والوان بدايسو والاسواق الشعبيه و بياع الورد

ملابس الداخليه في مقسمات لها

او بجياس اورغنزا في عند بياع الورد

وماله داعي البوكسات ياخذون مكان عالفاضي

والورد المجفف انا ما اواطنه مافيه ريحه ويوصخ عالفاضي

اخذي الجياس الي فيهم ريحه احسن مع ان اشوف ريحتهم ماتدوم

ممكن تبخرين الكبت بين كل مده ومده بس بخري ملابس البيت الطلعه لا تبخرينهم او بس الي حق زيارات نسائيه

او ممكن تحطين بالكبت علشان تتم الريحه فريش معطر الجو هذا ريحته حيل قويه

وهم حطيه بالحمام وحطي بخاخ بالحمام وحطي الي ينحط بالسيفون

انا عندي اهم شي الحمام

واخذي شموع معطره وفواحه هم مهمين

الريحه بالنسبه لي اهم من الترتيب

والكوميدينات لا تخلينهم زحمه

واذا الغرفه واسعه حيل اخذي حجم اكبر

واذا في مجال بالغرفه حطي طاوله للاكسسوارات تكون معروضه .. الاكسسوارات اليوميه

انا بسوي هالطريقه لان عندي مساحه بالغرفه

[IMG][/IMG]

[IMG][/IMG]

او تحطينهم في مواعين وايد عاجبتني هالفكره

اللوشنات احس خليهم بالحمام بكبت مخصص هناك علشان ماتنترس جرارات التسريحه

واذا مافي مكان لكبت بالحمام

اخذوا مغسله مع ادراج

والميك اب انا حاطته في شغله نفس هذول ما اعرف اسمه وكل مكان موجود حتى عند لوازم العائله انا عندي الابيض الشفاف

او ممكن جذي

هذول من ايكيا

انا ما احب شي معروض

والفرش انا حاطتهم بجنطه وحاطه عالفرش مثل حمايه علشان مايختربون طالبتها من النت

وبس صبغ الاظافر لان احب الاصباغ بعلق ستانده عالطوفه عندي نفس مال الصالونات

بلاستك شفاف يتعلق عالطوفه طالبته من النت

وسلامتج واي سؤال ثاني حياج

ودعواتج لي ان الله يسهلي اموري واتخرج من الجامعه وافتك

بس ابي اتخرج لا تقولين معدل وامتياز لوول انا راضيه بجيد >>> اسم الله علي قنوعه ههههه

مـوجود ســـتاندات للعـــطور
وعـــلب بلاســـتيك باشـــكال مــزخـــرفه

بخصـــــــــــوص الشــــنـــط
فـــي اكـــــياس لهـــم يتـــعلقون باطـــراف تســـــريحة الغــــرفة
فــــي اكســــسورات ورود تقـــــدرين تـــوزعيــنهم عــلى اطـــراف شــئ يـــدعي بالـــرقي

miss botamba واااااااااايد عجبني ردج عسل عسل عسل وايد استفدت انتي باي كلية باي سنة ،انا بكلية تربية قسم English سنة ثانية وانتي حبيبتي؟؟

والله يوفقج بالكلية وتخلصين بالنجاح ان شاء الله

هههههه مشكوره

انا ادرس بجامعه خاصه وتخصصي محاسبه وصارلي تقريبا 6 او 7 سنين هههههه لو متزوجه جان عندي ياهل بدش المدرسه

وايد اعجبوني الصور

من وين ييبتيهم ؟؟؟؟ من اي موقع

^^

انا من نفسي اكتب بقوقل واختار الصور الي يعجبوني

وادعيلي مو تنسين

موجود بحولي بشارع بيروت

شارع بيروت حق الي مايعرفه اهوا دخله حولي من النقره تاخذينه سيده بعد اول دوار تعدينه سيده اعتقد يكون على طول يسارج واذا مالقيتيه يكون بعد شوي جدام بس اهوا قبل مجمع بيروت وقبل المهلب يعني ماتوصلين لي اخر حولي بالنص اهوا

وهالسلات هم حلوه كصينيه

احنا اوقات نستخدمهم صواني

او

حق الفطاير

احنا بعد نحط فيهم الفطاير ونغطي الفطاير بقماش من ايكيا اذا عجبكم تلاقونه في قسم المطبخ يم مريلات الطبخ و البيز مال الجدور

جذي